Ditën e sotme parashikohet mot me vranësira dhe intervale të shkurta me diell, ndërsa mjegulla do të vazhdojë lokalisht deri në orët e mëngjesit.

Gjatë ditës, reshjet lokale të shiut do të shtrihen gradualisht, ndërsa në mbrëmje depërtimi i një fronti të ftohtë do të sjellë reshje në të gjithë vendin.

Në pjesën më të madhe të territorit, reshjet e shiut do të shndërrohen në borë para mesnatës, ndërsa deri pas mesnate ky shndërrim do të ndodhë në të gjithë vendin.

 

 

Reshjet pritet të jenë më të dendura lokalisht, veçanërisht në Rrafshin e Dukagjinit, njofton Meteo Kosova.

Era do të fryjë fillimisht nga drejtimi i jugperëndimit, ndërsa me ardhjen e frontit të ftohtë, do të zhvendoset nga drejtimi i veriut, e cila kohë pas kohe pritet të jetë mjaft e fuqishme, me shpejtësi prej 15-50 km/h.

Temperaturat minimale do të lëvizin prej -6 deri në 3°C, ndërsa ato maksimale prej 6 deri në 11°C.

Një person është goditur me thikë në krahëror, pasi pati një mosmarrëveshje me një 18-vjeçar.

Rasti raporothet të ketë ndodhur në fshatin Poslishtë të Prizrenit.

Zëdhënësi i policisë për rajonin e Prizrenit, Shaqir Bytyqi, deklaroi për IndeksOnline se viktima, 44 vjeçar, është duke marrë tretman në emergjencën e spitalit të qytetit dhe se i njëjti është jashtë rrezikut për jetë.

“Dy persona janë arrestuar si të dyshuar lidhur me rastin, një i mitur dhë një madhor”, deklaroi Bytyqi.

Ky është njoftimi i plotë i tij:

Me datë 02.01.2025, rreth orës 16:35, kemi marrë informatë se në emergjencën e spitalit rajonal është duke u trajtuar viktima R. Sh., mashkull i lindur më 1980, nga fshati Poslishtë, Prizren.

Patrulla policore ka dalë në vendin e ngjarjes dhe ka kontaktuar me viktimën, i cili ka deklaruar se në qendër të fshatit Poslishtë kishte ndodhur një mosmarrveshje mes tij dhe një të dyshuari mashkull, rreth 18 vjeç, të cilin nuk e njihte me emër, e nga i cili ishte goditur në krahëror me mjet të mprehtë thikë, dhe si pasojë kishte marrë lëndim trupor.

Sipas mjekëve, viktima është jashtë rrezikut për jetë.

Dy persona janë arrestuar si të dyshuar lidhur me rastin, një i mitur dhë një madhor.

Marketing

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Banesa në shitje nga Renelual Tahiri  

Rritje çmimesh në produktet ushqimore u vërejtën qysh në fillim të vitit.

E këtë, vështirë se e përballuan qytetarët e Kosovës.

“Po duhet me këqyrë ku ka më lirë që jam dale me i ble do sene, se vallahin shtrenjtë. Edhe vezët janë shumë shtrenjtë, të gjithë artikujt ushqimorë janë shumë shtrenjtë po çka me ba po duhet diqysh me jetu”, shprehet qytetari Bajram Demaj.

“Për standard tonin me çfarë kushte na jetojmë shembull me page 300-350 euro pagën mujore, normal që janë senet shtrenjtë për neve”, thotë Sabri Krasniqi.

“Dal shpesh, përditë ndryshe ndryshe, ka ndryshime për çdo ditë. Edhe ato dallime po tash nuk kemi fasulen tonë që kemi pasë përpara, se nuk pe mbjell kerkush, se unë isha në Pejë para do ditëve, 10 euro një kg pasul e bleva”, shprehet qytetari Faik Fazliu.

E kjo rritje çmimesh është shkak i gjurmëve që ka lënë inflacioni gjatë gjithë këtij viti.

“Ka lënë gjurmë shumë shqetësuese në Kosovë. Sot shumë produkte që mund t’i gjejmë në Kosovë janë shumë më të shtrenjta se sa në vendet evropiane. Kjo është kostoja e eksportit të parasë së gatshme të Kosovës duke importuar mallra dhe shërbime nga vende të ndryshme evropiane dhe më gjerë dhe në këtë drejtim jemi duke importuar inflacion të heshtur që vërtetë po e godit shtresën e ulët të qytetarëve të Kosovës”, shprehet ekonomisti Safet Gërxhaliu.

E pavarësisht se Qeveria ka subvencionuar faturat e energjisë elektrike për familjet e cenueshme dhe ndau nga 100 euro shtesa për pensionistët dhe fëmijët nën moshën 16-vjeçare, ekonomistët vlerësojnë se ndihma e shtetit karshi popullatës mbetet ende e vogël.

“Fatkeqësia më e madhe është që qeveria e Kosovës është duke heshtur dhe duke mos u dalur në ndihmë qytetarëve të vendit për çka edhe iu është vështirësuar jeta dhe mbijetesa e tyre”, thotë për Tëvë 1 Bashkim Mustafa, ekonomist.

Sipas Agjencisë së Statistikave të Kosovës, inflacioni gjatë vitit 2024 ka pasur rritje për 0.4 përqind.

Marketing

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Banesa në shitje nga Renelual Tahiri