Lëvizja Vetëvendosje (LVV) në Prizren ka përfunduar përgatitjet e nevojshme për një fushatë zgjedhore të suksesshme për zgjedhjet e 9 shkurtit 2025.

Shefi i Shtabit Zgjedhor të Qendrës së LVV-së në Prizren, Karanfil Haxhillari, tregon se tashmë janë kompletuar të gjitha struktura dhe përgatitjet për fushatën, e cila ka ndihmuar në krijimin e një shtabi të plotë zgjedhor prej 13 departamentesh.

“Edhe pse ndodhemi ende në fazën e parafushatës, aktivitetet tona në terren janë të shpeshta dhe të vazhdueshme. Kandidatët tanë janë çdo ditë në takime me qytetarët e çdo lagjeje dhe lokaliteti të Prizrenit”,  tha Haxhillari për TV Prizrenin.

Sipas tij,  fushata zgjedhore do të realizohet në tre etapa të mirëpërgatitura, të cilat do të shtrihen gjatë gjithë periudhës deri në ditën e zgjedhjeve.

Qendra e LVV-së në Prizren ka katër kandidatë për deputetë, ndërsa  një kandidat nga Lista “Guxo”.

“Jemi të përkushtuar të mbështesim kandidatët tanë dhe t’i realizojmë objektivat e Lëvizjes Vetëvendosje”, u shpreh ai

Haxhillari po ashtu   ftoi qytetarët, anëtarët dhe simpatizantët që të marrin pjesë në tubimin e organizuar nga LVV më 10 janar 2025, në orën 16:30, në Teatrin “Bekim Fehmiu” në Shtëpinë e Kulturës “Xhemajli Berisha” në Prizren,ku do të marrë pjesë edhe  kryeministri Albin Kurti./PrizrenPress.com.

Marketing

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kryetari i Këshillit të Bashkësisë Islame në Prizren, Valon ef. Ibrahimi, së bashku me bashkëpunëtorët e tij, realizoi një vizitë zyrtare te Konsullata e Republikës së Turqisë në Prizren.

Gjatë kësaj vizite, ata u pritën nga Konsulli, Celal Do?an.

Kryetari Ibrahimi shprehu mirënjohjen e tij të thellë në emër të të gjithë nënpunësve fetaro-administrativë për mbështetjen dhe ndihmën e vazhdueshme që shteti i Turqisë po ofron për popullin e Kosovës në fusha të ndryshme.

Nga ana e tij, Konsulli Do?an tha  se Turqia mbetet e angazhuar për të ndihmuar popullin e Kosovës në rrugëtimin e tij drejt një të ardhme më të sigurtë dhe prosperuese.

Ai gjithashtu vlerësoi punën e Këshillit të Bashkësisë Islame në Prizren për kontributin e tyre të rëndësishëm në ngritjen e vetëdijes qytetare, si në aspektin moral ashtu edhe social.

Takimi u zhvillua në një frymë tejet miqësore, duke reflektuar marrëdhëniet e ngrohta dhe bashkëpunimin e fortë midis Kosovës dhe Turqisë./PP/

Marketing

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Banesa në shitje nga Renelual Tahiri