Tre arinj të murrmë që kanë vetëm disa muaj janë kthyer në Bjeshkët e Sharrit. Për Eman, Oskan dhe Ronin janë momentet e fundit në Parkun e Arinjve “Prishtina”.

Ky park që është bërë shtëpi për arinjtë e murrmë nuk është vendi ku do të rriten këta tre, pasi do të dërgohen atje ku supozohet të kenë lindur, në Bjeshkët e Sharrit, raporton KTV.

Ata në mars të këtij viti u ishin konfiskuar disa familjeve në Pejë dhe mbaheshin si kafshë shtëpiake, derisa kishin vetëm pak javë që kishin lindur. Megjithatë, plani i organizatës për mbrojtjen e kafshëve, ‘Four Paws’, është që ata të kthehen nga kanë ardhur dhe të rehabilitohen në zonat e tyre natyrale.

Policia e Kosovës në muajin mars i kishte konfiskuar ata dhe menjëherë ishin vënën nën përkujdesje të ekspertëve, në parkun e arinjve “Prishtina”.

Gjendja e tyre ishte mjaftë e rëndë, pasi që në kushte normale një ari mbetet në shoqëri të së ëmës deri në dy vjet pas lindjes.Për ta, në Parkun Kombëtar ‘Sharri’, Ministria e Mjedisit ka ndarë një hapësirë prej 1.2 hektarësh.

Dy shtetas nga Shqipëria janë grushtuar nga një person i  tretë në Vërmicë të Prizrenit. Ata janë rrahur fizikisht pasi janë zënë mes vete për arsye ende të panjohur.

“Pas një zënke dy viktimat meshkuj shtetas të Shqipërisë janë sulmuar fizikisht nga i dyshuari mashkull K/Shqiptar. Viktimat kanë pranuar tretmanë mjekësor ndërsa i dyshuari pas intervistimit me urdhër të prokurorit është liruar në procedurë të rregullt”, njofton Policia e Kosovës/PrizrenPress.com/

Është arrestuar një person në fshatin Atmaxhë të Prizrenit. Arrestimi i tij është bërë me urdhër të Gjykatës Themelore.

 “Në bazë të urdhëresës se lëshuar nga Gjykata Themelore në Prizren është arrestuar i dyshuari mashkull K-Shqiptar dhe i njëjti pas përfundimit të procedurave në gjykatë është liruar”, njofton Policia e Kosovës/PrizrenPress.com/

Analisti Halil Matoshi nuk mendon se Lista Serbe, që në zgjedhjet e 8 qershorit doli me më së shumti deputetë nga të gjitha partitë e komuniteteve, do të ketë rolin kryesor në formimin e Qeverisë së Kosovës.

Në një prononcim për Politiko.net, Matoshi thotë se pavarësisht se kush me kë do ta krijojë Qeverinë, Lista Serbe do të jetë pjesë e Ekzekutivit.

Megjithatë, ai mendon se rolin e Kingmaker’it po e merr Lëvizja e Kurtit, pa të cilën thotë se do të jetë e vështirë të sigurohen numrat nga cilido kamp.

“Jo, nuk e shoh Listen Serbe si ‘Kingmaker’, sepse komunitetet jo shumicë e kanë të drejtën kushtetuese që të jenë pjesë e Qeverise së Kosovës, prandaj ata këtë të drejtë mund ta realizojnë në secilin variant qeverisës, pra ata do të jenë pjesë e ekzekutivit pa marrë para sysh se kush me kë e krijon Qeverinë e Kosovës”.

“Rolin e ‘Kingmaker’it’ në konfigurimin politik kosovar po e merr Lëvizja Vetëvendosje, pa të cilën, në të ardhmën, duket se asnjëri bllok nuk do të mund të krijojë Qeverinë”.

E udhëhequr dhe e formuar nga Beogradi, Lista Serbe që për herë të parë mori pjesë në zgjedhjet parlamentare, ka 9 deputetë në Kuvendin e Kosovës.

Së bashku me minoritetet tjera në seancën e tensionuar konstituive të 17 korrikut, ata votuan pro zgjedhjes së Isa Mustafës, Kryeparlamentar, post ky që pas u pezullua përkohësisht nga Gjykata Kushtetuese, pas kërkesës së deputetëve të Partisë Demokratike të Kosovës.

Me hyrjen e Listës në Kuvend është thënë se Beogradi do ta dirigjonte Qeverinë e Kosovës, në rast se në përbërjen e saj nuk do të kishte një shumicë shqiptare.

Por, Halil Matoshi mendon ndryshe.

Thotë se këto janë ekzagjerime të shtetit serb, sepse, sipas tij, asgjë nuk ka ndryshuar në qeverisjen e Kosovës pas zgjedhjeve të 8 qershorit.

“Përfaqësuesit e komuniteteve jo shumicë në Kosovë kanë qenë pjesë e të gjitha qeverive të vendit që nga paslufta e këtej. Dhe Lista Serbe nuk bën përjashtim, ajo nuk mundet ta dirigjojë me asgjë Qeverinë e Kosovës, pos që natyrisht do t’i realizojë të drejtat e veta kushtetuese”.

“E mira është se kjo listë i pranon institucionet shtetërore kosovare dhe kontributi i saj pritet të jetë konstruktiv dhe i baraspeshuar”.

Ministri i Punëve të Brendshme, Bajram Rexhepi, thotë se janë në kërkim të ish-deputetit, Gani Geci.

Ai nuk beson se Geci ka ikur jashtë vendit, pasi sipas tij, të gjitha pikat kufitare janë informuar menjëherë pas vrasjes që ka ndodhur.

“Policia është në kërkim të Gani Gecit, i kemi dëgjuar prononcimet e familjarëve që ai ka shkuar jashtë, ne nuk duam të paragjykojmë por ne nuk jemi shumë të bindur që ai ka shkuar jashtë për arsye se në momentin që ka ndodhur ky aksident ne i kemi informuar të gjitha pikëkalimet kufitare dhe po ashtu aeroportet e vendeve fqinje që në rast se shihet diku të arrestohet”

“Prandaj mundësitë kanë qenë të vogla në atë drejtim, megjithatë ne jemi në kërkim të tij, ai ka pasur mundësinë që të dorëzohet e meqenëse se këtë nuk e ka shfrytëzuar ai do të mundohemi që në momentin që të identifikohet ku është dhe do të arrestohet e do të jetë para drejtësisë”, thotë Rexhepi.

Por, nëse u dyshuari për vrasjen e Ruzhdi Shaqirit është larguar nga vendi sipas Rexhepit, situata do të jetë më e komplikuar dhe do të bëhet kërkesa për ekstradim.

“Unë nuk kam argumente as për njërën as për tjetrën por nuk jam i bindur të iu besoj fjalëve të familjarëve sepse mundësitë kanë qenë shumë të vogla se shmëherët është kërkuar që në të gjitha vendkalimet kufitare njëkohësisht edhe aeroporti i Tiranës që nëse hasin, të arrestohet, prandaj mundësia ka qenë e vogël në këtë drejtim”, thotë Rexhepi.