Kryetari i Lidhjes Demokratike të Kosovës, Isa Mustafa, përmes një postimi në Facebook ka shprehur shqetësimet e tij lidhur me fenomenet që po e degradojnë shoqërinë kosovare, duke filluar nga korrupsioni, fundosjen e arsimit dhe mbjelljes së urrejtjes fetare dhe gjinore. “Feja ka marrë përmasa të manifestimit me uniforma dhe mjekra që më së paku u përngjajnë qytetarëve tanë e me individë që në vend të misionit të besimit në zot e dashurisë për njerëzimin, mbjellin urrejtje fetare e gjinore, vrasin njerëz e presin koka duke u thirr në Allahun”, ka shkruar Mustafa.
Lexojeni të plotë postimin e Isa Mustafës në Facebook:

“Të dashur miq,

Vitet e kaluara, popullata e Kosovës cilësohej më optimistja. Optimizmi është veti e mirë, sepse njerëzit mendojnë pozitivisht dhe shpresojnë për një të ardhme më të mirë. Njeriu nganjëherë bën luftë me vetveten, se a duhet të kritikohen aq shumë e aq rënd institucionet në Kosovë, të cilat lindën nga flijimi i shumë njerëzve, familjeve e gjeneratave.

Thjesht mund të vërehet se tranzicioni në të cilin po kalojmë, na ka gjetur të papërgatitur: njerëzit i bëri të etur të fitojnë shpejtë e të korruptohen, shkollat i përplasi me ide dhe eksperimente të atyre që nuk vlenin as për pesë pare në vendin e tyre, por erdhën “të reformojnë” e ta fundosin arsimin tonë bashkë me njerëz me diploma “fast food”, siç thotë një profesor dhe mik i imi; feja ka marrë përmasa të manifestimit me uniforma dhe mjekra që më së paku u përngjajnë qytetarëve tanë e me individë që në vend të misionit të besimit në zot e dashurisë për njerëzimin, mbjellin urrejtje fetare e gjinore, vrasin njerëz e presin koka duke u thirr në Allahun.

Ne kemi nevojë ti ndalim këto dukuri, kemi nevojë që shtetin tonë ta kthejmë dhe ta zhvillojmë në binarë normal. Nuk mjafton vetëm të distancohemi ndaj njerëzve dhe veprave të llahtarshme të tyre, ndaj atyre që po e plaçkitin çdo ditë këtë vend e ndaj atyre që duhet të përgjigjen për vrasje e ekzekutime. Në duhet të tregojmë guxim dhe gatishmëri për të zbatuar drejtësinë. Ne, institucionet dhe qytetarët e këtij vendi. Të tjerët mund të na ndihmojnë, por nuk mund t’i bëjnë punët tona”, (sic), ka shkruar Mustafa në Facebook.

Personi i dyshuar është arrestuar nën dyshimin se ka keqpërdorur seksualisht viktimën, femër, shqiptare e Kosovës, e cila është me çrregullime apo pa aftësi mendore.

Në Suharekë është arrestuar një person, shtetas i Kosovës i përkatësisë turke.

Personi i dyshuar është arrestuar nën dyshimin se ka keqpërdorur seksualisht viktimën, femër, shqiptare e Kosovës, e cila është me çrregullime apo pa aftësi mendore.

Viktimës i është ofruar tretmani mjekësor, ndërsa i dyshuari me urdhër të prokurorit është dërguar në qendrën e ndalimit.

Komuna e Prizren lason sot aplikimin për për dokumente online përmes ueb faqës.

Drejtori i Administratës, Ilir Baldedaj tha se nga nesër  qytetarët mund të aplikojnë online.

“Qytetarët mund të aplikojnë për ekstraktin e lindjes, certifikatën e lindjes, martesës,vendbanimit,shtetësisë dhe vdekjes”, thotë Baldedaj për ‘PrizrenPress’

Ky projekt do të fillojë nesër zyrtarisht në të tri gjuhët.“Aplikimi online deri më tash ka qenë në fazën testuese dhe vetëm në një gjuhë, ndërsa tash jemi të gatshëm të startojmë në mënyrë të rregullt”, thotë Baldedaj.

Ai tregon se qytetarët për çdo aplikim do të marrin përgjigje. “Kemi caktuar një përgjegjës dhe aplikuesit brenda 24 orësh do t’i dërgohet në shtëpi”.

Ai tregon se dokumentet do të dërgohen në shtëpi përmes Postës së Kosovës. /PrizrenPress.com/

Masar Shala(PDK) dhe Arbër Rexhaj(VV) në periudhën janar-qershor kanë shënuar nivelin më të lartë të pjesëmarrjes në diskutime përkitazi me pikat e rendit të ditës në seancat e Asamblesë Komunale të Prizrenit.

Përfaqësuesi i KDI-së në Prizren, Naim Cahanaj tregon se gjatë fletënontimi ka rezultuar se asamblisti i PDK-së Masar Shala gjatë kësaj periudhe ka marrë pjesë në diskutime 9.4 për qind, ndërsa ai i Vetëvendosjes Arbër Rexhaj 8.9 pë qind të pjesëmarrjes së përgjithshme në diskutim gjatë seancave.

“Masar Shala (PDK) dhe Arbër Rexhaj (LVV) kanë shënuar nivelin më të lartë në diskutime gjatë periudhës janar-qershor të këtij viti”.

“Gjatë periudhës Janar-Qershor 2014 pjesëmarrja në diskutime të anëtarëve të Kuvendit të Komunës së Prizrenit në lidhje me pikat e rendit të ditës është karakterizuar me një përqindje të ultë në seancat e fillim vitit, derisa në tri nga seancat e fundit, pjesëmarrja në diskutim e anë-tarëve ka shënuar rritje”, thotë Cahanaj për “PrizrenPress”.

“Anëtarët e PDK-së në Kuvendin e Komunës së Prizrenit në këtë periudhë kanë shënuar nivelin më të lartë të pjesë-marrjes në diskutime në seancat e mbajtura me 25.7 për qind të diskutimeve të përgjithshme të pasuar nga anëtarët e LDK-së dhe LVV-së me 20.8 % përkatësisht 10.9 % të diskutimit të përgjithshëm./PrizrenPress.com/

Parlamentit të Kosovës tash e sa kohë i ka munguar komisioni i përhershëm për çështjet kushtetuese, kështu janë shprehur njohës dhe hartues të Kushtetutës së Republikës së Kosovës.

Sipas tyrë roli i komisionit kushtetues brenda kuvendit do të evitonte raste të shumta që shkojnë në Gjykatën Kushtetuese. Siç kanë thënë ata neglizhenca ka qene një nder shkaqet e mos formimit të këtij komisionit, roli i të cilit do të ishte shumë domethënës.

Njëri nga hartuesit e Kushtetutës së Kosovës, Arsim Bajrami, ka thënë se shkeljet e kushtetutës do të ishin shumë më të vogla sikur brenda parlamentit do të ekzistonte një komision i përhershëm kushtetues, i cili do të shqyrtonte paraprakisht ligjet e miratuara edhe vendimet ne pajtim me kushtetutën.