Kancelarja gjermane, Angela Merkel, sot në Bundestag ka folur ndër të tjera edhe për Kosovën, derisa është pyetur nga gazetarët. Ajo ka thënë se në Samitin e Dubrovnikut të mbajtur ditë më parë, ka biseduar me shtetet e Ballkanit dhe nivelin e raporteve ndërmjet tyre.

“Në Dubrovnik kemi biseduar, unë në mes të shteteve te Ballkanit, për nivelin e secilit shtet në raport me procesin e tyre te afrimit ne BE, dhe aty ka nivele te ndryshme, kemi Slloveninë dhe Kroacinë të cilat tashmë janë anëtare të BE-së, Shqipëria e ka marrë statusin e Kandidatit Potencial, kemi hapur negociatat për anëtarësim me Serbinë dhe Malin e Zi dhe në rastin e Kosovës jemi duke punuar mbi një marrëveshje që korrespondon me Marrëveshjen për Stabilizim Asocim”, ka thënë Merkel.

Sipas saj, është sqaruar disa herë së është pikërisht kjo që ka ndikuar të vë në lëvizje raportet mes Kosovës dhe Serbisë dhe se ndër kriteret e anëtarësimit të Serbisë në BE është rregullimi gradual i raporteve me Kosovën.

“Dhe kush sheh se çfarë ka ndodhur në periudhën e fundit prej një vitit e gjysmë, mund të sheh se në krahasim me konfliktet tjera, këtu mund të vërehen se paku disa përparime dhe kjo rrugë duhet të vazhdojë. Do të thotë se i tërë procesi i anëtarësimit të Serbisë në vazhdimësi do të jetë i ndërlidhur me pyetjen: Si qëndrojnë raportet e Serbisë karshi Kosovës? Por që edhe Kosova ka disa detyra për t’i plotësuar për arritjen e Marrëveshjes se Stabilizim Asociimit. Por nuk ka trajtim ndryshe. Ne i vëmë kushtet e njëjta ndaj të gjithëve dhe prandaj qëndron në vet zhvillimet e Kosovës se çfarë do të ndodhë në vazhdim dhe besoj se çështja më urgjente dhe aktuale është formimi i qeverisë pas zgjedhjeve”, ka thënë Merkel.

Fakulteti i Shkencave të Mjekësisë Teknike të Universitetit të Tiranës,në bashkëpunim me Fakultetin e Shkencave Mjekësore “Rezonanca” dhe Universitetin Shtetëror të Tetovës,kanë organizuar sot në Prizren,konferencën e tretë shkencore ndërkombëtare me temë “Mjekësia Interne & të rejat e saj bashkëkohore në trevat shqipfolëse”.

Prof.dr. Petrit Bara,dekan i Fakultetit të Mjekësisë në Universitetin e Tiranës, tha se ky aktivitet është një ngjarje e veçantë për mjekësinë bashkëkohore.

“Ky aktivitet duhet të shërbejë si hapje e rrugës së përbashkët të zhvillimit shkencor në fushën e mjekësisë,e cila ofron një të ardhme më të sigurtë përmes edukimit dhe shkencës si një parametër thelbësor të integrimit në familjen evropiane”.

Pjesëmarrës të konferencës së tretë që u mbajt në ambientët e Fakultetit “Rezonanca’ në Prizren, kanë qenë një numër i madh studiuesish nga Shqipëria, Kosova, Maqedonia dhe vende tjera/TVPZ/

Partia Demokratike e Kosovës kërkon nga Gjykata Kushtetuese që të sqarojë se a ka pasur shkelje të Kushtetutës së Kosovës dhe procedurave në seancën konstituive të Kuvendit të Kosovës, ku është zgjedhur kryeparlamentar Isa Mustafa. Andaj ne po kërkojmë nga Gjykata Kushtetuese që të pezullohet kjo procedurë e zgjedhjes së kryeparlamentarit.

Kështu pohoi nënkryetari i Partisë Demokratike të Kosovës, Xhavit Haliti, i cili iu drejtua Gjykatës Kushtetuese, nga e cila PDK po kërkon opinionin e saj lidhur me seancën e djeshme, për të cilën ata mendojnë se ka pasur shkelje të procedurave, raporton kosovapress.

“PDK mendon se procedurat janë shkelë. Ka pasur shkelje të njëpasnjëshme. Kemi kërkuar që të pezullohet kjo procedurë. Nga Gjykata Kushtetuese nuk kemi kërkuar sqarim”, tha ai.

Ndërsa Haliti tha se grupi më i madh parlamentar është ai që i ka fituar zgjedhjet e certifikuara nga KQZ.

“Ne e dimë që janë krijuar grupe dhe kanë krijuar grupe të përbashkëta, por këto nuk janë të legjitimuara”, tha ai.

Anëtari i Kryesisë së PDK’së, Xhavit Haliti, e ka dorëzuar sot lëndën e PDK’së në Gjykatën Kushtetuese për të vlerësuar nëse seanca e fundit e Kuvendit të Kosovës është mbajtur në përputhshmëri me Kushtetutën dhe Rregulloren e Punës së Parlamentit.

Haliti bashkë me Nënkryetarin e PDK’së, Memli Krasniqi, pas dorëzimit të lëndës në Gjykatë, kanë thënë se presin që vendimet e marra në seancën konstituive të anulohen pasi ato janë marrë duke shkelur Kushtetutën dhe Rregulloren e Punës së Kuvendit.

Ndryshe, dje, në Kuvendin e Kosovës është zgjedhur Kryetar i Kuvendit, Isa Mustafa, derisa PDK s’ka qëndruar në sallë kur është votuar për Kryeparlamentrin.

Në fakt, PDK nuk e ka njohur kryetarin e ri të Kuvendit dhe as Grupin më të madh parlamentar i krijuar pas zgjedhjeve nacionale.

Tre persona janë arrestua në Prizren. Arrestimi i tyre është bërë me urdhër të Gjykatës Themelore në Prizren.

“Në bazë të urdhëresës së lëshuar nga Gjykata Themelore, Departamenti për të mitur është arrestuar një i mitur mashkull K-Shqiptar dhe të njëjti është dërguar në qendrën korrektuese në Lipjan”,njofton Policia e Kosovës.

“ Në bazë të urdhëresës së lëshuar nga Gjykata është arrestuar i dyshuari mashkull K-Shqiptar dhe i njëjti pasi bën pagesën e përcaktuar nga gjykata është liruar”.

“Në bazë të urdhëresës së lëshuar nga Gjykata Themelore në Prizren është arrestuar i dyshuari mashkull shqiptar shtetas i Shqipërisë dhe i njëjti pasi bën pagesën e përcaktuar nga gjykata lirohet”./PrizrenPress.com/