Kanë punuar për vite në shkolla të mesme të Prizrenit, por tani rrezikojnë të mbeten pa punë, pasi paralelet në të cilat ata kanë punuar, fillimin e vitit të ardhshëm shkollor nuk do të startojnë, pasi me vendim të Ministrisë së Arsimit dhe Shkencës të Kosovës (MASHT) shkollimi i mesëm tashmë do të përfundojë me mbarimin e klasës së XII.

Shuarja e klasave të XIII, të fundit për disa drejtime në shkollimin e mesëm, e bën të paqartë fatin e mbi 60 mësimdhënësve, të cilët kanë qenë të angazhuar në procesin edukativ në paralelet që tashmë nuk janë.

Drejtori për Arsim në Prizren, Nexhat Çoçaj, pranon se heqja e kësaj klase përbën një problem madhor këtë vit, pasi nga shtatori nuk do të jenë edhe 42 klasë të XIII, ndërsa kjo do të thotë se 63 norma mësimore janë më pak.

“Drejtoria e Arsimit ka marrë masat dhe po i planifikon gjërat me kohë, për të hapur një shkollë të re profesionale, atë të kompetencës, në mënyrë që askush të mos largohet nga puna dhe mësimdhënësit përsëri nga shtatori të jenë në profesionin e tyre, ndonëse në një shkollë tjetër”, tha për “Zërin” ai.

Çoçaj tha se me fillimin e vitit të ri shkollor do të hapet Shkolla e Kompetencës, që është donacion i qeverisë së Luksemburgut dhe se DKA-ja tri vjet më parë ka përcaktuar drejtimet arsimore.

“Në konkurset e hapura, përparësi në drejtime të përgjithshme kanë punëtorët, të cilët kanë mbetur pa punë, pas heqjes së klasës së XIII”, tha ai.

Konkursi do të hapet edhe për shkollën e Agrobiznesit, që fillimisht parashihet të funksionojë në ndonjërin prej objekteve të shkollave që punojnë vetëm në një ndërrim, pasi aktualisht nuk ka objekt të posaçëm.

Zyrtarët arsimorë thanë se do t’i shikojnë mundësitë për ta futur në buxhet ndërtimin e një objekti të posaçëm për këtë shkollë.

“Në shkollat e reja, mendoj se do të sistemohen të gjithë punëtorët dhe se asnjëri nuk do të largohet nga puna”, tha Çoçaj, duke treguar se tashmë është hapur edhe afati i parë për regjistrim në Shkollën e Kompetencës dhe në atë të Agrobiznesit.

Në Shkollën e Kompetencës veçantia është se praktika do të zhvillohet në Gjermani, ndërsa do të jetë e mbikëqyrur nga donatori, ndërsa sipas zyrtarëve diplomat e kësaj shkolle do të njihen edhe jashtë Kosovës.

Shkolla e Kompetencës dhe ajo profesionale e Agrobiznesit ofrojnë drejtime të reja dhe pritet të nxjerrin kuadro që vlerësohet se janë të mirëseardhura për tregun bashkëkohor të punës, sidomos për atë të ekonomisë e bujqësisë.

Profesorët e mbetur pa normë në Shkollën e Mesme Teknike mendohet të dërgohen në atë të Agrobiznesit.

Serbia e ka hequr të ashtuquajturën Ministri për Kosovën nga resorët e Qeverisë së saj. E me punët e asaj “ministrie” po merret e ashtuquajtura Zyrë Kosovën. Në krye të saj është emëruar ish- kryekëshilltari i kryetarit të Serbisë Marko Gjuriq, anëtar aktiv dhe kreativ i delegacionit serb në bisedime me Kosovën në Bruksel, transmeton Koha.net.

Gjuriq, në cilës të drejtorit të Zyrës për Kosovën, e viziton shpesh, me leje e pa leje vendin tonë. Ai ishte në Mitrovicë edhe kur u ngrit i ashtuquajturi “park i paqes” në Urën kryesore të Ibrit.

Pas Mitrovice, Gjuriq shkoi në “punktin” tjetër të Serbisë në Kosovë, në Brezovicë. Para dy ditësh ai qëndroi edhe në Ski-centar të kësaj pushimoreje.

Me këtë rast, siç njofton “Novosti” mikpritësit i ofruan atij hapjen e sezonit të ardhshëm turistik e dimëror, mu ashtu siç i kishin ofruar dhe siç kishin bërë sivjet me paraardhësin e tij Aleksandar Vulin.

-Po ndodhi kështu, ju më parë duhet të organizooni shkollë skijimi në këtë qendër, pasi jam antitalent për ski, i ka thënë Gjuriqi drejtorit itë Ski Centar –i në Brezovicë, Slagjan Nikolçeviqit.

Nikolçeviqi ka pranuar këtë kërkesë e Gjuriq ka premtuar se do të ftojë vizitorë për të qëndruar në këtë pushimore të bukur.

Nga Kamenica asnjë kandidat i asnjë subjekti politik nuk ka arritur të marrë vota për të fituar ulëse në Kuvend, kurse në komunën e Vitisë vetëm një kandidat ka fituar besimin e qytetarëve për të përfaqësuar interesat e tyre në Parlamentin e Kosovës.

Si shkruan gazeta Zëri, legjislatura e re e Kuvendit të Kosovës do të dominohet nga deputetë që vijnë nga rajoni i Dukagjinit dhe ai i Drenicës.

Sipas disa analistëve, arsyeja për numrin shumë të vogël të deputetëve nga ana e rajonit të Anamoravës (Gjilan, Viti, Kamenicë, Novobërdë) duhet të kërkohet në kandidimin e njerëzve që janë përfolur për afera korruptive.

Naim Rashiti, analist i Grupit të Ballkanit për Politika, ka thënë se situata në skenën politike në Kosovë, pas zgjedhjeve parlamentare, është e fragmentuar dhe me tensione, ku mungon komunikimi ndërmjet partive politike.

Duke e vlerësuar situatën e krijuar në skenën politike, pas mbajtjes së zgjedhjeve të 8 qershorit, Rashiti ka thënë se skena politike kaloi shumë më mirë seç pritej gjatë periudhës parazgjedhore, sipas tij, fushata ishte e mirë, e moderuar, pa probleme të mëdha. “Ndërsa, pas zgjedhjeve, tërë ky proces reflekton situatën politike dhe marrëdhëniet politike mes partive gjatë gjithë periudhës 3-4 vjeçare që kemi kaluar. Është një situatë e fragmentuar, me tensione, po më e keqja është një mungesë komunikimi mes partive politike dhe ky ishte dashur të jetë roli i presidentes që në çdo fazë të ketë një tavolinë afër vetes, ku liderët politikë takohen dhe konsultohen për proceset e mëtutjeshme. Megjithatë, unë mendoj që do të vijë momenti shpejt kur partitë politike do të ulen dhe do t’i përafrojnë qëndrimet rreth procedurave kushtetuese për konstituimin e parlamentit dhe formimin e qeverisë. Në praktikat ndërkombëtare njihet që problemet politike janë të zgjidhshme, shumë lehtë të menaxhueshme, por problemet dhe dallimet diametralisht të kundërta sa i përket kushtetutshmërisë së institucioneve, rrezikojnë stabilitetin e institucioneve, si dhe vetë institucionet”, është shprehur për “Radion Evropa e Lirë” Rashiti.

I pyetur nëse kjo situatë e tanishme mund të prodhojë ndonjë krizë të caktuar, Rashiti ka përjashtuar një gjë të tillë. “Duket që presidentja ia mbylli rrugën kësaj krize. Duket që presidentja përmes pyetjeve të saj, po e formëson procedurën për formimin e qeverisë. Deri në dhënien e mendimit, opinionit të Gjykatës Kushtetuese nuk dimë cila është rruga e cila zgjedh, megjithatë kam frikë nëse ky hap është bërë herët. Herët për dy arsye: para certifikimit të rezultateve dhe para një komunikimi, një dialogu me partitë politike. Dhe, kam frikë se edhe opinioni i Gjykatës Kushtetuese do të vazhdojë ta polarizojë skenën, varësisht se cilën anë e përkrah, cilin model të formimit të institucioneve e përkrah. Uroj që përgjatë këtij procesi të Gjykatës Kushtetuese të kemi vazhdimisht konsultime politike dhe të mos ndodh që një subjekt a një tjetër mos ta respektojë kushtetutshmërinë apo opinionin e Gjykatës Kushtetuese, sepse prapë kriza do të bartet pastaj brenda institucioneve”, ka thënë Rashiti.

Me shumë dyshim partitë opozitare po presin përgjigjen që do ta kthejë Gjykata Kushtetuese lidhur me mandatarin për formimin e Qeverisë së re të Kosovës.

Dy partitë, LDK-ja dhe LVV-ja, shfaqin dyshime ndaj kreut të Gjykatës Kushtetuese, Enver Hasani, nëse do të jetë i paanshëm në interpretimin për mandatarin për kryeministër të Kosovës…

Drenicasit dhe dukagjinasit do të zënë më shumë ulëse në Parlamentin e Kosovës.

Me legjislaturën e re, Parlamenti do të mbizotërohet nga deputetët që vijnë nga rajoni i Dukagjinit dhe ai i Drenicës../zeri/