21.8 C
Prizren
E shtunë, 31 Maj, 2025
Home Blog Page 8

Nesër nisin punimet në rrugën “Sadik Rexhaj” në lagjen “Ortakoll” të Prizrenit

0

Drejtoria e Shërbimeve Publike në Prizren ka njoftuar se nga ora 07:00 e mëngjesit të ditës së nesërme, më 27 maj, do të fillojnë punimet në rrugën “Sadik Rexhaj”, e cila ndodhet në lagjen “Ortakoll” të kryeqytetit.

Punimet janë pjesë e projekteve të rregullta të mirëmbajtjes dhe përmirësimit të infrastrukturës rrugore në këtë zonë.

Autoritetet lokale kërkojnë mirëkuptimin dhe bashkëpunimin e qytetarëve, veçanërisht të banorëve të kësaj rruge, për shkak të pengesave të mundshme që mund të paraqiten gjatë kohës së zhvillimit të punimeve.

Nga Drejtoria bëhet e ditur se çdo ndërhyrje do të realizohet me kujdes të shtuar për të minimizuar shqetësimet, ndërsa qytetarët do të mbahen të informuar për rrjedhën e procesit./PP/

Marketing

PDK-ja përkujton masakrën e Tusuzit

0

Partia Demokratike e Kosovës ka përkujtuar 27 viktimat e masakrës së Tusuzit.

Nëpërmjet një postimi në Facebook, kjo parti thotë se në përpjekjen e tyre për të zhdukur çdo gjurmë shqiptare, paramilitarët serbë jo vetëm që kryen akte dhune dhe terrori, por edhe plaçkitën e shkatërruan mbi 250 shtëpi, raporton Klankosova.tv.

“Kosova asnjëherë nuk do të harrojë martirët e saj dhe gjenocidin serb, i cili i ka shkaktuar kaq shumë dhembje popullit tone”, ka shkruar PDK-ja.

Marketing

Aplikimi për provimin e maturës nis nesër në E-Kosova, MAShTi pubkikon afatet tjera të rëndësishme

0

Ministria e Arsimit, Shkencës, Teknologjisë dhe Inovacionit (MAShTI), ka njoftuar maturantët se nga nesër 27.05.2025, do të filloj afati për aplikim për Provimin e Maturës.

Aplikimi do të bëhet përmes platformës E-Kosova dhe do të zgjasë deri më 10.06.2025.

MAShTI njofton se aprovimi i aplikimeve nga koordinatorët e shkollave do të bëhet nga 01.06.2025 deri më 11.06.2025.

“Provimi i Maturës Shtetërore 2025 në Kosovë është planifikuar të mbahet më 21 qershor 2025, kurse rezultatet do të publikohen më 30.06.2025. Nxënësit që e kalojnë Provimin e Maturës do të mund të shkarkojnë certifikatën digjitale nga po e njëjta platformë”, thuhet në njoftim.

Testi do të zhvillohet në një ditë të vetme dhe do të përfshijë katër lëndë: Gjuhë Shqipe, Gjuhë Angleze, Matematikë dhe një lëndë me zgjedhje.

Secila lëndë do të ketë nga 25 pyetje, me gjithsej 100 pyetje.

Marketing

 

Art Dizajn, fitues i Alley Oop në Therandë

0

Në Therandë është zhvilluar turneu i Alley Oop në Therandë, që njëkohësisht ishte i fundit para super finales në Prishtinë.

Të dielën në Therandë kanë marrë pjesë gjashtë ekipe në 3×3.

Fillimisht skuadrat ishin të ndara në dy grupe, e më pas janë zhvilluar dy gjysmëfinalet dhe në fund finalja ndërmjet mes Art Dizajnit dhe Team 04.

Pas një sfide mjaft të bukur, Art Dizajn ka fituar me rezultat të ngushtë, 10:9.

Ekipi i Art Dizajn fitoi shpërblimin prej 300 Euro, si dhe biletën për finalen në Prishtinë.

Më 9 qershor, në kryeqytet do të mbahet Superfinalja, për fituesin e parë të edicionit të Alley Oop.

Në Superfinale marrin pjesë gjashtë skuadrat që triumfuan në Prishtinë, Gjakovë, Prizren, Pejë, Mitrovicë dhe Therandë.

Ky projekt është në partneritet me FIBA Evropën, derisa qëllimi është të masivizojë basketbollin 3×3 në të gjithë Kosovën./PrizrenPress.com

Marketing

Dosja kundër grupit kriminal për grabitjen e armatosur te argjendaria ‘Diakos’ në Suharekë – ngritet aktakuza

0

Prokuroria Themelore në Prizren, Departamenti i Krimeve të Rënda, ka ngritur aktakuzë kundër grupit të dyshuar për grabitjen e armatosur më 22 nëntor 2023, në argjendarinë ‘Diakos’ në Suharekë.

Të dyshuarit ndaj të cilëve është ngritur aktakuza janë Korab Gashi (vëllai i të cilit, Dukagjin Gashi, ishte vrarë gjatë konfrontimit me Policinë), Bujar Basha, Besart Istrefi, Leotrim Cakolli dhe Trim Baraku

Sipas aktakuzës, të pandehurit K.B., B.B., dhe B.I., me datë 22.11.2023 në ora 15:45min në qytetin e Suharekës, në argjendarinë “D.“, me përdorim të forcës dhe kanosjes serioze për të sulmuar jetën apo trupin e personit tjetër duke vepruar si anëtarë të grupit të armatosur, përvetësojnë pasurinë e luajtshme të personave tjerë – të dëmtuarve T.B., dhe A.B., me qëllim që t’i sjellin vetes dhe anëtarëve tjerë të grupit dobi pasurore të kundërligjshme.

“Të njëjtit, nisen me automjet në drejtim të Suharekës, dhe me të arritur në afërsi të argjendarisë “D”, e ndalojnë automjetin, dhe nga automjeti dalin të pandehurit K.B., B.B., dhe B.I., të shoqëruar me të ndjerin D.G., që të gjithë të armatosur dhe të maskuar, në atë mënyrë që i pandehuri B.B., i armatosur, pret jashtë objektit në rrugë,  ndërsa i pandehuri B.I., e kapërcen banakun e argjendarisë duke ia drejtuar armën të dëmtuarit A.B., dhe të njëjtin, e neutralizon në dhomën e pasme të argjendarisë, duke ia lidhur duart, e duke e mbajtur nën kanosje të armës.

Pastaj K.B., së bashku me D.G., fillojnë t’i thyejnë vitrinat, ku kanë qenë të vendosura stolitë e arit, dhe me shpejtësi të madhe e mbushin një thes, dhe me armë në duar dalin nga lokali. Të njëjtit, me shpejtësi nisen në drejtim të veturës, ku ishte duke i pritur i pandehuri B.B., i cili me të parë policinë shkrep disa herë në drejtim të tyre me pushkë gjysmë automatike. Më pas, të njëjtit vazhdojnë nga fshati Sopijë në drejtim të fshatit Budakovë, që lidhet me fshatin Jezerc të Komunës së Ferizajt, ku nga aty dalin nga automjeti, i marrin stolitë me vete, në sasi prej 3 kilogram e 71 gram, duke i shkaktuar të dëmtuarit T.B., dëm në vlerë prej 133,711.34 euro.” – thuhet në dosje.

Të njëjtit, pastaj hipin në dy automjete të tjera, dhe nisen në drejtim të Prishtinës, ku njëri nga automjetet ndalet në afërsi të argjendarisë “B.” në Prishtinë, dhe arin e  grabitur e dorëzojnë në lokalin e T.B., për ta fshehur dhe pastaj për ta larguar nga aty. Me këto veprime, të njëjtit në bashkëkryerje kanë kryer veprën penale “Grabitja” sipas KPRK-së.

“Ndërsa, i pandehuri L.C., prej mesit të muajit Nëntor të vitit 2023, e deri në momentin e arrestimit me datën 30.11.2023, me dashje i ndihmon të pandehurit B.B., B.I., K.B., dhe D.G., për kryerjen e veprës penale të grabitjes, ashtu që i jep premtim paraprak se do t’i fshehë provat e kryerjes së veprës penale dhe të pandehurit.

Në anën tjetër, i pandehuri T.B., prej mesit të muajit Nëntor të vitit 2023, e deri në momentin e arrestimit 30.11.2023 me dashje ndihmon të pandehurit e lartpërmendur, për kryerjen e veprës penale të grabitjes. I njëjti, në argjendarinë e tij “B.” e cila gjendet në Prishtinë, pranon nga të pandehurit B.B., dhe të tjerët, stolitë e arit të grabitura në peshë prej 3 kilogram e 71 gram, duke i fshehur fillimisht në kasafortën e vet, e pastaj pjesën më të madhe e ka dërguar në drejtim të panjohur. Me këto veprime, secili veç e veç kanë kryer veprën penale “Ndihma në kryerjen e veprës penale të grabitjes” sipas KPRK-së.”.

Po ashtu, të pandehurit B.I., B.B., dhe T.B., secili veç e veç, kanë kryer veprën penale “Mbajtja në pronësi, në kontroll ose posedim të paautorizuar të armëve” sipas KPRK-së.

Prokurori i rastit ka propozuar që të bëhet konfiskimi i përhershëm i mjeteve me të cilat janë kryer veprat penale të lartëcekura, si dhe gjësendet e përfituara përmes kryerjes së veprës penale, dhe atë: një mori armësh të kalibrave të ndryshëm, karikatorë, fishekë, stoli ari ngjyrë të verdhë 439.6 gr., stoli të ndryshme ari 1969.55 gr., stoli argjendi 61.67 gr., bizhuteri të ndryshme 1690.14 gr., para të gatshme në vlerë prej 3.178.58 €, vetura të markave të ndryshme, telefona etj.

Gjithashtu, prokurori i çështjes me rastin e ngritjes së aktakuzës, i ka propozuar gjykatës që pas mbajtjes së shqyrtimit gjyqësor, administrimit të provave dhe vlerësimit të tyre, të pandehurit e lartëcekur për veprat penale për të cilat akuzohen të shpallen fajtorë dhe të dënohen sipas ligjit.

 

 

Kryetari i LDK-së në Prizren, Selmanaj, bën homazhe për 27 martirët e masakrës së Tusuzit

0

Sot, në përvjetorin e masakrës së Tusuzit, kryetari i Lidhjes Demokratike të Kosovës (LDK) në Prizren, Driton Selmanaj, ka bërë homazhe duke nderuar 27 martirët, burra dhe gra, që nuk u larguan nga shtëpitë e tyre përballë mizorive të pushtuesve serbë.

Në këtë solemnitet, Selmanaj u shpreh se “janë këta martirë që na mësojnë çdo ditë se çfarë do të thotë guxim, dashuri për vendin dhe sakrificë e pastër. Kosova e lirë është ndërtuar mbi gjakun dhe dhimbjen e tyre, mbi kujtimin që nuk do të shuhet kurrë”.

Ai theksoi rëndësinë e kujtimit të tyre si themel për shtetin e pavarur të Kosovës.

“Ata që ranë për lirinë e Kosovës janë themeli mbi të cilin u ndërtua shteti ynë i pavarur. Zëri ynë për drejtësi nuk do të heshtë kurrë. Do të vazhdojmë të kërkojmë të vërtetën dhe drejtësinë për të gjitha krimet e kryera ndaj atyre që ëndërruan dhe luftuan për një Kosovë të lirë”.

Homazhet u zhvilluan pranë vendit të masakrës, duke kujtuar sakrificën e njerëzve që dhanë jetën për lirinë e vendit./PP/

Marketing

Haradinaj: Drejtësia për Masakrën e Tusuzit është përgjegjësi e përhershme institucionale dhe kombëtare

0

Kryetari i Aleancës për Ardhmërinë e Kosovës, Ramush Haradinaj, ka përkujtuar viktimat e Masakrës së Tusuzit në Prizren.

Sipas tij në lagjen Tusuz të Prizrenit më 26 maj 1999 janë ekzekutuar 27 shqiptarë të pafajshëm.

“Të vetëdijshëm se po e humbnin luftën, në fundin e majit të vitit 1999, forcat serbe e shtuan egërsinë e tyre mbi shqiptarët në Kosovë. Në lagjen Tusuz të Prizrenit, vetëm pak javë para çlirimit, u ekzekutuan mizorisht 27 shqiptarë të pafajshëm dhe u dogjën mbi 250 shtëpi”, ka shkruar Haradinaj në rrjetet sociale, raporton Telegrafi.

Ai ka theksuar se Kosova ka paguar një çmim të lartë për liri, dhe se drejtësia për krimet serbe është një përgjegjësi e përhershme institucionale dhe kombëtare.

“Kosova ka paguar çmim të lartë për liri. Sot, dhe çdo ditë, është përgjegjësi e jona ta çojmë drejtësinë në vend për ndëshkimin e të gjitha krimeve serbe”, është shprehur lideri i AAK-së.

Marketing

Shtetasi i Shqipërisë tenton t’u japë ryshfet policëve në Vërmicë

0

Një shtetas i Shqipërisë është shoqëruar për intervistim pasi ka tentuar t’i japë ryshfet zyrtarëve policorë në Vërmicë.

Të dyshuarit i janë sekuestruar dokumentet për t’u paraqitur më 26 maj para prokurorit.

Ai është liruar në procedurë të rregullt.

“DHËNIE RYSHFETI- SPK-Vërmicë / 25.05.2025 – 08:45. Është shoqëruar për intervistim i dyshuari shtetas i Shqipërisë i cili kishte tentuar tu jap ryshfet zyrtarëve policor, në konsultim me prokurorin, të dyshuarit i janë  sekuestruar dokumentet (pasaporta dhe libreza e automjetit), për tu paraqitur me datë 26.05.2025 para prokurorit kompetent. I dyshuari pas intervistimit është liruar në procedurë të rregullt.”

Marketing

Ish-kryetari i Lirisë, Qemal Krasniqi me akuza të rënda ndaj gjyqtarit Alban Shala

0

Ish-kryetari i Lirisë së Prizrenit, Qemal Krasniqi   ka reaguar ndaj gjyqtarit Alban Shala, i cili të shtunën ndau drejtësinë në ndeshjen e barazhit, të Ligës së Parë, ndërmjet Vushtrrisë e Lirisë.

Pas ndeshjes, gjyqtari Shala u akuzua direkt nga klubi prizrenas për ndikim në lojë dhe rezultat, derisa Liria u mposht 1:3, në duelin e luajtur në Klinë.

Sipas Krasniqit, kjo nuk është hera e parë që gjyqtari Alban Shala ka dëmtuar skuadrën dhe futbollin kosovar, derisa ka ftuar FFK-në të marr masa.

Mëposhtë reagimi i plotë i Qemal Krasniqit:

Alban Shala – simbol i turpit dhe krimit në futbollin kosovar

Ajo që ndodhi në barazhin Liria – Vushtria nuk ishte referim, por krim sportiv i pastër, me emër dhe mbiemër: Alban Shala. Ky individ, që nuk ka as lidhje me drejtësinë në fushë, e dëmtoi rëndë dhe me paramendim klubin e qytetit të lidhjes shqiptare – FC Liria.

Alban Shala nuk është refer. Ai është turp për sportin, simbol i padrejtësisë dhe fytyra e asaj që po e shkatërron futbollin në Kosovë. Vendimet e tij të njëanshme, të qëllimshme dhe fyese nuk lanë dyshim: misioni i tij ishte që Liria të mos kalonte. Dhe këtë e bëri me cinizëm, arrogancë dhe pa kurrfarë përgjegjësie.

Por kjo nuk është hera e parë. Alban Shala dhe disa shokë të tij, të cilët mbajnë veshur petkun e referit, për çdo ditë po e shkatërrojnë imazhin e futbollit të Kosovës. Ne jemi dëshmitarë të rasteve të njëpasnjëshme, që ndodhën edhe javëve të kaluara, ku drejtësia sportive u nëpërkëmb dhe u përdhos nga njerëz që nuk e meritojnë të jenë pjesë e këtij sporti.

Federata e Futbollit e Kosovës nuk mund të qëndrojë më e heshtur. Ky është momenti për veprim, për pastrim të gjyqësorit sportiv nga individë si Alban Shala, të cilët po i vrasin pasionin, dinjitetin dhe besimin futbollit tonë.

Futbolli është garë, jo pazare !

Shkruar nga ish kryetari i FC Liris Qemal Krasniqi

Kurti:Restaurimi i trashëgimisë kulturore në Prizren, ndihmon turizmin dhe ekonominë

0

Kryeministri në detyrë, Albin Kurti, ka theksuar përparimet në ruajtjen dhe restaurimin e trashëgimisë kulturore të Kosovës.

Në Facebook, Kurti ka publikuar një shembull të restorimit të një shtëpie tradicionale në rrugën Marin Barleti, në Qendrën Historike të Prizrenit, duke theksuar se ky është vetëm një nga projektet që po realizohen.

Marketing