Lideri i Partisë Demokratike të Kosovës, Hashim Thaçi, ka marrë 106 mijë e 978 vota, duke qenë kështu lideri bindshëm më i votuari nga partitë politike në vend. Pas tij vjen Isa Mustafa që ka marrë 83 mijë e 738 vota ndërsa i treti vjen Albin Kurti me 42..467 vota. Ramush Haradinaj ka 35.654 vota. Kryetari i Partisë së Fortë, Visar Arifaj, ka marrë 422 vota.

Lideri i Partisë Demokratike të Kosovës, Hashim Thaçi, ka marrë 106 mijë e 978 vota, duke qenë kështu lideri bindshëm më i votuari nga partitë politike në vend.
Deri në certifikim të rezultateve, votat për liderin e PDK-së pritet të rriten, pasi ende nuk janë numëruar votat me kusht dhe auditimi i vendvotimeve që nuk kanë përputhje të plotë me procesverbalet, të cilat do t’iu shtohen kandidatëve vetëm pas verifikimit, transmeton lajmi.net

10 personat më të votuar në PDK: (Ende nuk janë rezultate zyrtare)

1. Hashim Thaçi, 106,978 vota

2. Kadri Veseli, 35,375 vota

3. Enver Hoxhaj, 15,102 vota

4. Elmi Reçica, 12,821 vota

5. Hajredin Kuçi, 11,105 vota

6. Agim Aliu, 10,682 vota

7. Memli Krasniqi, 10,484 vota

8. Arsim Bajrami, 10,555 vota

9. Raif Qela, 9,932 vota

10. Sala Berisha -Shala, 9,185 vota

Ndërkohë sipas të dhënave paraprake nga shtabet zgjedhore të subjekteve të tyre, liderët e partive tjera kanë fituar:

Isa Mustafa, 83, 738 vota

Albin Kurti, 42, 467 vota

Ramush Haradinaj, 35, 654 vota

Fatmir Limaj, 19, 342 vota

Nga liderët tjerë të partive politike në Kosovë votat janë kështu:

Behgjet Pacolli, 13,313 vota

Ferid Agani, 5,849 vota

Avni Klinaku, 4,639 vota

Visar Arifaj, 422 vota

Ish-gjyqtarja e Gjykatës Kushtetuese të Kosovës, profesoresha Gjyljeta Mushkolaj, ka thënë se marrëveshja e arritur ndërmjet LDK-së, AAK-së dhe NISMËS për Kosovën është një zhvillim i rëndësishëm për konsolidim të demokracisë në Kosovë.
Mushkolaj në intervistën për “Epokën e re” ka thënë se kjo marrëveshje e pasuron jetën politike në vend dhe e ballafaqon atë me sfida të reja, shumë normale, madje edhe për vendet me traditë të gjatë demokratike.

“Kjo marrëveshje na përballë me shumë dilema të reja për ne, por të vjetra në teorinë dhe praktikën parlamentare, se a mjafton për formim të qeverisë vetëm vrapi për numra për të përfituar nga pushteti, apo për formim të qeverisë janë të rëndësishme edhe politikat të cilat dëshirohet të realizohen nga koalicioni që do ta formojë qeverinë. Në përgjithësi, meqenëse jemi në këtë fazë paszgjedhore, por para certifikimit të rezultatit zgjedhor, marrëveshja e arritur midis këtyre partive politike është vetëm një veprim ndër shumë veprime të tjera në procesin e ndërlikuar negociator, që do të ndërmerren nga subjektet politike që e kanë kaluar pragun dhe që do të jenë pjesë e legjislaturës sonë të re. Se a do të jetë kjo përpjekje e suksesshme për ta bërë shumicën e nevojshme në Kuvend për ta formuar qeverinë, duke iu kundërvë koalicionit fitues të numrit më të madh të ulëseve në Kuvend, do ta shohim ditëve në vijim”, ka thënë Mushkolaj.

Ish-gjyqtarja e Gjykatës Kushtetuese, profesoresha Gjyljeta Mushkolaj, ka thënë se marrëveshja e arritur në mes të LDK-së, AAK-së dhe NISMËS për Kosovën për formimin e qeverisë së re nuk ka kurrfarë efekti për presidenten Atifete Jahjaga.

“Pavarësisht rëndësisë politike, në rrafshin juridik marrëveshja është vetëm një akt juridik i ligjshëm, i lidhur midis subjekteve politike e që, si të tilla, janë vetëm organizata private. Nënshkruesit e marrëveshjes janë vërtet përfaqësues të autorizuar të subjekteve politike, por marrëveshja si akt juridik nuk e ka asnjë efekt për presidenten. Në mënyrë që presidentja ta caktojë mandatarin për formimin e qeverisë ajo duhet së pari të sigurohet se partia, ose koalicioni që ia propozon atë, e ‘përbën shumicën në Kuvend’ (Kushtetuta, neni 84.14). Marrëveshja, si e këtillë, nuk e siguron presidenten se vërtet subjektet politike që e kanë lidhur marrëveshjen e përbëjnë shumicën në Kuvend. Për këtë gjë duhet ta presim certifikimin e rezultatit zgjedhor, një moment kyç për vendin tonë. Është ky momenti kur mandati i deputetit të Kuvendit të Kosovës fillon (neni 70.2) dhe deputetët nga ai moment “janë përfaqësues të popullit dhe nuk i nënshtrohen asnjë mandati detyrues” (neni 70.1)”, është shprehur Mushkolaj.

E pyetur se kush, sipas saj, e ka mandatin ta formojë qeverinë e re, PDK-ja si fituese e zgjedhjeve apo koalicioni opozitar, Mushkolaj është përgjigjur:

“Mandatin për ta formuar qeverinë do ta ketë ajo parti ose koalicion që do ta ketë mbështetjen e shumicës së deputetëve në Kuvend. Është shumë e zakonshme që partia, ose koalicioni që e fiton numrin më të madh të deputetëve në Kuvend, ta ketë më lehtë ta arrijë shumicën në Kuvend. Megjithatë, demokracia ka edhe të papritura dhe ne duhet të mësohemi me to”

Rreth një javë më parë, më 8 qershor, në Kosovë u mbajtën zgjedhjet parlamentare. Prej këtyre zgjedhjeve, si parti fituese apo si partia e parë qeverisëse u shpallë Partia Demokratike e Kosovës me partnerin e saj në koalicion.
Por pak ditë më pas, më 10 qershor, paritë opozitare, LDK-AAK-NISMA, dolën me një marrëveshje koalicioni.

Kryetari i Gjykatës Kushtetuese, Enver Hasani, në një intervistë për gazetën “Kosova sot”, u ka dhënë një apel ekspertëve dhe partive opozitare.

“Le të dalin ata (ekspertët kushtetues), le të thonë të veten, por, lexoni ‘Komentari’-in e botuar para një viti dhe në tekst përcaktohet qartë. Është e thënë qartë në ‘Komentar’.. S’kam çfarë të interpretoj më. Fjala ime është kjo.

Kur botohen librat nuk botohen për raste konkrete”, ka thënë kryegjyqtari i Kushtetueses, Enver Hasani, duke rikonfirmaur kështu se koalicioni LDK-NISMA-AAK është jashtë kornizave ligjore dhe njëherësh antikushtetues. /Kosova sot/

Përfaqësues të lartë të partive politike kanë nisur konsultimet për një formulë që do ta nxjerrë vendin nga kriza dhe do ta bënte të panevojshme mbajtjen e zgjedhjeve të parakohshme.
Burime të gazetës kanë shpjeguar se një qeveri teknike dhe gjithëpërfshirëse më një mandat njëvjeçar do të ishte zgjidhja që do të mund ta kishte mbështetjen edhe të faktorit ndërkombëtar.
Një skenar i tillë pritet të jetë edhe më i mundshëm nëse një proces i rinumërimit të pjesshëm të disa vendvotimeve do ta mundësonte kalimin e pragut nga AKR-ja. Në një situatë të tillë, numrat për ta bërë qeverinë nuk do t`i kishte opozita e bashkuar pa VV-në e as një koalicion mes PDK-së dhe AKR-së.

Burime të gazetës kanë shpjeguar se nuk mund të lejohet krijimi i qeverisë së njërit krah, në një atmosferë tendosëse çfarë është krijuar pas marrëveshjes së partive opozitare që të mos hyjnë në koalicion me PDK-në. Kjo nuk mund të ndodhë sepse Kosovës i duhet që deri në fund të këtij viti të ndryshojë Kushtetutën për ta mundësuar funksionimin e Gjykatës Speciale për Krime Lufte që do t’i trajtojë rezultat e hetimeve për raportin e Dick Martyt./Tribuna/.

200 mijë euro të pasaportave biometrike kanë shkuar në llogarinë bankare të vëllait të shoferit të Kadri Veselit.

Hashim Shala nga Broliqi i Pejës akuzohet se në grup kriminal kanë përvetësuar në mënyrë të paligjshme 1.4 milionë euro të pasaportave biometrike, shkruan Koha Ditore.

Ai është vëllai i Bashkim Shalës, përcjellës dhe rojë I zëvendëskryetarit të Partisë Demokratike të Kosovës, Kadri Veseli.

Rahoveci sot kremton Ditën  e  Çlirimit.Me këtë rast janë planifikuar disa aktivitete përkujtimore, kulturore e argëtuese. Homazhet dhe nderimet për dëshmorët dhe të rënët për liri do të nisin në orën 9:00 në të gjitha varrezat dhe përmendoret e dëshmorëve, ndërsa ceremonia solemne festive do mbahet në qendrën e kulturës “Mensur Zyberaj” në orën 12:00 në Rahovec.

Më pas do të hapet ekspozitë kolektive në galerinë e arteve në qendër të kulturës, ndërsa në orët e mbrëmjes do të shfaqet koncert festiv në parkingun e hotelit “Park” në Rahovec. Koncerti do të fillojë në orën 20:00.

Me këtë rast, kryetari i Komunës së Rahovecit Idriz Vehapi, uron familjarët e dëshmorëve, invalidët e veteranët e luftës dhe të gjithë qytetarët për Ditën e çlirimit të komunës tonë.