25.8 C
Prizren
E hënë, 17 Qershor, 2024

Në Rahovec shpallet konkursi për nxënësit e klasës së dhjetë

Shkolla-nxenesitDrejtoria Komunale e Arsimit (DKA) në Rahovec ka shpallur konkursin për regjistrim të nxënësve në klasën e dhjetë, në gjimnaze dhe në shkollë profesionale.

Dorëzimi i dokumenteve të kompletuara bëhet në shkollat përkatëse në Rahovec në datat 16. 17 dhe 18 qershor, prej orës 8 deri në 16, pranë administratave të shkollave.

Luten nxënësit që të kenë kujdes në kompletimin e dokumentacionit përkatës, ndërsa ata që e kanë kryer shkollën nëntëvjeçare jashtë Republikës së Kosovës duhet të bëjnë nostrifikimin e certifikatës në MASHT. Numri i nxënësve që do të regjistrohen sipas shkollave është si më poshtë;

Në gjimnazin “Xhelal Hajda-Toni” do të pranohen 320 nxënës, në shkollën e mesme teknike-profesionale do të regjistrohen 224 nxënës, në shkollën e mesme “Ukshin Hoti” në Krushë të Madhe do të pranohen 160 nxënës, ndërsa në shkollën e mesme “12 Maji” në Ratkoc do të pranohen 256 nxënës.

Konkurrentët do të njoftohen nëse janë pranuar apo jo më 19 qershor.
Informatat më të hollësishme të interesuarit mund t’i gjejnë në faqen zyrtare të Komunës së Rahovecit.

Më Shumë

Mot me diell sot, temperaturat arrijnë deri në 29 gradë Celsius

Sot në Kosovë pritet të mbajë mot me diell dhe me vranësira të shpërndara. Siç bën me dije Instituti Hidrometeorologjik i Kosovës, temperaturat maksimale do...

Hera e parë që do të luajnë në garat evropiane, Malisheva nis përgatitjet për sezonin e ri

Malisheva ka përfunduar një sezon historik atë 2023/24 ku e përfundoi në pozitën e katërt në tabelë. Kjo pozitë i mjaftoi malishevasve që të kapin...

Lajmet e Fundit