Program i këtij viti prezanton disa nga dokumentarët më të mirë të dalë nga SHBA në vitet e fundit. I ndarë në tre pjesë, programi “Focus America” është një shiqim gjithpërfshirës në skenën e dokumentarëve të Amerikës dhe do të sjell në Kosovë disa nga shembujt më të mirë të kinemasë dokumentare, nga e kaluara dhe nga e tashmja.

30 filma, një seri e punëtorive dhe master klasave dhe një numër i filmëbërësve që do të jenë prezent në festival e përbëjnë këtë program unik.

Nëpërmjet një bashkëpunimi mes të DokuFest, Ambasadës së SHBA-ve në Kosovë dhe Zyrës së Departamentit të SHBA për çështje të edukimit dhe kulturës dhe Shkollës së Filmit USC, programi i madh i filmit American Film Showcase do të udhëtoj në Kosovë, duke sjellur 15 filma të përcjellë nga vizita e Claire Aguilar dhe David France, të cilët poashtu do të jenë pjesë e jurisë së DokuFest. Disa nga filmat që do të shfaqen si pjesë e këtij programi përfshijnë dokumentarin fitues të çmimit Oskar 20 Feet From Stardom, filmin fitues në festivalin Sundance dhe CannesFruitvale Station dhe filmin fitues në Full Frame dhe Miami, Gideon’s Army.

Një numër i dokumentarëve të mrekullueshëm nga Amerika poashtu janë përzgjedhur të jenë pjesë e “Focus America”, përfshirë filmin e Errol Morris për Donald Rumsfeld, The Unknown Known, filmin fitues të Sundance The Overnighters nga Jesse Moss, filmin i cili u shfaq në Tribeca 1971 dhe filmin e Deborah Stratman Hacked Circuit i cili poashtu do të shfaqet ne programin special Doku:Tech, së bashku me dy dokumentarë tjerë amerikan.

Shtoja kësaj edhe një seksion të quajtur ‘Spotlight’ në të cilin përfshihen punët e tre mjeshtërve amerikan të filmit, Barbara Kopple, Steve James dhe Richard Pierce dhe ju do të keni një program Focus America të kompletuar. Kryevepra si filmi Harlan County USA, Hoop Dreams dhe Hearts and Minds do të shfaqen si pjesë e seksionit Spotlight ku poashtu do të përfshihen punëtori për film.

Duke ju falënderuar mbështetjes së QKK – Qendrës Kinematografike Kosovare, disa filmëbërës amerikan do të udhëtojnë në Kosovë. Lynzee Klingman, montazhere e cila e ka montuar filmin fitues të Oskar, One Flew Over the Cuckoo’s Nest, do t’i bashkohet Richard Pierce, kameramanit të dokumentarit fitues të Oskar, Hearts and Minds, dhe poashtu filmëbërësja Brendan N.Ward për shfaqje të filmave, seanca me pyetje dhe përgjigje dhe punëtori, duke përfshirë punëtorinë me regjisorë të rinj nga Ballkani e cila do të drejtohet nga Zt. Pearce.

Filma tjerë amerikan do të shfaqen në programet e tjera të DokuFest, përfshirë fituesin e Tribeca Point and Shoot nga Marshall Curry i cili bën pjesë në garën e dokumentarëve ndërkombëtarë, kontributi i Robert Redford në projektin dokumentar 3D, Cathedrals of Culture, për institution ikonik Salk në San Diego, filmi i Brian Knappenberger, The Internet’s Own Boy: The Story of Aaron Swartz, për programerin dhe aktivistit të informacionit Aaron Swartz dhe dy filmat e Lucy Walker në programe të ndryshme garuese të DokuFest për gratë e guximshme me sëmundjen e Huntington (The Lion’s Mouth Opens) dhe për artistin e njohur David Hockney.

The American Film Showcase është nje program i madh i filmave i cili sjell dokumentarët, filmat e gjatë dhe filmat e animuar amerikan publikut në të gjithë botën. AFS është një partneritet në mes të Zyrës së Departamentit të SHBA për çështje të edukimit dhe kulturës dhe Shkollës së Filmit USC.

Ambasada e SHBA-ve në Kosovë ka mbështetur me bujari programin “Focus America” në DokuFest. /PrizrenPress.com/

Agjencia për Arsim dhe Aftësim profesional pas dy vjetësh do të marrë nën menaxhim të gjitha shkollat profesionale të Kosovës. Tashmë kjo Agjenci është dukë pilotuar në gjashtë shkolla, katër prej tyre Qendra të Kompetencës. Drejtues të Agjencisë, thanë për Radio Kosovën, se synimi kryesor është që të bëhet një hulumtim i të nevojave të tregut të punës, në mënyrë që të rinjtë të profilizohen në drejtimet e kërkuara.

Katër Qendra të Kompetencës dhe dy shkolla profesionale kanë kaluar si pilot projekt nën menaxhimin e Agjencisë për Arsim dhe aftësim Profesional. Pritet që pas dy vjetësh të kalojnë nën menaxhimin e Agjencisë të gjitha shkollat profesionale të Kosovës.

Drejtori i Agjencisë për Arsim dhe Aftësim profesional, Ragip Gjoshi, tha për Radio Kosovën, se synimi është që të reformohet sistemi i arsimit profesional, duke shtuar se gjatë periudhës dy vjeçare do të punohet edhe në hartimin e infrastrukturës ligjore.

“Kemi parashikuar që dy vjet janë të mjaftueshëm për eksperimentim. Gjatë kësaj periudhe do të krijojmë infrastrukturën ligjore, pra do të bëjmë hartimin dhe natyrisht do t’i propozojmë qeverisë miratimin e ligjit të agjencisë, që rregullon veprimtarinë dhe të hartohet një strategji kombëtare e arsimit dhe aftësimit profesional”, tha ai.

Gjoshi tha se arsimi dhe aftësimi profesional është nj fushë e përshtatshme për të zbutur papunësinë në Kosovë. “Synimi kryesor është që të krijojmë kuadro jo vetëm për tregun e brendshëm, por edhe për tregun e shteteve të BE-së”, tha ai. Gjithashtu, qëllimi është të ndihmohet në hartimin e kurrikulave dhe në ngritjen e cilësisë së menaxhimit.

“Ne do të marrim menaxhimin e komplet të stafit, të financave, ndërtesave dhe infrastrukturës shkollore tërësisht. Në të vërtetë do të ndodhë decentralizimi i mirëfilltë edhe i financave, sepse do të krijojmë një sistem të tillë, që shkollave t’u japim mundësinë që të menaxhojnë me një pjesë të financave, por do të bëjmë përpjekje që formula e financimit të ndryshojë për këto shkolla”, theksoi ai

Agjencia për Arsim dhe Aftësim Profesional, së shpejti do të ketë edhe bordin e saj, që do të përbëhet nga 16 anëtarë, ku do të kenë përfaqësim shkollat profesionale e ato private, Odat Ekonomike, bizneset dhe të gjithë faktorët që janë ndërlidhur me sistemin e arsimit profesional. Gjoshi bëri të ditur se do të ketë trajnime të veçanta për drejtorë të shkollave dhe mësimdhënësit.

Në Kosovë janë 59 shkolla profesionale, të cilat pas dy vjetësh do të kalojnë nën menaxhimin e kësaj Agjencie.

Janë të njohur dhe me punën që bëjnë kanë arritur që të sigurojnë një jetë të mirë për vete. Disa nga ata ndihmojnë e disa të tjerë janë më pak të hapur për këtë anë njerëzore. Bëhet fjalë për VIP-at tanë të cilët në një bisedë për gazetën Tribuna kanë shpalosur se ku do t’i jepnin po ti fitonin një milion euro

Janë pothuajse gjithë kohës të zënë me mbrëmje e koncerte të ndryshme ku secili nga ata e merr edhe riskun që i takon. E shumica këtë risk e ndajnë edhe me njerëzit në nevojë, ndërsa disa të tjerë nuk parapëlqejnë një gjë të tillë. Por çfarë do të vepronin VIP-at tanë nëse do t’i fitonin një milion euro në loto. Këtë e kanë treguar për gazetën Tribuna, Shyhrete Behluli, Ermal Fejzullahu, Adelina Berisha, Dhurata Ahmetaj e Morena Taraku

Shyhrete Behluli: Do t’i ndihmoja familjarët e mi fillimisht

Është e njohur dhe shumë e dashur për publikun. Bëhet fjalë për këngëtaren Shyhrete Behluli e cila në pyetjen se ku do t’i çonte po ta fitonte një milion euro, me sinqeritet ka thënë që në vend të parë do të ishin familjarët e saj. “Të jem shumë e sinqertë po t’i kisha fituar 1 milion euro do t’u kisha ndihmuar krejt familjarëve të mi në fillim. Edhe pse disa do të kishin thënë që do t’i kishin dërguar për bamirësi apo diçka tjetër. Unë po tregoj sinqerisht që në fillim do t’i kisha ndihmuar të afërmit e mi, kushdo që ka nevojë”, ka thënë Shyhretja. “Më pas sigurisht me pjesën e mbetur do të ndihmoja njerëzit tjerë në nevojë, apo do t’i dërgoja në ndonjë bamirësi gjithsesi”.

Ermal Fejzullahu: Do t’i ndihmoja familjet e dëshmorëve

E pothuajse njëjtë si kolegia e vet, edhe këngëtari i njohur Ermal Fejzullahu do të ndihmonte familjarët e vet, mirëpo Ermali ka theksuar se një pjesë do ta jepte edhe për familjet në nevojë, duke mos harruar këtu që një ndihmë të madhe këngëtari do të dëshironte t’ia ofronte familjarëve të dëshmorëve tanë. “Nëse do t’i kisha fituar 1 milion euro, fillimisht 5000 mijë do t’i kisha ndarë për familjet skamnore. Po ashtu do të kisha shumë dëshirë t’i ndihmojë edhe familjet e dëshmorëve. Ndërsa pjesën tjetër do ta ndaja për vete dhe familjarët e mi”, ka thënë këngëtari.

Adelina Berisha: Një pjesë të madhe do ta investoja në karrierë

adelina

E këngëtarja e njohur Adelina Berisha, përveç se do të ndihmonte familjet e varfra, ajo ka nënvizuar se një pjesë të madhe do ta investonte edhe në karrierën e saj, kurse pjesën e mbetur, bukuroshja do të pëlqente ta shpenzojë për qejfin e saj. Po të fitoja gjysmën e kisha dhënë për familjet që kanë nevojë. Kurse gjysmën tjetër do e kisha investuar sa më shumë, besoj që një pjesë të madhe të pjesës së mbetur do e investoja në karriere. Pastaj çfarë mbetet do i kisha harxhuar qysh kisha dashtë unë” , ka thënë Berisha.

Dhurata Ahmetaj: Herët a vonë do të kem një fondacion bamirësie!

E ndryshe nga kolegët e saj, këngëtarja e cila dita-ditës po bëhet ndër emrat më të pëlqyer të skenës sonë, Dhurata Ahmetaj, ka thënë që me paratë që do t’i fitonte në loto, do të krijonte një fondacion bamirësie, ndërsa thekson se këtë një ditë do ta arrijë ta realizojë. “Do të krijoja një fondacion bamirësie, e të gjitha këto mjete të fituara pa djersen time do t’i dhuroja atyre që kanë nevojë. Këtë, herët apo vonë edhe do ta bëj”, ka thënë Dhurata Ahmetaj.

Morena Taraku: Do t’i ndihmoja ata që nuk kanë

E personave në nevojë do t’u ndihmonte edhe modelja e këngëtarja Morena Taraku e cila ka theksuar se një gjë të tillë do ta bënte me shuam dashuri, duke shpresuar se një gjë të tillë çdo kush do ta bënte. “Po të kisha fituar një milion i kisha ndihmuar personave që kanë nevojë, gjë që e bën secili besoj edhe e bëjë me shumë dashuri si çdo herë në jetën time”ka thënë në fund të bisedës Morena./N.B/Tribuna/