Kryetarja e Kosovës Atifete Jahjaga sot, pa vizitës në Bashkësinë Islame, me ç’rast kryemyftiut Naim Tërnavës ia uroi Bajramin e Madh, ndaloi në një kafene në rrugën “Qamil Hoxha”, që lidhet me Sheshin Nënë Tereza të kryeqytetit.

Rastësisht apo me qëllim aty ishte edhe lideri i AAK-së dhe i nominuari për kryeministër të Kosovës nga blloku opozitar, Ramush Haradinaj, transmeton Koha.net.

Jahjaga dhe Haradinaj u përshëndeten dhe nuk dihet nëse me këtë rast ata vetëm ia uruan njëri – tjetrit Bajramin, pasi fjalët zgjatën pak dhe të dy zunë vend në tavolinat e veta.

Në këtë kafe më herët me Haradinjan qëndroi edhe ish-kryetari i Grupit Parlamentar të LDK-së, Ismet Beqiri.

Presidentja Jahjaga pati një përshëndetje të përzemërt edhe me ish-politikanen e Kosovës dhe aktualisht zyrtare e Socialdemokratëve të vendi, Kaqusha Jashari.

Hashim Thaçi ka dalur hapur në përkrahje të Izraelit dhe habrenjëve në kulmin e konfliktit në Gaza. Ai përmes një postimi në Facebook iu kujtoi kosovarëve kontributin e dhënë ër Kosovën nga disa personaliteteve të njohura me origjinë hebrenje.

Por çfarë e shtyu Thaçin të pozicionet në këtë konflikt?

Burime të Gazetës Express thonë se Kryeministri ka qenë në presion të brendshëm për t’u deklaruar në përkrahje të Izraelit pas disa deklaratave të deputetëve të Grupit të tij Parlamentar.

“Ka qenë e turpshme veçanërisht deklarata e deputetit Gëzim Kelmendi për bojkotimin e pijeve amerikane. Ky është një turp shumë i rënd për ta mbajtur PDK’ja”, ka thënë një zyrtar i lartë i PDK’së në kushte anonimiteti për Gazetën Express.

Në vijim lexojeni të plot deklaratën e Kryeministrit Thaçi në përkrahje të Izraelit.

Këto ditë përfundoi mandatin presidencial një nga veteranët e politikës dhe paqe-bërjës globale, Presidenti Shimon Peres. U bë president i Izraelit më 2007, kur edhe u takova me të gjatë një vizite qe e bëra në Jeruzalem dhe Tel-Aviv me ftesë të shtetit izraelit. Nobelisti Peres, edhe në atë kohë ishte përkrahës i pashoq i pavarësimit të Kosovës dhe shpesh ka spikatur publikisht pro-amerikanizmin e përbashkët të shqiptarëve dhe hebrenjëve. E mbaj në mend historinë e tij për shtet-ndërtim dhe paqe përkundër faktit që familja e tij në Poloni ishte zhdukur në Holokaust – krimin e pashoq në historinë moderne të njerëzimit. Edhe tek sa lutemi për paqe në Lindjen e Mesme, Kosova duhet të ketë kujdes t’i çmojë kontribuesit e lirisë dhe pavarësisë sonë nga populli hebre si Presidenti Peres, kongresmeni i ndjerë Tom Lantos, Sekretarja e Shtetit Madeleine K. Albright, Kongresmeni Eliot Engel, Senatori Charles Chuck Schumer e dhjetëra përfaqësues tjerë të popullit hebre.

”Kjo është arsyeja se pse angazhohemi që forcat ndërkombëtare në Kosovë, sipas mandatit të Kombeve të Bashkuara, të ruajnë paqen dhe të kujdesen për sigurinë e pakicave”, tha ai për Dnevnik të Novi Sadit, duke shtuar se Ushtria e Kosovës paraqet rrezik për Serbinë “dhe për rajonin”!

Ministri i Mbrojtjes i Serbisë, Bratislav Gashiq, thotë se Kosova është kërcënimi më i madh për sigurinë e Serbisë.

“Jemi duke punuar në mënyrë aktive për të parandaluar çdo rrezik. Jemi të gatshëm të reagojmë në mënyrë të duhur”, shton ai. I pyetur nëse ka presione mbi Serbinë që t’i drejtohet NATO-s, sidomos gjatë krizës në Ukrainë, ai thotë se nuk sheh arsye për çfarëdo presioni.

Gjeneralin Philip Breedlove, Komandant Suprem i Aleancës për Evropë (SACEUR) të mërkurën vjen në Kosovë. Me këtë rast ai viziton KFOR-in në Kosovë.

Ai planifikohet të mbaj konferencë të përbashkët me Gjeneralmajor Salvatore FARINA, Komandant i Forcave të Kosovës (COM KFOR) në Aeroportin Ushtarak të Sllatinës të mërkurën më 30 korrik, në ora 16:00

Prokuroria e Lezhës ka zbardhur skemën e plotë të grabitjes së kosovarëve që vinin për të pushuar në Shqipëri. Bëhet fjalë për dy të rinjtë Ardit Maxhuni dhe Anton Nikolli, të dy nga 22 vjeç, të cilët në gusht të 2013-ës kanë grabitur nën kërcënimin e armës disa shtetas kosovarë që udhëtonin për në Shqipëri përmes Rrugës së Kombit.

Gjykata e Lezhës i ka dënuar dy të rinjtë me nga 15 vite burg, por sipas procedurave të shkurtuara, secili prej tyre përfundimisht është dënuar me 10 vjet burg.

Ndërkohë që ky proces gjyqësor përfundoi, nga ana e organit të akuzës së Lezhës po vijojnë hetimet për përfshirjen e mundshme të këtyre shtetasve dhe bashkëpunëtorëve të tyre në raste të tjera vjedhjeje me armë në këtë zonë. Kjo, pasi në gushtin e vitit të kaluar, shumë qytetarë nga Kosova denoncuan vjedhjen me armë në Rrugën e Kombit, gjatë udhëtimit të tyre drejt destinacioneve turistike shqiptare.

SKEMA
Nga hetimi i Prokurorisë së Lezhës është zbuluar “mekanizmi” i vjedhjes me armë. Sipas të dhënave, rezulton se dy të akuzuarit dilnin në rrugë dhe vinin pengesa, kryesisht gurë të mëdhenj dhe drurë të ndryshëm, me qëllim që automjetet të pengoheshin, duke ngadalësuar shpejtësinë. Pasi ndalonin për shkak të pengesave, dy të pandehurit afroheshin tek automjeti dhe nën kërcënimin e armës iu vidhnin sendet personale dhe vlerat monetare. “Më datë 03.08.2013, rreth orës 02.30, është njoftuar Drejtoria e Policisë së Qarkut Lezhë, në lidhje me faktin se në aksin rrugor Kalimash-Rrëshen, janë grabitur me armë zjarri shtetasit kosovarë O. Cakiqi dhe F. Ahmeti, të cilët kanë qenë duke udhëtuar nga Prishtina në drejtim të Shkodrës me automjetin me targa të Kosovës”, citohet në dosjen e organit të akuzës.

Pas kësaj, policia ka vënë në pranga 22-vjeçarin Ardit Maxhuni, i cili ka shpjeguar për grupin hetimor edhe mekanizmin që kanë përdorur për të grabitur kosovarët. Ndërsa bashkëpunëtori i tij Anton Nikolli ka mundur që të largohet fillimisht, për shkak të njohjes së terrenit si banor i zonës. Njohja mes tyre është bërë në fshatin Shënkoll, Lezhë, ku edhe banonte Maxhuni, ndërsa Nikolli shkonte shpesh tek të afërmit e tij./BW/