Nuk është mirë që “Vetëvendosja” të shfrytëzojë këtë situatë për të vënë kushte, është një kauzë për moslejimin e formimit të qeverisë “Thaçi 3” që duhet mbështetur, sepse objektivisht disa nga kërkesat e “Vetëvendosjes” nuk mund të pranohen.

Kështu ka bërë të ditur të premten në intervistën për gazetën “Zëri”, kreu i LDK-së, Isa Mustafa.

Ai bëri të qartë se kushtet për të cilat do të diskutohet janë: ridefinimi ose bllokimi i dialogut dhe mospërfshirja e serbëve në qeveri, pasi këto procese tashmë kanë marr kahje, dhe Kosova ka hyrë në proces të integrimeve evropiane dhe nuk guxojnë të pësojnë regres.

Pretendime për të marrë nën drejtim institucionet e reja pas zgjedhjeve të 8 qershorit kanë si Partia Demokratike e Kosovës, në njërën anë, ashtu edhe blloku i partive LDK, AAK dhe Nisma me mbështetjen e Vetëvendosjes, në anën tjetër.

Kryetari i PDK-së, njëherësh kryeministri në largim Hashim Thaçi, ka përsëritur se vetëm partia e tij, si fituese e zgjedhjeve, ka të drejtë ligjore për të formuar qeverinë e re.
Këto komente, ai i ka bërë në Komunën e Suharekës ku po përcillte nga afër korrje-shirjet në atë pjesë të Kosovës.

Ndërkohë, pavarësisht se nuk i fituan zgjedhjet, duke u lidhur në një koalicion pas zgjedhor, pretendime për të formuar qeverinë kanë tash e një muaj edhe blloku i partive LDK, AAK dhe Nisma, që mbështeten edhe në përkrahjen e Lëvizjes Vetëvendosje.

Kryetari i Nismës për Kosovën, Fatmir Limaj, ka deklaruar se grupe të ekspertëve nga tri partitë e bllokut LDK-AAK-Nisma dhe Lëvizja Vetëvendosje, janë duke punuar për të përafruar pikat e përbashkëta programore.

Sipas tij, këto tri parti politike me mbështetjen e Lëvizjes Vetëvendosje, do të arrijnë të krijojnë qeverinë dhe ta marrin pozitën e kryetarit të Kuvendit.

“Ata që e krijojnë shumicën, duhet ta qeverisin vendit. Kërkesën e Vetëvendosjes që përgjigjja të kthehet deri të dielën, nuk e quajmë si një ultimatum. Por, ne jemi në bisedime dhe është e natyrshme që secili subjekt politik në qeveri të ketë pikat kryesore të programit të tyre”, ka thënë Limaj.

Blloku prej partive LDK, AAK dhe Nisma nuk mund të shpresojw të arrijë shumicën e nevojshme në Kuvend, pa mbështetjen e Vetëvendosjes.
Kjo e fundit, e ka kushtëzuar këtë mbështetje me ndryshimin e pozicionit të qeverisë së ardhshme karshi dialogut me Serbinë dhe ndryshimin e politikave të privatizimit.
Lide ri i Vetëvendosjes, Albin Kurti, ka thënë se partia e tij është e gatshme të përfshihet edhe në qeveri me LDK-në, AAK-në dhe Nismën, por paraprakisht ka kërkuar marrëveshje, ku parashihet edhe pranimi i kërkesave të Vetëvendosjes, qw të jetë me shkrim dhe të finalizohet deri të dielën.
“Vota e Vetëvendosjes duhet të paraprihet prej një marrëveshje paraprake dhe kjo marrëveshje paraprake e ka afatin e 13 korrikut”, ka theksuar Kurti.

Të shtunën, kryetari dhe kryesia e përbërjes së kaluar të Kuvendit do të mblidhen në Prishtinë me liderët e partive politike që kanë siguruar vende në Kuvend.
Në atë takim, pritet të bëhet propozimi i rendit të ditës për seancën konstitutive të Kuvendit që është thirrur për datën 17 korrik.
Në atë seancë, pika kryesore pritet të jetë ajo e zgjedhjes së kryetarit të Kuvendit.

(Kosovapress)

Jakup Krasniqi, si Kryeparlamentar i legjislaturës së kaluar, bashkë me Kryesinë e Kuvendit dhe përfaqësuesit e partive politike që janë certifikuar në zgjedhjet e 8 qershorit, do të mblidhen sot në orën 11:00 për ta caktuar rendin e ditës së seancës konstituive.

Duke qenë se drejt seancës së 17 korrikut shkohet me qëndrimin e palëkundur të PDK’së dhe Koalicionit Opozitar LDK-AAK-Nisma, se atyre u takon e drejta për ta propozuar Kryeparlamentarin, kaosi duket të jetë i pashmangshëm.

Testi i parë i krizës do të mund të shfaqet sot, në mbledhjen e Kryesisë së Kuvendit, nëse tejkalohet Rregullorja e Kuvendit.

Sipas Rregullores, Jakup Krasniqi ka kompetencë vetëm për udhëheqjen e mbledhjes dhe caktimin e rendit të ditës, ndërsa në këtë mbledhje punohet vetëm mbi bazën e dokumentacionit zgjedhor të certifikuar nga KQZ.

Me këtë dokumentacion zgjedhor, në bazë të të cilit caktohen ulëset në Kuvend, PDK del si grupi më i madh parlamentar. Por, çështja komplikohet me deklarimin e LDK-AAK-Nisma për formimin e grupit të tyre të përbashkët parlamentar, pas zgjedhjeve.

Nëse gjatë kësaj mbledhjeje përgatitore Koalicioni Opozitar hap çështjen e njoftimit për formimin e grupit të tyre, atëherë pritet të shpërthejë debati me interpretimet ligjore dhe precedentët lidhur me “grupin më të madh parlamentar”.

Jakup Krasniqi, ditë më parë, ka deklaruar për Politko.net, se nuk pret që të bllokohet ky takim, sepse, siç është shprehur ai, do të punohet mbi përvojat e mëparshme dhe bazuar në Rregulloren e Punës.

Në pamundësi që t’iu bëjë ballë dy humbjeve radhazi, e aq më pak që t’i bëjë ballë edhe njëherë një koalicioni të LDK-së me AAK-në e Nismën, Eqremi mori vendimin më të rëndësishëm në jetën e tij politike. I dëshpëruar nga kjo situatë dhe zhvillimet brenda partisë së tij, ai do t’i thoshte “lamtumirë” subjektit të cilin e themeloi para 25 vjetësh.

Por, këtë vendim Eqremi e bëri pa ndonjë konsultim me partinë, dhe pa ofruar një kërkesë me shkrim në partinë të cilës i shërbeu për afër 25 vjet. Jo vetëm opinioni, por edhe partia e vetë z. Kryeziu, vendimin e tij për dorëheqje e mësoj nëpërmjet rrjetit social Facebook.

Më 27 qershor, një ditë pasi Komisioni Qendror i Zgjedhjeve shpalli rezultatet përfundimtare të zgjedhjeve të 8 qershorit, Eqrem Kryeziu në një shkrim të postuar në rrjetin e tij social shkroi arsyet që e kishin detyruar atë të dorëhiqet nga të gjitha funksionet në Lidhjen Demokratike të Kosovës.

“Nga rezultatet zyrtare të shpallura sot prej KQZ del se nuk kam marrë mbështetje të mjaftueshme për të vazhduar të jem edhe më tej përfaqësues i anëtarësisë si kryetar i Degës dhe si anëtar i Kryesisë së Lidhjes Demokratike të Kosovës. Së këndejmi, me këtë rast jap dorëheqje nga ato funksione. Jam i kënaqur, përkundër ndarjes nga një çerek shekulli veprimtarie brenda LDK-së, sepse nuk më ka shkuar asnjëherë as në mendje të përkrah njerëzit e dhunshëm (“Kush e ndihmon dhunuesin, dhunuesi do ta sundojë”). Nga ana tjetër, shpresoj se edhe Ju jeni të kënaqur, jo se qëndrimi Juaj ishte si imi, por sepse ishte zgjedhja që keni bërë vetë. Uroj të takohemi në rrethana më të dinjitetshme”, kanë qenë fjalët e vetme të thëna e të shkruar nga vetë z. Eqrem Kryeziu.

Një dorëheqje të tillë ai nuk e ka bërë në kryesinë e Lidhjes Demokratike të Kosovës, anëtarë i së cilës ka qenë deri në ditën e dorëheqjes. Këtë e ka konfirmuar për gazetën “Botapress” edhe nënkryetari i LDK-së Haki Rugova.

I kontaktuar nëpërmjet telefonit nga gazeta “Botapress” për të ditur arsyet pse nuk ka dorëzuar kërkesën me shkrim për dorëheqje në kryesinë e LDK-së dhe nëse do të marrë pjesë në takimin e së premtes në Këshillin e Përgjithshëm të LDK-së, z. Kryeziu nuk e ka parë të udhës që të deklarohet për asnjërën çështje.

Deputeti i Lëvizjes Vetëvendosje, Visar Ymeri ka thënë se në asnjë mënyrë nuk duhet të kuptohet që kjo parti, me afrimin e LDK-në, AAK-në dhe NISMËN, do te heqë dorë nga parimet e veta.

“ Parimet tona, që kërkojnë të mos ketë dialog pa parime me Serbinë dhe mos të vazhdojë privatizimi abuziv i aseteve kombëtare profitabile siç janë PTK, Trepça, KEK-u, janë kritere që ne i kemi paraqitur në takimet tona me bllokun opozitar, të cilat assesi nuk duhet t’i bëjë një qeveri e re. Prandaj mendoj se, jo që s’po i shkelim parimet tona, por po i bëjmë ato themele të një qeverisje te re, e cila me këto parime sigurohet të jetë edhe qeveri e drejtë”, ka thënë Ymeri, i cili është përfaqësues i grupit të punës se Vetëvendosjes për harmonizimin e qëndrimeve me LDK-në, AAK-në dhe NISMËN.

Ai beson se të dielën do të arrihet marrëveshja ndërmjet katër subjekteve politike që do të mundësojnë krijimin e një qeverie konstruktive, me një kurs të ri shtetëror./Epoka e Re/.

Mbi 19 mijë të rinj kanë konkurruar për 300-400 vende pune në Polici. Kjo nga ekspertët shihet më shumë si krizë e papunësisë sesa që e duan aq fort uniformën.

I tërë procesi do të përfundojë në nëntor të këtij viti, ndërsa policët e rinj pritet që ta fillojnë punën në fillim të vitit të ardhshëm.

Konkursi ishte shpallur me 26 maj dhe ka vazhduar deri më 17 qershor.

Sipas zëdhënësit të Policisë së Kosovës, Baki Kelanit janë mbi nëntëmbëdhjetë mijë aplikues të cilët kanë konkurruar në konkursin për zyrtarë policorë. Por, Kelani nuk ka dhënë ndonjë shifër se sa policë të rinj do të pranohen nga ky konkurs. /Tribuna/