Xin xin xin xinxërrrrr…
ta ndiej atë timbër
nga ballkoni i tëhuajtur
sa rëndë duke bluajtur
me xin xin xërrrr…
më vjen te veshi e tjerr
mes betoni mes shtëpish
sikur do me mua të rrish
xin xin xërrr… e turr në gur
bari kërkund kërkund
unë e ngris me fund
më shfaqesh prap dikund
kur hesht bota
kur ndalen kuitjet e automobilave
kur kundërmojnë lulet e rralla
të përvluara në saksitë
që kanë harruar t’i ujisin