Kryetarja e Gjykatës Speciale, Ekaterina Trendafilova, ka thënë se rasti kundër krerëve të Ushtrisë Çlirimtare të Kosovës, Hashim Thaçi, Kadri Veseli, Jakup Krasniqi e Rexhep Selimi, për sa i përket Prokurorisë, mund të përfundojë në prill të vitit 2025.

Trendafilova tha se Prokuroria i ka komunikuar se janë 43 dëshmitarë dhe data e fundit është më 8 prill për t’i dëgjuar, raporton Ekonomia Online.

Ajo e përmendi edhe faktin se Prokuroria ka vendosur për t’i larguar 14 dëshmitarë.

“Kjo është politikë e fortë që është kryer në një sërë konferencash me palët. Numri fillestar i dëshmitarëve ishte 152, e pastaj Prokuroria tha se mund të shtojë të tjerë me numër të përgjithshëm 350. Kjo është një prej të dhënave që është marrë për efikasitetin në këtë rast. Shumë hapa janë ndërmarrë, mendimi i gjyqtarëve është se ndoshta prokurori mund të përfundojë rastin në fillim të prillit, ndoshta edhe më herët”, tha Trendafilova.

Ajo tha se ky është një rast voluminoz.

“Kemi dhjetë akuza për secilin të akuzuar për krime lufte dhe krime kundër njerëzimit. 153 viktima të përkatësive të ndryshme etnike, shqiptarë, serbë, romë, egjiptianë. Prandaj kemi etni të ndryshme të njerëzve. Dua të sqaroj të gjithëve që janë të interesuar, nuk duhet të mendoni se gjyqtarët po u japin të gjithëve statusin pjesëmarrës, u japin statusin e viktimave të supozuara, dhe kemi kritere të ashpra që duhet të përmbushen në mënyrë që dikush të jetë në gjendje të marrë pjesë në procedura si dëshmitar. I kam detyrat e mia jo vetëm të presidentes por edhe gjyqtares, ajo që më është komunikuar nga Prokuroria është se janë 43 dëshmitarë dhe data e fundit është më 8 prill për t’i dëgjuar. Javën e kaluar Prokuroria vendosi për t’i larguar 14 dëshmitarë”, është shprehur kryetarja e Gjykatës Speciale, Ekaterina Trendafilova. /EO

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri  

Kryetari i Komunës së Rahovecit, Smajl Latifi, ka njoftuar për zhvillimin e një takimi të rëndësishëm dhe të hapur me të rinjtë e komunës, i cili u organizua nga Shoqata Humanitare “Kosova” (SHL-Kosova) në kuadër të projektit me Drejtorinë e Kulturës, Rinisë dhe Sporteve (DKRS) të Rahovecit.

Takimi, i cili u zhvillua me pjesëmarrjen aktive të të rinjve të qytetit, ofroi mundësinë për të diskutuar shqetësimet, nevojat dhe sfidat me të cilat përballen ata, si dhe mundësitë për një të ardhme më të mirë.

Latifi theksoi rëndësinë e mbështetjes për të rinjtë dhe angazhimin e Komunës për krijimin e mundësive për zhvillimin e talenteve rinore.

“Ne jemi të angazhuar që të mbështesim dhe fuqizojmë të rinjtë tanë, të cilët janë e ardhmja e komunës sonë. Kjo është arsyeja pse jemi në vazhdimësi duke rritur mundësitë për angazhim të tyre në aktivitete kulturore dhe shoqërore, dhe po punojmë për të ofruar bursa dhe mundësi të tjera për zhvillimin e ideve të tyre inovative,” tha Latifi.

Në këtë ngjarje, të rinjtë shprehën kërkesa dhe ide për projekte që do të kontribuonin në përmirësimin e kushteve dhe mundësive për angazhimin e tyre në aktivitete të ndryshme.

Ata diskutuan gjithashtu mbi nevojën për mbështetje të mëtejshme në zhvillimin e grupeve vullnetarizmi, si grupet për teatër, art, muzikë, dhe të tjera, ku ata po shprehin talentet dhe aftësitë e tyre.

Kryetari Latifi gjithashtu falënderoi Shkumbin Arifi, drejtorin e SHL-Kosova, dhe  Vjollca Gurgule, zëvendësdrejtoreshën e SHL-Kosova, për angazhimin dhe punën e shkëlqyer që ata po bëjnë për fuqizimin e rinisë në Rahovec.

“Partneriteti ynë me SHL-Kosova është një shembull i shkëlqyer i bashkëpunimit që sjell përfitime të mëdha për të rinjtë dhe komunitetin”, shtoi ai./PP

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Komiteti për Politikë dhe Financa (KPF) i Komunës së Prizrenit mbajti sot mbledhjen e radhës, e thirrur nga Kryesuesja e Kuvendit, znj. Antigona Bytyqi. Gjatë mbledhjes, u shqyrtua rendi i ditës për mbledhjen e radhës të Kuvendit të Komunës së Prizrenit, e cila do të mbahet më 13 Nëntor 2024, në orën 10:00, në sallën e mbledhjeve të Kuvendit të Komunës, në “Shtëpinë e Bardhë”.

Pas shqyrtimit të propozimeve dhe rekomandimeve të anëtarëve të Komitetit, është miratuar rendi i ditës për mbledhjen e Kuvendit të Komunës, i cili përfshin temat e mëposhtme:

1. Shqyrtimi dhe miratimi i Rendit të Ditës;
2. Pyetjet e kuvendarëve dhe ngritja e çështjeve të ndryshme;
3. Shqyrtimi dhe miratimi i propozim-vendimit për harmonizimin e pagave dhe meditjeve në Komunën e Prizrenit për dy muajt e fundit të vitit 2024;
4. Shqyrtimi dhe miratimi i projekt-rregullores për dhënien e dekoratave nga komuna e Prizrenit;
5. Shqyrtimi dhe miratimi i planit lokal të veprimit për barazinë gjinore (2024-2026);
6. Shqyrtimi dhe miratimi i propozim-vendimit për ndryshimin dhe plotësimin e vendimit Nr.001/011-95083 të datës 18.07.2024;
7. Shqyrtimi dhe miratimi i propozim-vendimit për ndryshimin dhe plotësimin e vendimit Nr. 001/011-14771 të datës 27 janar 2022, sipas Rekomandimit të Komitetit për Komunitete;
8. Shqyrtimi dhe miratimi i Projekt-planit Zhvillimor Komunal të Arsimit 2025-2027;
9. Shqyrtimi dhe miratimi i propozim-vendimit për miratimin e Planit Rregullues të Hollësishëm “Zona e Parkut për Industri të Lehtë në Prizren – Parku i Biznesit” sipas Hartës Zonale të Komunës së Prizrenit;
10. Raporti financiar janar – qershor dhe janar – shtator 2024;
11. Raporti i Këshillit për Trashëgimi Kulturore të Qendrës Historike të Prizrenit për periudhën gusht 2023 – qershor 2024;
12. Informatë rreth përfundimit të vitit shkollor 2023/2024 dhe informatë rreth fillimit të vitit të ri shkollor 2024/2025;
13. Diskutim rreth raportit të Zyrës Kombëtare të Auditimit (ZKA) për pasqyrat financiare vjetore të Komunës së Prizrenit për vitin 2023 dhe planit të veprimit për zbatimin e rekomandimeve për vitin 2023;
14. Informatë rreth raportit të punës të Njësisë së Auditimit të Brendshëm (NJAB), për periudhën janar-gusht 2024;
15. Raporti i Performancës Komunale për Komunën e Prizrenit, për vitin 2023.

Në përfundim të mbledhjes, anëtarët e Komitetit rekomanduan që pika “Shqyrtimi dhe miratimi i propozim-vendimit për formimin e Komisionit Përzgjedhës (DKA)” të largohet nga rendi i ditës, ndërsa, me kërkesë të anëtarëve, u shtua pika e re: “Shqyrtimi dhe miratimi i propozim-vendimit për harmonizimin e pagave dhe meditjeve në Komunën e Prizrenit për dy muajt e fundit të vitit 2024”.

Marketing

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Kompleksi ‘Newco Elan’ ofron banesa të ëndrrave tuaja në zemër të Prizrenit

Banesa në shitje nga Renelual Tahiri