Partia Demokratike e Kosovës në Prizren edhe gjatë ditës së dytë të fushatës elektorale, ka vazhduar aktivitetin derë më derë për ta kërkuar votën e qytetarëve prizrenas në mbështetje të misionit të ri.

Në orët e pasdites dhe në mbrëmje janë mbajtur rreth dhjetë takimi me qytetarë në mjedise të ndryshme të Prizrenit.

Në takimin me banorët e fshatrave Korishë, Malësio e re, Caparc, Velezhë, Shpenadi, Smaç, Trepeticë, Serbicë e Epërme ku me banorët e këtyre lokaliteteve të pranishëm ishin kandidatët e PDK-së nga Prizreni Nait Hasani, Zahrije Jusufi, Irfan Fusha, Luljeta Veselaj- Gutaj, dhe Munir Basha.

Ne këtë takim elektoral kandidatët kanë shpalosur pjesë nga programi i PDK-së “Misioni i ri” dhe kanë kërkuar nga të pranishmit që të përkrahet ky mision, sepse është mision për përmirësimin e jetës së qytetarëve, është mision që do ta ndryshojë mirëqenien e qytetarëve pa dallime politike.

Një takim i ngjashëm u mbajt edhe me banorët e fshatrave Lubizhdë, Gençare dhe Skorobisht. Edhe në këtë takim ishin të pranishëm kandidatë të PDK-së dhe koalicionit nga Prizrenit, të cilët lidhën koalicion me banorët e këtyre fshatrave, të cilët u deklaruan se edhe këtë herë votën e tyre ia besojnë PDK-së, e cila ka vizion për Kosovën.

Takime të tilla u mbajtën edhe në disa lagje të qytetit si në lagjen “2 Korriku” , “Xhevat Berisha”, “Jeta e re” ku prezantuan edhe kandidatët tjerë të PDK-së Nezir Çoçaj e Naser Berisha. Në të gjitha takimet e pasdites së 29 majit, u pa gatishmëria e qytetarëve, që janë të përcaktuar për ta votuar PDK-në dhe fuqimisht e mbështesin Misionin e ri, në kuadër të cilit mision e shohin të ardhmen e Kosovës./PrizrenPress.com/

Lëvizja për Bashkim, duke mbështetur punën e përbashkët të Qeverisë së Republikës së Shqipërisë dhe të Qeverisë së Kosovës për integrimet kombëtare e veçanërisht të ministrive të arsimit të qeverive përkatëse, të cilat janë në prag të nënshkrimit të marrëveshjes për unifikimin e kurrikulave të sistemit parauniversitar, inkurajon të dy qeveritë që të intensifikojnë punët integruese në mënyrë që shqiptarët si komb të integrohen në strukturat ndërkombëtare. Kjo ka rëndësi të madhe si në aspektin ekonomik, arsimor, kulturor e sportiv.

Lëvizja për Bashkim mbetet e përkushtuar në politiken e saj që përmes integrimeve kombëtare të ecim drejt bashkimit kombëtar dhe si komb të integrohemi në strukturat ndërkombëtare.

Ministri i Punëve të Jashtme i Kosovës, Enver Hoxhaj, ka pritur të premten në Aeroportin Ndërkombëtar të Prishtinës “Adem Jashari”, presidentin e Republikës së Panamasë, Ricardo Martinelli, i cili ka filluar një vizitë zyrtare në Republikën e Kosovës.

Gjatë takimit me presidentin Martinelli, ministri Hoxhaj i ka uruar mirëseardhje në Kosovë, duke shprehur mirënjohjen e institucioneve dhe qytetarëve të Kosovës për përkrahjen që ky shtet ka dhënë për Kosovën.

Ministri Hoxhaj e njoftoi presidentin panamez për progresin në Kosovë, fuqizimin e shtetësisë dhe subjektivitetit ndërkombëtar.

Hoxhaj shprehu vullnetin e Kosovës për fuqizimin e mëtutjeshëm të marrëdhënieve dhe shkëmbimeve bilaterale me Panamanë, duke iu referuar edhe hapjes së Ambasadës së Kosovës në Panama, si një hap të rëndësishëm në këtë drejtim.

Presidenti i Panamasë, Ricardo Martinelli, falënderoi ministrin Hoxhaj për mikpritjen, duke shprehur mbështetjen e mëtutjeshme të shtetit të tij për Kosovën.

Martinelli po ashtu shprehu vullnetin e shtetit panamez për fuqizimin e marrëdhënieve bilaterale me Republikën e Kosovës.

Kandidatët për deputetë Irfan Fusha, Edita Tahiri, Luljeta Veselaj, Nezir Cocaj, në listën e PDK-së, të shoqeruar nga kryetari i KOmunës së Prizrenit Rramdan Muja, kanë marrë pjesë në manifestimin për ditën ndërkombëtare të fëmijëve në Prizren të organizuar nga Kuvendi Komunal dhe çerdhet e qytetit të Prizrenit.

Në këtë manifestim dhe takimet që kanë zhvilluar me prindërit e fëmijëve Tahiri dhe Fusha folën për programin e “Misionit të Ri” dhe përkushtimin për investime të mëtejshme në ndërtimin e çerdheve dhe shkollave moderne, atraktive dhe sipas standardeve evropiane.

Tahiri tha se Qeveria e Kosovës ka investuar më shumë se 122 milion euro në arsim, janë ndërtuar 145 shkolla të reja, janë shpërndarë libra falas për të gjithë nxënësit e Kosovës dhe kanë rritur pagat e punëtorëve të arsimit për 133%.

Ajo poashtu foli për programin e Misionit të Ri ku tha se investimet në arsim do të jenë edhe më të mëdha dhe theks të veçantë i dha programit për gratë ku tha se ato nuk do të ballafaqohen me problemet e pamundësisë së akomodimit të tyre nëpër çerdhe dhe se do të kenë mundësi që të zhvillojnë aktivitetet e tyre të punës dhe avancimit në mënyrë të barabartë me burrat.

Nga ana e tij Irfan Fusha tha se “Misioni i Ri” do t`i ndaj 1.5 miliardë euro do të jepen për grante për çdo biznes në Kosovë që dëshmon se do të krijojë vende pune. Do të krijohen 200,000 vende të reja të punës. /PrizrenPress.com/

Sot, ka filluar ndërtimi i objektit të shkollës fillore dhe të mesme të ulët “Ramadan Morina” në fshatin Damanek të Komunës së Malishevës. në vënien e gurë themelit të shkollës së re, ishin kryetari i Malishevës,Ragip Begaj, me zyrtarët tjerë komunal, zyrtari i lartë i Zyrës së Bashkimit Evropian në Prishtinë, Luc Faber dhe qytetarë të shumtë të fshatrave, Damanek, Bubël dhe Qupevë, pasi kjo shkollë shërben për nxënësit e këtyre tri fshatrave.

“Jam shumë i kënaqur që po e ndaj gëzimin me juve banorë të Damanekut, Bublit dhe Qupevës. Jam i kënaqur që po krijojmë kushte më të mira për arsimimin e fëmijëve, gjeneratave të reja. Nga ju mësueses kërkoj cilësi në mësimdhënie, për arsimimin e gjeneratave të reja “, ka thënë mes tjerash Kryetari i Komunës së Malishevës, në ceremoninë e vënies së gurë themelit të shkollës.

Ndërsa, Luc Faber nga zyra e BE-së në Prishtinë, shprehi “kënaqësinë që po merr pjesë në fillimit e ndërtimit të shkollës”. “Kjo shkollë, është në mesin e 20 shkollave, që BE po ndërton në Kosovë, projekte të cilat janë nga viti i kaluar. Kosova është shtet me popullsinë më të re në Evropë dhe është e domosdoshme ndërtimi i shkollave, për ngritjen e cilësisë në arsimimin e breza të rinj, për krijimin e një mjedisi më të shëndosh për mësimdhënie dhe mësimnxënie”, tha zyrtari li lartë i zyrës së BE-së në Prishtinë,Faber.

Më pas, Begaj e Faber, kanë vënë gurë themelin në ndërtimin e objektit të ri për shkollën në fshatin Damanek, ku vijojnë mësimin nxënësit e tri fshatrave. Objekti i shkollës, do të jetë sipas standardeve evropiane dhe financohet nga Agjencioni Evropian. Shkolla ka një hapësirë prej 1500 metrash katrorë, ku parashihet ët jetë dy katërshe, me dhjetë dhoma mësimi dhe e përcjellë me sallën e sporteve. Vlera e projektit është rreth një milion euro.

Kreu i AAK’së Ramush Haradinaj ka takuar ish –shefin e UNMIK’ut danezin Soren Jessen-Petersen. Haradinaj ka thënë se danezi ka mirëpritur Drejtimin e Ri.

Ish –shefi I UNMIK’ut danezi Soren Jessen –Petersen ka takuar kreun e AAK’së Ramush Haradinajn. Haradinaj në një postim në Facebook ka thënë se ish-Kryeadministratori ka mirëpritur Drejtimin e Ri. “Ishte kënaqësi sot ta takoj mikun tim dhe mikun e madh të Kosovës, Søren Jessen-Petersen. DREJTIMI I RI për Kosovën mirëpritet edhe nga miqtë e vërtetë të Kosovës!” ka shkruar Haradinaj.

Në vitin 2005 Haradinaj kishte dhënë dorëheqje nga posti i Kryeminstrit të Kosovës, pikërisht në kohën kur Jessen-Petersen ishte në krye të UNMIK’ut. Danezi kishte lavdëruar qeverisjen e tij dhe aktin e largimit vullnetar nga ekzekutivi për t’iu përgjigjur drejtësisë ndërkombëtare.