Iniciativa e disa anëtarëve të KQZ-së që ky institucion të marrë vendim që votat e kandidatëve të rinumërohen në Qendrën e Numërimit të Rezultateve është joligjore dhe kundër praktikave evropiane, shkruan sot Koha Ditore.

Këtë shqetësim e ka ngritur ambasadori i Mbretërisë së Holandës në Kosovë, Robert Bosch, pasi partitë kryesore të përfaqësuara në KQZ tanimë kanë marrë një iniciativë të tillë, e cila pritet të qitet në votim në mbledhjen e së premtes. Si ekspert i angazhuar në procese të ndryshme zgjedhore, ambasadori holandez ka paralajmëruar për pasojat që mund t’i sjellë një vendim i tillë.

“Ideja për rinumërimin e të gjitha votave edhe kur nuk ka arsye të dukshme, është kundër praktikave të përgjithshme zgjedhore dhe vetëm sa do të shtojë konfuzion në zgjedhje”, ka thënë Bosch për “Kohën Ditore”.

“Pasi kam pasur një përvojë në procese të ndryshme zgjedhore, mund të them se një praktikë e tillë nuk ka ndodhur asnjëherë në asnjë vend tjetër të botës”.

?Iniciativa ”Ta Pastrojmë Kosovën” shpreh shqetësimin për vendimin e Panelit Zgjedhor për Ankesa e Parashtresa (PZAP) që të hedhë poshtë vendimin e KQZ-së që mos të përdoren posterët B2 gjatë fushatës zgjedhore.

Është e pakuptueshme që PZAP të merr një vendim të tillë kur dihet për dëmin e madh që do ti bëjnë natyrës mijëra posterë që do të ngjiten gjithandej vendit tonë. Ne jemi të vetëdijshëm që duhet të zbatohet ligji megjithatë konsiderojmë se duke e ditur efektin negativ që e shkaktojnë ka qenë shumë më e dobishme të mbetet në fuqi vendimi i KQZ-së, thuhet në reagimin e Iniciativës “Ta Pastrojmë Kosovën”.

Kjo Iniciativë kërkon nga partitë politike që pavarësisht këtij vendimi kësaj here të tregohen dashamirëse ndaj natyrës dhe mos të përdorin posterë.

Sapo ka përfunduar aksioni i pastrimit të Kosovës ku mbi 45 mijë qytetarë kanë marrë pjesë në pastrimin e 305 deponive me mbeturina andaj kësaj here të gjithë së bashku të e japim një mesazh se duam ta mbajmë vendin tonë të pastër.

Mbesim me shpresë që të gjitha partitë politike dhe kandidatët për deputet do të reflektojnë pozitivisht në kërkesën tonë duke treguar se mbi interesin për të fituar vota është interesi për një mjedis të pastër!, thuhet në reagim.

Vetëm PDK e ka lënë jashtë listës së kandidatëve për deputet Sekretarin e Përgjithshëm të Partisë.

Kështu, Basri Musmurati s’është kandidat për deputet.
Sekretari i Përgjithshëm i PDK’së, Basri Musmurati, nuk është fare në listën e kandidatëve për deputet.

Kështu, Musmurati ka vendosur të mbetet jashtë listës. Nuk dihet nëse vendimi për të mos përfshirë atë në listë është marrë nga PDK’ja apo ka hequr dorë vet Musmurati.

Sidoqoftë, kolegët e Musmuratit në partitë tjera, janë në listat për deputet. Kështu, Ismet Beqiri i LDK’së, Burim Ramdani i AAK’së, Dardan Molliqaj i VV’së, Ibrahim Makolli i AKR’së/Express/

Presidenca nuk i jep kohë as dokumentacion të mjaftueshëm Komisionit për verifikim të dekoratave.

Mujë Shabani ka bërë një ankesë në Presidencë, përmes së cilës e ka kontestuar nderimin me medaljen “Urdhri i lirisë” të Hajriz Lushtakut nga Prekazi.

Si dëshmi ai ka ofruar një aktgjykim të viti 1956, sipas të cilit Lushtaku ka qenë dëshmitar në një rast kundër tre shqiptarëve për vrasje të 6 ushtarakëve më 1945.Lushtaku është propozuar për dekorim nga deputeti Bekim Haxhiu./Koha Ditore/

Ulrike Lunacek tregon shqetësimin për fitoren e djathtistëve në PE. Ajo kërkon nga politikanët të mos bëjnë fushatë me liberalizim të vizave. Bën thirrje për një proces demokratik të zgjedhjeve të 8 qershorit.

Raportuesja për Kosovën në Parlamentin Europian, Ulrike Lunacek ka kërkuar nga autoritetet kosovare që në zgjedhjet parlamentare të 8 qershorit, të vazhdojnë suksesin e atyre lokale.

Në një intervistë ekskluzive për lajmi.net, eurodeputetja Lunacek tha se me këto zgjedhje, partitë politike duhet të ri-krijojnë besimin e qytetarëve.

Sipas saj, zgjedhjet e 8 qershorit janë të dytat pas atyre lokale të vitit të kaluara që mbahen në bazë të ligjeve të Kosovës, në të gjithë territorin.

Lunacek ka thënë se për liberalizimin e vizave nuk vendos Parlamenti Europian, siç kanë aluduar disa politikanë, të cilët bënë premtime duke dhënë data për heqjen e regjimit të vizave me BE-në.

“Për mua zgjedhjet e para në mbarë shtetin e Kosovës të cilat janë mbajtur sipas ligjit të Kosovës janë ato të mbajtur më 3 nëntor, 17 nëntor dhe 1 dhjetor të vitit 2013, të cilat kanë shënuar një hap të madh drejt demokracisë së Kosovës dhe për besimin e qytetarëve në proceset demokratike të cilat përforcojnë procesin e normalizimit”.

“Prandaj, unë u bëjë thirrje autoriteteve kosovare që të vazhdojnë këtë proces dhe të përdorin zgjedhjet e ardhshme për të rritur besimin në institucionet e vendit, për shembull në mekanizmat e fortë mbështetës ku qytetarët mund të ankohen për kërcënimet apo parregullsitë në ditën e zgjedhjeve”.

“Për mua është kruciale që procedurat zgjedhore të jenë transparente dhe fer në mënyrë që të rifitohet dhe të përmirësohet besimi i qytetarëve të Kosovës në proceset demokratike”.

Eurodeputetja austriake, duke folur për liberalizimin e vizave, thotë se Parlamenti Europian do të vazhdojë presionin ndaj Komisionit, për të marrë vendim në favor të Kosovës. Por, sipas Lunacek, duhet që edhe Kosova të zbatojë me tej reformat e kërkuara.

“Është Komisioni Europian i cili duhet të jep përgjigje konkrete, e jo Parlamenti. Parlamenti Europian do të vazhdojë që të shtyjë përpara procesin e liberalizimit të vizave. Komisioni duhet të intensifikojë përpjekjet e tyre për të forcuar dialogun me autoritetet kosovare për të zbatuar më tej reformat, përmbushjen e standardeve dhe gjithashtu duke siguruar autoritetet ndihmë, identifikimin dhe njohjen e përparimeve të bëra”.

“Për mendimin tim, liberalizimi i vizave është njëra nga gjërat më të prekshme që njerëzit e kuptojnë dhe e ndjejnë në mënyrë të drejtpërdrejtë. Nga ajo do të përfitojnë më së shumti ata që janë të lënë pas dore, të rinjtë dhe të pambrojturit, ata që kanë pak fat dhe më pak të privilegjuarit. Mundësitë që vijnë janë të paçmuara dhe populli i Kosovës i meriton ato”.

Ldhur me zgjedhjet e fundit në PE, ku fituese dolën partitë e djathta populiste, Lunacek vlerësoi se kjo është shqetësuese për pjesën tjetër liberale. Ajo tha se kjo mund të jetë në disfavor të zgjerimit, veçmas për Ballkanin Perëndimor dhe Kosovën.

“Rritja e disa partive të djathta dhe disa partive të djathta populiste dhe partive ekstremiste është shqetësuese për ne që duam që zgjerimi të vazhdojë, veçmas në Ballkanin Perëndimor”.

“Por unë shpresoj se shumica e partive pro-europiane do të vazhdojnë që të shtyjnë këtë dhe gjithashtu qeveritë e shteteve anëtare do të sigurohen që projekti i paqes evropiane nuk do të përfundohet përderisa të gjitha shtetet e Ballkanit Perëndimor, duke përfshirë këtu edhe Republikën e Kosovës, të bëhet anëtare e Bashkimit Europian”.