Kreu i Lidhjes Demokratike të Kosovës (LDK), Isa Mustafa, ka thënë të enjten në Prizren se Qeveria e ardhshme e drejtuar nga LDK-ja nuk do të tolerojë që 21 mijë të rinj, të ikin jashtë vendit vetëm në vitin 2013, për shkak të papunësisë, mungesës së zhvillimit ekonomik dhe keqqeverisjes.

“LDK është partia më e përgatitur që ta qeverisë Kosovën dhe nëse LDK nuk e bënë këtë punë atëherë s’ka kush ta bëjë. Qeverisjen jonë nuk toleron që 21 mijë të rinj të ikin nga Kosova gjatë një viti, siç ka ndodh më 2013. Këta të rinj janë bijtë dhe bijat tona dhe ky shtet është ndërtuar dhe themelua që njerëzve të vet t’ju sjellë ardhmëri. Meqenëse kjo qeveri nuk ka siguruar ardhmëri, atëherë ne e marrim përgjegjësinë që ta krijojmë një të ardhme më të mirë për fëmijët tanë, në këtë shtet të cilin ne e duam, e respektojmë dhe në këtë shtet të cilin do ta respektojnë edhe shtetet e tjera anekënd botës, ashtu siç është respektuar kur nuk ka qenë shtet fare në kohën e Presidentit Rugova”, ka thënë Mustafa.

Ai ka shtuar se këtë qeverisje do ta sjellim me LDK-në, partinë e Presidentit Rugova.

“Këtë ardhmëri do ta sjellim me njerëzit më të mirë që i ka Kosova, me njerëz të dijshëm, me njerëz të përgjegjshëm, të cilët ndodhen në listën tonë për deputetë, nga të gjitha komunat dhe nga komuna e Prizrenit”, ka shtuar ai.

Sipas Mustafës LDK do të qeverisë për një ardhmëri të sigurt, për një shtet zhvillimor, demokratik dhe për një shtet të integruar në Bashkimin Evropian.

“Vetëm ne mundemi, vetëm LDK-ja mundet që ta rrëzojë këtë pushtet, mund ta mund PDK-në, dhe jo vetëm PDK-në, por edhe të gjithë aleatët që fshihen pas saj dhe punojnë për PDK-në”, ka thënë kreu i LDK-së.

Ai ka pohuar se LDK do të vijë në pushtet me votat e fituara nga qytetarët, jo me vota të keqpërdorura, siç erdhën në pushtet këta që sot po shkojnë në opozitë.

Eqrem Kryeziu, kryetar i Degës së LDK-së në Prizren ka thënë se më 8 qershor Kosova do të gjendet në udhëkryq, ndërsa qytetarët do të marrin kthesën e duhur.

“Votojeni LDK-në, në mënyrë që në pjesën tjetër të jetës suaj të mund të thoni se keni bërë diçka të mirë, jo vetëm për vete dhe për fëmijët tuaj, por edhe për gjeneratat që do të vijnë”, ka shtuar ai.

(E plotësuar) Fatmir Limaj ka thënë se qeverisja aktuale i ka vetëm edhe tetë ditë sepse e kanë humbur durimin e qytetarëve të Kosovës.

“Ata që ju kanë gënjyer iu kanë mbetur edhe tetë ditë”, ka thënë ai.

“Ata të cilët kanë dyshuar, kanë pasur dilema le ta shohin sot dhe e gjithë shqiptaria. Kjo është Nisma për Kosovën”, ka thënë Limaj, në hapjen e fushatës së Nismës, ku Salla “1 Tetori” është mbushur plotë me simpatizantë.

Limaj ka thënë se askush s’mund ta ndalë Nismën drejt fitores së madhe. Ai ka thënë se ka njerëz në këtë vend me vullnet për të kaluar çdo kërcënim, çdo shantazh për ta ndryshuar vendin.

Limaj ka thënë se ajo që filloi si iniciativë në disa Komuna, shumë shpejt u kthye në një lëvizje që bashkoi qindra e mijëra qytetarë të etur për ndryshim në të gjithë Kosovën.

“Për këta dy muaj kemi takuar çdo ditë në çdo cep të Kosovës, bujq të harruar nga pushteti. Kemi takuar punëtorë të etur për punë por që kanë vite të tëra pa punuar dhe kanë humbur shpresën se do të mund të gjejnë punë ndonjëherë. Kemi takuar student që na kanë treguar se diploma nuk u gjen punë, na kanë treguar se kjo qeverisje ju ka dhënë vetëm një rrugë, atë të largimit nga vendi, e në sytë e tyre po shihet, vetëm mllef dhe zhgënjimi me pushtetin. Kemi takuar qytetarë të dëshpëruar, të zhgënjyer dhe të harruar që pyesin vetën se çfarë kanë bërë që të meritojnë një trajtim të tillë.

NGRITUNI NË KËMBË, VOTONI PËR NDRYSHIMIN, VOTO NISMA për Kosovën, voto numrin 59”, ka thënë Limaj.

Tutje Limaj ka thënë se qytetarët e dinë se meritojnë më mirë, e dinë se Kosova mund të bëhet më mirë, dhe këtë e bëjnë ata që e duan vendin dhe e mbajnë fjalën.

“Nga sot, epoka e politikës së klaneve, e mashtrimit dhe padrejtësisë po mbaron, kurse epoka e mundësive të reja dhe e rikthimit të dinjitetit për qytetarin po fillon. Ne sot, si bujk, si fermer, si punëtor, si student, si intelektual, si qytetarë të Kosovës që jemi të etur për ndryshime,…….Të gjithë jemi bashkuar për të shprehur vullnetin tonë dhe kemi vendosur për t’a ndryshuar qeverisjen në Kosovë. Ata kanë vetëm edhe 8 ditë, sepse me keqqeverisjen e tyre kanë degraduar vendin, ata ua kanë humbur vlerën institucioneve dhe kanë vendosur vullnetin e individit mbi ligjin. Nga sot, ata që ju kanë gënjyer e mashtruar, ata që kanë mbytur zërin dhe shpresën tuaj,atyre ju kanë mbetur vetëm edhe 8 dittë”, ka thënë Limaj.

Limaj ka thënë se ata ju kanë dhënë premtime të mëdha, e ju kan gënjyer, ata ju premtuan vende të reja të punës, e ju sollën më shumë papunësi,ata Ju premtuan më shumë rrymë, e ju sollën më shumë terr.

“Ne themi mjaft më me mashtrime dhe me gënjeshtra. Mjaftë luajtët me dinjitetin e qytetarit, mjaft më sepse ju kanë lodhur, Ju sot keni nevojë për ndryshim, ..!Ju keni nevojë për një lidership të dëshmuar dhe të provuar, për një lidership që mbanë fjalën e dhënë. Nisma ju ofron këtë lidership. Nisma ka lidership që ka bërë të mundur që brenda një mandati të kryejë vepra madhore për Kosovën. Sot kemi një Autostradë që lidhë kombin tonë dhe një aeroport që lidh vendin tonë me botën”, ka thënë Limaj.

Limaj ka thënë se me 8 Qershor ju do të i jepni përgjigjen e merituar atyre që ju kanë varfëruar, që ju kanë izoluar, që ju kanë mashtruar me premtime të rrejshme.

Ndërsa, Kryetari i Këshillit Kombëtar i NISMA për Kosovën, Jakup Krasniqi ka thënë se ne me besimin tuaj e përkushtimin tonë mund ta ndryshojmë Kosovën. Ne, kemi obligim ta bëjmë këtë me ndershmëri e integritet.

“Për Nismën, të kesh mendim të lirë e konkurrent është domosdoshmëri. Pa ide konkurrente nuk ka zhvillim e përparim. Aty ku nuk ka konkurrencë idesh, ka sundim despotik e mjerim ekonomik e shoqëror dhe aspak integritet njerëzor. Është obligim i yni t’ua hapim të gjitha rrugët ideve konkurrente pa të cilat nuk ka zhvillim demokratik dhe për pasoj as zhvillim ekonomik e shoqëror”, ka thënë Krasniqi.

Tutje Krasniqi ka thënë se brezi ynë e ka për obligim ta përfundoj institucionalizimin e lirisë e të demokracisë, por kjo nuk bëhet pa vullnetin politik të atyre që marrin besimin qytetar në zgjedhjet e lira, të fshehta e demokratike, për te krijuar shtetin e se drejtës, shtetin e drejtësisë sociale, shtetin e dijes e të zhvilluar ekonomik.

“Kosova duhet ta ketë planin e zhvillimit e të përparimit për ndërtimin dhe shfrytëzimin e kapaciteteve minerare që ka, si edhe ato të agrikulturës që ofron toka jonë bujqësore kudo në Kosovë. Natyrisht, për këto çështje përgjegjësia kryesore është e ekzekutivit tonë, i cili asnjë hap se bëri pa e shikuar interesin e xhepave personal”,ka thënë Krasniqi.

Ndërkaq, kryetarja e NISMA e Gruas për Kosovën, Valdete Bajrami, ka thënë se tashmë Kosova ka vendosur të i thotë jo gënjeshtrës, mashtrimit, izolimit, varfërisë, sepse qytetarët e Kosovës dojnë udhëheqësi që nuk mashtron, që ju thotë qytetarëve të vërteten.

“Gratë, të rinjtë, njerëzit tanë dojnë mundësi, hapësirë që të punojnë për vetën e tyre, për shtetin e tyre, e kjo është e mundshme vetëm me NISMA për Kosovën”, tha ajo.

Në këtë tubim është bërë edhe prezantimi i të gjithë kandidatëve për deputetë në Kuvend të Kosovës, nga NISMA për Kosovën./PrizrenPress.com/

Fatmir Limaj dridh PDK–në

Nisma për Kosovën ka mbledhur mijëra simpatizantë në Sallën “1 Tetori” në Prishtinë.

Pamjet që vijnë nga atje, e që po transmetohen direkt nga KTV, tregojnë se kjo parti ka arritur ta mbush këtë sallë më shumë se secila parti sivjet.

Tani para simpatizantëve do të flasin drejtuesit e kësaj partie, Fatmir Limaj e Jakup Krasniqi.

?Duke u thirrur në nenin 44 të Ligjit për Zgjedhjet e përgjithshme dhe rregullores zgjedhore “Fushata e zgjedhjeve dhe njoftimi për ngjarjet politike”, PZAP ka rrëzuar vendimin e KQZ-së për ndalesën e përdorimit të posterëve të formatit B2 nga ana e partive politike.

Sipas kushteve të saktësuara në Kodin e Mirësjelljes gjatë periudhës së fushatës zgjedhore, subjektet politike kanë të drejtë të publikojnë dhe të shpërndajnë afishe çfarëdo çofshin ato pa ndonjë kufizim përkitazi madhësisë (dimensioneve të tyre), reklamave dhe materialeve tjera në një fushatë zgjedhore, thuhet në vendimin që e ka siguruar Koha.net.

“Me vendimin e ankimuar është vepruar në kundërshtim me këtë dispozitë ligjore, dhe për më tepër KQZ-ja me asnjë vendim të saj, subjekteve politike apo garuesve në zgjedhje nuk mund t’ua kufizojë apo ndalojë të drejtat të cilat atyre u takojnë sipas ligjit”, thuhet në vendimin e PZAP-së.

Ankesën për një gjë të tillë në PZAP e kishte bërë koalicioni VAKAT. Ndërkohë edhe Vetëvendosje e kishte cilësuar këtë vendim si të kundërligjshëm, jashtë përgjegjësive të KQZ-së dhe në funksion të shmangies së gjobave të tri subjekteve politike (PDK-LDK dhe AAK) që e kishin propozuar një vendim të tillë.

Adnan Rrustemi i VV-së kishte theksuar se KQZ-ja është e obliguar që në bashkëpunim me autoritet komunale të caktojë hapësira të veçanta për vendosjen e posterëve dhe të mos lejojë vendosjen në hapësira që dëmtojnë ambientin.

Kandidati për Kryeministër dhe kryetari i LDK-së, Isa Mustafa, ka thënë në Suharekë se Presidenti Ibrahim Rugova i ka shtruar rrugët e bashkëpunimit dhe miqësisë me Shtetet e Bashkuara dhe Bashkimin Evropian, prandaj ne sot vetëm po ecim atyre rrugëve dhe po i forcojmë ato.

“Presidenti Ibrahim Rugova e trasoi rrugën në Uashington, për në Bruksel, në Bashkim Evropian, rrugën në Berlin, Paris etj, i trasoi të gjitha rrugët tona dhe ne sot po ecim atyre rrugëve, po i ndërtojmë këto marrëdhënie, prandaj ne sot jemi në familjen e Partive Popullore Evropiane”, ka thënë Mustafa.

Ai ka shtuar se sot ka pranuar një mbështetje dhe përgëzim nga kryetari i Grupit të Partive Popullore Evropiane, Joseph Daul, i cili e konsideron fitoren e LDK-së si pjesë e fitores evropiane.

“Ne jemi të vendosur që me datën 9 qershor ta marrim shumicën e besimit të qytetarëve të Kosovës dhe ta formojmë qeverinë, ta marrim përgjegjësinë e plotë për qeverisjen e këtij vendi. Nëse qytetarët e Suharekës e vlerësojnë se kjo qeverisje në krye me Sali Asllanin në Suharekë, është qeverisje në të mirë të qytetarëve, qeverisje në të mirë të zhvillimit të Suharekës, është qeverisje për përgjegjësinë e të rinjve, atëherë të gjithë qytetarët e Kosovës do ta marrin të njëjtin vendim që LDK-ja ta qeverisë Kosovën”, ka thënë Mustafa.

Ai ka shtuar se është shumë i bindur se një vendim i tillë do të ndodhë më 8 qershor dhe ne do të jemi ata që do të formojmë qeverinë e Kosovës.

“Partia në pushtet dhe qeveria e cila po i jep fund mandatit të saj nuk është ajo e cila meriton përkrahjen e qytetarëve. Kjo qeveri e ka rrënuar autoritetin e Kosovës edhe brenda edhe jashtë. Kjo qeveri e ka rrënuar shtetin ligjor dhe e ka rrënuar barazinë e qytetarëve para ligjit. Kjo qeveri ka rrënuar ekonominë e Kosovës, e ka ulur për 50% normën e rritjes ekonomike, kjo qeveri e ka shkatërruar bujqësinë sepse u ka dhënë subvencione edhe atyre të cilët nuk e meritojnë dhe duke lejuar që ne të importojmë 600 milionë produkte bujqësore gjatë vitit”, ka thënë kryetari i LDK-së.

Sipas tij, kjo qeveri e cila na ka sjellë në një situatë që ne ta importojmë gati 80% të qumështit nga jashtë, që të importojmë 60% të mishit nga jashtë, 60% të grurit nga jashtë, nuk meriton që më tutje ta qeverisë Republikën e Kosovës.

“Kjo qeverisje pati kohë që të realizojë Misionin për Kosovën, por e ka vonë që pas 7 viteve të dalë me Mision të Ri. Misioni i Ri i kësaj partie është për të shkuar në pension dhe në opozitë”, ka thënë Mustafa.

Ai ka potencuar se askujt nuk do t’i lejohet që edhe më tutje t’i mashtrojë qytetarët, sepse qytetarët tanë nuk janë njerëz që mashtrohen.

“Qytetari nuk mashtrohet me premtime të kota, me vota të vjedhura, me pasaporta të keqpërdorura, ata nuk mashtrohen me privatizime të kundërshtuara, nuk mashtrohen me kompani publike të cilat janë të uzurpuara dhe të familjarizuara”, ka shtuar ai.

Kryetari i komunës së Suharekës, Ali Asllanaj ka thënë se këto zgjedhje kanë rëndësi të madhe për Kosovën sepse do të jetë një kthesë për të mirë me LDK-në në qeverisje.

|”LDK do të bëjë që Kosova të jetë shtet normal, me rend dhe ligj, sepse Kosovës tashmë me këtë qeverisje i ka humbur edhe shpresa”, ka thënë Asllanaj.

Njeriu që ka mbajtur të gjitha postet e mundshme të pushtetit e që edhe aktualisht është kandidat i PDK’së për deputet ka humbur krejt këto ditë. Ku është Bajram Rexhepi?
Nuk dihet nëse po i vjen turp për shkak të skandalit me pasaporta që të dalë e të kërkojë votën, apo është në pyetje diçka tjetër. Sido që të jetë, Bajram Rexhepi nuk po duket askund në këtë fushatë, për dallim prej kolegëve të tij partiak të cilët i kanë ndezur motorët në përpjekje për të siguruar vend përsëri në skenën politike të Kosovës. Apo ndoshta z.Rexhepi konsideron se është mjaft karizmatik që të sigurojë vota pa bërë fushatë hiq?/express/