Kandidati i PDK-së për kryetar të Komunës së Prizrenit, Ramadan Muja, është takuar me banorët e lagjes “Shtatë Shtatori”. Ai ka prezantuar programin e qeverisjes së tij, edhe për katër vitet e ardhshme. “Ky është një rrrugëtim i yni i përbashkët që qyteti ynë të ketë një prespektivë europiane”, tha Muja. Sipas tij, qytetarët e Komunës së Prizrenit, duhet të kenë prespektivë europiane. “Këtë prespektivë ua ofron vetëm programi qeverisës i PDK-së”, tha Muja.

Ai tha se rezultatet e arritura çdo qytetar i prekë çdo ditë. “Punët tona gjatë këtyre mandateve qeverisëse kanë qenë të shumta. Kemi ndërtuar rrugë me infrastrukturë përcjellëse, hapsira të gjelbërta, plane rregulluese urbane, ambullata të shumta, shkolla moderrne të paisura me kabinete dhe shumë projekte të realizuara, ku me të drejt mund të mburremi se Prizreni është qytet europian”, tha Muja.

Në këtë takim në radhët e PDK-së kanë kaluar edhe aktivistë të Lëvizjes Vetëvendosje! në Prizren. Ish-aktivisti i VV-së, Edi Kabashi, tha se në PDK ka aderuar për shkak se ky subjekt politik ia ka mundësuar të japë kontributin e tij politik. “Partia Demokratike e Kosovës na i hapi dyert për të dhënë kontribitin tonë në interes të qytetit, ndërkaq të tjerat na penguan dhe na mbyllen dyert “, tha Kabashi.

Kandidati i PDK-së, Ramadan Muja, ka mirëpritur aderrimin e aktivistëve të Lëvizjes Vetëvendosje në PDK. Ai premtoi se të gjithë qytetarët do të gëzojnë të drejtat në mënyrë të barabartë.

Banorët e lagjës “Shtatë Shtatori”, premtuan se kjo lagje që përbëhet me qytatarë nga të gjitha komunitet do vazhdojë të ruajë besimin ndaj PDK-së dhe krytarit Muja, pasi të gjitha premtimet e bëra nga fushata e kaluar jo vetëm se janë mbajtuar, por edhe janë tejkaluar nga qeverisja e mirë, e cila ka qenë në shërbim të qytetarëve të komunës së Prizrenit./PrizrenPress.com/

Kanë dështuar përpjekjet e Partisë Demokratike për të përshpejtuar procedurat e bartjes së kompetencave të EULEX-it tek institucionet vendore pas hartimit të strategjisë nga ana e Qeverisë.

Për këtë çështje, të hënën në Komisionin për Legjislacionet është zhvilluar një debat i ashpër, pasi deputeti i PDK-së Behar Selimi, kërkoi që të futet si rend dite edhe strategjia për bartjen e kompetencave,shkruan Tribuna

Ai ka thënë se kjo çështje duhet të hyjë në rend dite dhe të vazhdohet për procedim të mëtutjeshëm në seancë. Kërkesën e tij Selimi e ka bazuar edhe në afatet e rezolutës së miratuar në Kuvend, e që strategjia e Qeverisë ka dalë si pjesë e saj

Kandidati i për kryetar të Komunës së Malishevës nga radhët e PDK-së, Isni Kilaj, ka vazhduar fushatën duke prezantuar programin para banorëve të fshatrave Senik dhe Maxharrë.

“Në 2007 ne ju kemi premtuar duke kërkuar votën dhe ju na keni besuar, ndërsa sot duhet të besoni punën tonë”, tha Kilaj, duke kërkuar votën nga banorët e Senikut dhe Maxharrës.

Kilaj, ka premtuar ndërtimin e ujësjellësit për fshatin Senik, ndërsa në Maxharre, ju premtoi ndërtimin e rrugëve nëpër lagje dhe trotuarin përgjatë rrugës kryesore.

Nga këto dy fshatra Kilaj ka marrë mbështetje për vazhdimin e Qeverisjes së mirë për Malishevën, në katër vitet e ardhshme.

“Kryetari ka bërë punë që do asnjë fjalë, pasi atë punë e prekim të gjithë dhe e ndiejmë të çdo ditë. Shkolla moderne, rrugët, kanalizimi dhe mbështetja për rastet sociale, janë vetëm disa nga ato gjëra që i shohim, i prekim dhe i ndiejmë çdo ditë”, thanë banorët në fshatin Senik. Ndërsa banorët e Maxharrës, thanë se rruga kryesore, kanalizimi, ujësjellësi, janë ato punë që shihen dhe nuk ka koment për punët e bëra, pavarësisht nevojave të kohës, thuhet në komunikatën e PDK-së. /PrizrenPress.com/

Partia Konservatore e Kosovës sot e ka vizituar Organizatën e Pensionistëve duke prezantuar Kabinetin për Qeverisje të Mirë dhe planet rreth të ardhmes dhe mirëqenies së pensionisteve.

Kryetari i Partisë Konservatore Munir Basha tha se pavarësisht vetëdijes për gjendjen e pensionisteve, klasa politike e Kosovës ende nuk ndërmerr masa konkrete për zgjidhjen e problemeve të tyre.

“Statusi i njerëzve që për shkak të moshës së shtyrë nuk janë të aftë më për të punuar dhe për të krijuar të ardhura për veten dhe për familjen e tyre, duhet të rregullohet sepse është lënë anash nga garnitura qeverisëse duke i lënë ata nën mëshirën e Zotit. Nga kjo vërehet se klasa politike udhëheqëse në vend jep më tepër rëndësi mirëqenies së tyre sesa të shoqërisë e në veçanti të pensionistëve”, tha Basha.

Kurse, kandidati i PK-së për kryetarë, Beni Kizolli tha se është vetëdijshëm për premtimet që kanë marrë pensionistët nga partitë tjera, por shtoi se pensionistëve askush nuk ka të drejtë të ju premtojë diçka që është në të vërtetë mund i tyre dhe e drejtë absolute.

“Do të bëhem shërbëtor i të drejtës dhe pronës tuaj dhe se do të punojë shumë për të mirën e pensionistëve. Projektet tona do të lehtësojnë veprimtarinë tuaj ku edhe do të mundësojmë qendra rekreacioni me një përkujdesje të shtuar ku edhe do të ushtroni veprimtari të ndryshme dhe të shoqëroheni me njeri tjetrin me dinjitet”, tha Kizolli.

PK-ja gjatë takimit ka prezantuar edhe planin për shëndetësi dhe mirëqenie sociale me ç`rast ka premtuar ndërtimin e një shtëpie për pleqtë si dhe përfitimet e tjera si subvencionet në udhëtime rekreative. /PrizrenPress.com/

Kandidati i Lëvizjes Vetëvendosje! për kryetar të Prizrenit, Arbër Rexhaj, votën e 3 nëntorit ka filluar të kërkojë shtëpi për shtëpi. Ai sot ka qëndruar në lagjen e Susurve në fshatin Zhur.

Rexhaj tha se banorët e Zhurit vazhdojnë të jenë viktimë e mospërfilljes së pushtetit. “Tashmë bëhen 3 palë zgjedhje elektorale ku banorët e Zhurit, me qëllim të sigurimit të votave manipulohen vazhdimisht në emër të lokalizmave. Mirëpo zhurianët, tashmë më së miri e dijnë se prejardhja apo afërsia nuk garanton praninë dhe vëmendjen e pushtetarëve për të dhënë përgjegje për problemet e përditshme të qytetarëve”, tha Rexhaj.

Sipas tij, e drejta e votës është e drejtë e pa ndërmjetësueshme dhe e patjetërsueshme. “Ajo do të duhej ta shprehte vullnetin politik të secilit prej neve. Prandaj, ideja e votës për konceptin dhe programin politik duhet të triumfojë mbi idenë e votës mbi bazën e njohjes personale”, tha Rexhaj. /PrizrenPress.com/