Në Klinikën Infektive të QKUK-së, nga ethet hemorragjike të quajtura “krime kongo”, e të cilat shkaktohen nga pickimi i rriqrave vazhdojnë të jenë të shtruar pesë pacientë.

Mjeku Salih Ahmeti, ka potencuar për Kosovapress se gjendja e tyre për momentin është nën kontroll dhe se nuk janë në rrezik për jetën.

Krahasuar me ditët e kaluara Ahmeti pohon se tashmë ka filluar të normalizohet gjendja. Sipas tij, po që se nuk ndodh diçka e papritur, fundi i gushtit do të jetë edhe fundi i këtij sezoni sa i përket kësaj sëmundjeje.

Ndërkaq, edhe zyrtarë nga Instituti Kombëtar i Shëndetit Publik, kanë bërë të ditur se gjatë muajit gusht kanë angazhuar të gjitha mekanizmat, duke filluar nga Ministria Shëndetësisë, ajo e bujqësisë dhe kompanitë që merren me dezinfektimin e hapësirave, në mënyrë që ky muaj të kalojë pa viktima eventuale.

Ata apelojnë tek qytetarët që të shtojnë masat preventive, në mnëyrë që t’i ikin kontaktit me rriqrat, duke mbuluar pjesët e trupit gjatë punës nëpër fusha.

Marrë në përgjithësi vitet e pasluftës, ky vit ka qenë më fatali sa i përket vdekjeve nga ethet hemorragjike “krime kongo”, me gjithsej nëntë jetë të humbura. Vitin e kaluar nga po kjo sëmundje humbën jetën dy persona.

Të dhënat e para për sëmundjen e etheve hemorragjike apo “krime kongo”, në Kosovë, datojnë që nga vitit 1954, vit kur janë konfirmuar tri raste të vdekjeve. Nga viti 1954 deri më 1989 nuk ka të dhëna për këtë sëmundje. Ndërsa, nga viti 1889 është shfaqur në mënyrë permanente me shpërthime epidemike të herëpashershme, sidomos në vitin 1991, 1995, 2001 dhe 2005, kanë deklaruar infektologët kosovarë.

Sekretari i Përgjithshëm i PDK-së, Basri Musmurati ka thënë se PDK, përveçse do t’i ruajë komunat ku aktualisht qeveris, do të fitojë edhe komuna të tjera në zgjedhjet lokale të 3 nëntorit.

“Në të gjitha këto komuna ku deri më tash kemi qeverisur nuk e kemi problem fitoren. Përveç tyre, i kemi edhe disa komuna të tjera në të cilat kemi potencial për të fituar”, ka thënë Musmurati në këtë intervistë për “Epokën e re”.

Musmurati është shprehur i bindur në fitoren e PDK-së edhe në kryeqytet. “Për të fituar këtë komunë PDK-ja i ka gjasat shumë reale. Jam i bindur se do të fitojmë për arsye se kryetari i Komunës së Prishtinës, Isa Mustafa, nuk ka qeverisur mirë”, ka thënë Musmurati, duke shtuar se fitorja në Prishtinë do të arrihet pa koalicion me ndonjë parti tjetër. Ai ka bërë me dije se deri në mes të këtij muaji PDK-ja do t’i zyrtarizojë kandidatët për kryetarë komunash. Musmurati ka treguar se PDK-ja do t’i rikandidojë shumicën e kryetarëve aktualë edhe për një mandat qeverisës. Në këtë kontekst, Musmurati ka thënë se PDK-ja do të tregohet e kujdesshme me ata kryetarë të cilët janë nën hetime. Duke i komentuar deklaratat e zyrtarëve të Lëvizjes Vetëvendosje! kundër koalicionit me PDK-në, Musmurati ka thënë se PDK-ja nuk mërzitet pasi është parti e fortë. “Në asnjë mënyrë nuk na shqetëson ky fakt. PDK-ja nuk mërzitet për këtë. Edhe do të tjerë kanë thënë kështu, por pastaj kanë hyrë në koalicion me PDK-në”, ka deklaruar Musmurati.

Pasi nëntë persona humbën jetën si pasojë e etheve hemoragjike, që nxiten nga pickimi i rriqrave, Ministria e Shëndetësisë lansoi një reklamë që udhëzon qytetarët se si te mbrohen nga këto insekte. Deputetja, mjeke me profesion, Aurora Bakalli thotë se spoti i Ministrisë së Ferid Aganit është i vonuar. Ajo tha se Kosova ka probleme serioze me rriqrat dhe se është koha që ekzekutivi t’i hapë sytë dhe te marra masa parandaluese ndaj tyre.

Pikërisht në ditën kur humbi jetën edhe viktima e nëntë nga ethet hemoragjike, si pasojë e pickimit të rriqrave, Ministri i Shëndetësisë Ferid Agani në një tryezë me shoqërinë civile foli për arritjet e ekzekutivit për sigurimin e medikamentit që ndihmon pacientët e infektuar.

Derisa pohoi se është në dijeni se Kosova ka probleme me rriqrat.

Në anën tjetër një ndër ndihmat e pakëta që ka ofruar Ministria e tij këtë vit për qytetarët e Kosovës, që rrezikohen nga sëmundjet që bartin ato insekte është edhe një fushatë vetëdijësuese e cila po lansohet në televizonet nacionale.

Krejt kjo për Aurora Bakallin, mjeke dhe Deputete e Kuvendit të Kosovës është një hap i vonuar i ekzekutivit.,

“Ministria ka qenë e vonuar dhe është marrë me pasojat e jo me parandalimin”, tha ajo.

Bakalli në një bisedë për Express kritikoi Ministrin Agani dhe mosveprimet e tij lidhur me problemet të cilat tashmë dihen që Kosova i ka me rriqrat.

“Pikë së pari reklama mendoj që është e vonuar sepse vetëdijësimi i qytetarëve për sëmundjet që vijnë nga ethet hemoragjike, si pasojë e pickimit të rriqrave, është tejet i rëndësishëm, është dashur të fillojë qysh para sezonës duke e ditur që ka vende në Kosovë që e kanë probleme të mëdha”, tha Bakalli.

Por, edhe vetë reklama e vonuar sipas saj, nuk është zgjidhja adekuate e problemit që mori nëntë jetë muajt e fundit.

“Tash kjo reklamë që është hapi i vetëm i ndërmarrë, të cilën po shohim, ka ardhur vetëm pasi kanë pësuar disa viktima nga ethet hemoragjike. Popullata është dashur të vetëdijësohet se si të veprohet para se të ndodhë më e keqja”, shprehet Bakalli.

I vonshëm sipas saj është edhe sigurimi i medikamentit të quajtur “Ribavarin”, e që ndihmon pacientet e infektuar, nga ana e MSH’së.

Bakalli thekson se Qeveria është dashur qysh në sezonin pranveror të sigurojë këtë ilaç.

“Vetëm pasi kemi nëntë vdekje ministri Agani del dhe thotë përmes mediave që ky medikamnet është siguruar. Ky medikament është dashur të sigurohet prej fillimit duke e ditur që vendi jonë ka disa zona të prekura nga rriqrat që sjellin ethet hemoragjike”, tha ajo.

Bakalli ndër tjera pohoi se situata me rriqrat në Kosovë mbetet më tutje problematike dhe se për këtë gjë Ministria duhet të angazhohet që të paktën vitin e ardhshëm të mos ketë pasoja tragjike, duke lënë të kuptohet se këtë vit çdo veprim i ekzekutivit ka qenë i vonuar.

“Nuk duhet me qenë specialist i mjekësisë apo deputet me dit këtë. Vetë fakti që janë nëntë të vdekur flet mjaft. Ne kemi probleme me rriqëra., Por duhet që për vitin e ardhshëm të jemi më sycelë dhe më të gatshëm të parandalojmë tragjedi si këto që i kemi pasur këtë vit”, tha Bakalli për Express.

Ndryshe nga pickimi i rriqrave kanë vdekur vetëm për dy muajt e fundit nëntë persona të moshave të ndryshme. Zonat më të prekura edhe këtë vit si çdoherë tjetër janë Malisheva dhe fshatrat përreth Gjakovës.

Natalie Velijaj, shtetasja gjermane e dyshuar për kryerjen e një sërë veprash penale në Kosovë, dyshohet të ketë blerë edhe apartament me paratë publike të Kosovës. Për këtë shkak me kërkesë të Prokurorisë së EULEX-it është aplikuar masa e ngrirjes së përkohshme ndaj apartamentit të saj në lagjen “Lakrishte” në kryeqytet, shkruan Koha Ditore.

Megjithatë mbrojtja e Velijajt e cila dyshohet t’i ketë përvetësuar 1.4 milionë euro gjatë fazës së pagesave nga Ministria e Punëve të Brendshme kryente për kompaninë austriake OeSD, thotë që banesa nuk është blerë me paratë për të cilat ajo po hetohet.

Zëdhënësi i EULEX-it, Blerim Krasniqi. Ka bërë të ditur për gazetën se ky mision është duke zhvilluar një hetim të gjerë të këtij rasti.
“Për këtë arsye nuk mund të bëjë ndonjë koment të veçantë në lidhje me kërkesën e prokurorisë për ngrirjen e përkohshme të apartamentit të Natalie Velijajt”, ka shtuar Krasniqi.

Ai ka theksuar se aplikimi i masës së ngrirje së përkohshme të aseteve sipas neneve 264 dhe 265 të Kodit të Procedurës Penale, mund të realizohet atëherë kur një hetim është duke u zhvilluar dhe prokurori dëshiron të parandalojë transferimin apo tërheqjen e parave nga llogaria bankare, përderisa procedura penale të finalizohet dhe të përfundojë.
Nuhi Paçarizi, avokat i Velijajt, ka theksuar se Gjykata Themelore më Prishtinë ka lëshuar në korrik një urdhëresë [ër ngrirje të përkohshme të banesës së klientes së tij për një periudhë njëmujore