Vetëm gjatë periudhës 1 janar deri 20 maj të këtij viti, PK-ja ka identifikuar 26 viktima të trafikimit, nga të cilat 21 janë shqiptare nga Kosova, 1 serbe dhe 4 shqiptare nga Shqipëria. Kurse në periudhën janar- qershor të vitit 2012, Policia e Kosovës ka arrestuar 135 persona.

Tafikimi me qenie njerëzore mbetet çështje problematike dhe serioze, por edhe shqetësim serioz për vendin tonë. Brahim Sadriu, zëdhënës i PK-së ka thënë se sa u përket rasteve të trafikimit me qenie njerëzore, Drejtoria e Policisë së Kosovës – Drejtoria për hetimin e trafikimimi me qenie njerëzore vazhdimisht merret me trajtimin e këtyre rasteve.

Ai tha se PK-ja bashkëpunon edhe me inspektorët komunalë ose qëndrorë gjatë kontrollimit të lokaleve, pasi nëse kanë informacion se në lokale të caktuara postohen njerëz për të punuar dhe kryejnë një shërbim tjetër, me këtë rast ku ka informacion bastisen ato lokale dhe kontrollohet dokumentacioni i punës dhe i personave, që dyshohen se kryejnë veprimtari të prostitucionit.

Sadriu, ka shtuar se numri më i madh i rasteve janë rastet si marrje me prostitucion, ose aranzhim i shërbimeve seksuale kundrejt një pagese, dhe se këto raste gjithmonë shkojnë në prokurori me kryerës të njohur./KosovaSot/

Një tjetër shkollë në komunën e Malishevës nuk i plotëson standardet moderne për mësim. Javën e kaluar, KTV-ja ka raportuar për një shkollë në fshatin Damanek që është pothuajse e pashfrytëzueshme, por hiq më mirë nuk qëndron as shkolla “Nuhi Mazreku” në fshatin Guriq të Malishevës.

Nxënësit e kësaj shkolle gjatë tërë orarit mësimor rrinë zbathur. Këmbët e tyre, prekin në dyshemenë e ftohtë. Që prej viteve të 90-ta, kur është ndërtuar me kontribut të vet banorëve, në këtë objekt nuk është investuar asgjë, përveç që nganjëherë është gëlqerosur.

Ka plot 6 vite që banorëve u është premtuar ndërtimi i një shkolle të re dhe çdo herë me arsyetimin se ky projekt është në prioritet, por deri tash nxënësit e Guriqit po vazhdojnë të mësojnë në këto kushte.

Mësuesi Zenun Mazreku tregon disa probleme kryesore me të cilat ballafaqohet në këtë objekt të shkollës. Ushtruesi i detyrës së drejtorit, Xhevdet Mazreku, ka potencuar se realiteti me të cilin përballet ai dhe nxënësit është i rëndë. Ndërtimi i këtyre shkollave është prioritet, sipas zyrtarëve të komunës, por deri tash projekti i tyre ka mbetur vetëm në letër.

Kryeministri i Kosovës, Hashim Thaçi, nuk beson se ish-diplomati amerikan James Rubin, ka shkuar aq larg sa t’i këkrojë krehut të luftës që të largohet nga pushteti.Ai tha se mesazhi i Rubinit, është keqinterpretuar nga mediat. “Rubinin e kam mik. Ai në Kosovë ka ardhur me ftesën time. Deklarata e tij është keqinterpertuar nga mediat”, ka thënë Thaçi në Prizren.

Ish-diplomati amerikan James Rubin, në një intervistë për gazetën “Zëri” , ka thënë se duhet të vijë koha kur krahu i luftës do ta kuptojnë se është mirë të largohen nga pushteti, derisa janë ende të popullarizuar dhe të mos presin derisa është shumë vonë.

“Unë shpresoj që njerëzit të cilët kanë qenë aq të rëndësishëm për revolucionin tuaj, për lirinë tuaj e kanë mençurinë të largohen sa janë në majë të suksesit të tyre”, ka thënë Rubin.

Kryeministri i Kosovës, Hashim Thaçi, tha ndërkaq se ish-diplomati amerikan James Rubin ka dhënë një kontribut të jashtëzakonshëm për Kosovën. “Unë e falënderojë për kontributin që ka dhënë për Kosovën edhe gjatë luftës,por edhe pas luftës”.

Thaçi, të shtunën, ka qëndruar sërish në Prizren. Ai është takuar me partënerët e koalicionit të PDK-së nga radhët e minoriteteve. Ai ka kërkuar angazhim që me 1 dhjetor, bashkarisht të dalin fitues në Prizren. /PrizrenPress.com/

Vendimi i MMPH-së për rikthimin e fshatit turistik të Prevallës sipas planit rregullues urban, ka bërë që në këtë vend vizitorët të jenë të pakët. Megjithatë, afrimi i stinës së dimrit, ka rritur shpresat për frekuentim në Prevallë.

Në Fshatin turistik të Prevallës, ka ditë që ka pllakosur heshtja. E gjithë kjo po ndodh pas vendimit të Ministrisë së Mjedisit dhe Planifikimit Hapësinorë, që ndërtimet në këtë fshat turistik, të kthehen sipas planit urbanistik.

Në këtë ditë vikendi, dikur Prevalla e zhurmshme, është e zbrazur nga turistët dhe banorët e vilave. Të vetmit që, po mundohen të punojnë diçka, janë dy banorë nga fshati Gornoslellë, të cilët kanë nga një kioskë të vogël provizore dhe po i bëjnë gati ato për fillimin e sezonit turistik të dimrit. Muharrem Beqiri, thotë se qeveria më parë duhej t’i jepte përparësi ndërtimit të infrastrukturës së turizmit dimërorë e më pas të ndërtohej fshati.

Më 23 tetor të këtij viti, Ministria e Mjedisit, kishte shpërndarë në 120 vilat e ndërtuara në Prevallë, lajmërimet, që ato të rishikojnë lejet e ndërtimit, dhe vilat ti kthejnë sipas planit, pasi ndryshe ata do të rrënohen.

Ndërkaq, më datën 20 nëntor, Inspektorati i Ministrisë, i ka shpërndarë në Prevallë 23 vendime në secilin objekt veç e veç, duke përfshirë edhe dy restorante që, nuk kanë leje, duke urdhëruar kështu rrënimin e tyre nga vet pronarët. Sipas vendimeve të ministrisë nëse brenda një afati kohor prej 15 ditësh pronarët nuk i largojnë objektet e tyre pa leje, këtë do ta bëjë ministria dhe shpenzimet do t”i bartin vet ata,shkruan RTK.

Nëpërmjet telefonit, zyrtari për informim i Ministrisë, Kreshnik Berisha, thotë se ky dikaster, po vepron brenda planit rregullues urban të Prevallës.

Pos gjithë kësaj, Bajram Bajrami shpreson se me fillimin e reshjeve të borës, Prevalla do të ketë turistët e saj. Në fundin e muajit tetor, ministria e mjedisit rrënoi të gjitha objektet e kampit verorë të Prevallës, ndërsa tani kjo pjesë është pastruar dhe po shkon drejt rehabilitimit natyrorë.

Nënkryetari i PDK-së, Enver Hoxhaj, në rrjetin e tij social Facebook ka konfirmuar se PDK do të mbështes koalicionin AAK-LDD në Suharekë.

“Bashkë me kryetarin Thaçi kemi qëndruar në degën e PDK-së në Therandë. Ne kemi vendosur që në garën për balotazh në Therandë, të mbështesim kandidatin e koalicionit AAK-LDD, Bali Muharremaj”, ka thënë Hoxhaj.

Sipas tij, PDK tashmë i ka bërë thirrje elektoratit të që më 1 dhjetor të mbështesin kandidatin Bali Muharremaj.