Kandidati i PDK-së për kryetar të Prizrenit, Ramadan Muja është takuar me elektoratin e dhe strukturat e Nëndegës së PDK-së në lagjen “2 Korriku”

Muja tha se ‘treni’ i fitores së tij, me 3 nëntor ishte nisur në këtë lagje. “Ndihem mjaftë i privilegjuar që flas para jush pas fitores bindëse në 3 nëntor. Lagjia juaj tregoi një maturi dhe bëri zgjedhjen më të mirë dhe votoi vizionin evropian PDK-në. Me 3 Nëntor ne e mposhtëm rivalin politik vetëm falë jush dhe ju falënderoj për përkrahjen. Përkrahja të veçantë i shkon njërës nga kandidatet për Kuvendin Komunal znj.Luljeta Veselaj, e cila mori fuqinë legjitime dhe qytetare falë besimit mbi platformën politike dhe vizionare të PDK-së dhe të liderit të saj,kryeministrit të vendit z.Hashim Thaçit”.

Edhe nënkryetari i PDK-së Skender Sallauka tha se ‘treni’ i fitores së PDK-së me 3 nëntor ishte nisur në lagjen “2 Korriku”.

“Kam nderin dhe kënaqësinë të flas para jush ballëhapur për shkak se me 3 nëntor PDK-ja triumfoi me fitore bindëse. Treni i fitores filloi në Nëndegën “2 Korrikut”, ku ishte një bashkëpunim reciprok në mes strukturave të Degës dhe Nëndegës së “2 Korrikut””, tha Sallauka.

“Ne si Nëndegë e PDK-së të jemi mirënjohës për përkrahjen tuaj. Bashkëpunimi jonë rezultoi me një fitore bindëse ndaj rivalëve politikë”

Kryetari i PDK-së në Prizren, Minir Krasniqi tha se falë mbështetjes së kësaj lagjeje Ramadan Muja ka marrë 8 mijë vota më shumë se kundërkandidatët e tjerë.
“Ju falënderoj për mbështetjen e palodhshme të Nëndegës “2 Korriku”, ku falë besimit tuaj arritëm ta mposhtim rivalin tonë politikë me mbi 8.000 vota epërsi”. /PrizrenPress.com/

Lideri i PDK-së, Hashim Thaçi, i kthehet sërish qytetit të Prizrenit. Ai sot do të zhvillojë një takim me strukturat e PDK-së në këtë qytet.

“Takimi i Thaçit me strukturat e PDK-së mbahet në ora 18:00 në “Luxori” “, njoftoi zëdhënësi i PDK-së në Prizren, Samir Hoxha.

Thaçi, qytetit të Prizrenit, i kthehet  për të mbështetur në balotazh kandidatin e partisë së tij për kryetar, Ramadan Mujën./PrizrenPress.com/

Aleanca Kosova e Re(AKR) në Prizren, do të mbështet kandidatin e LDK-së për kryetar të Prizrenit, Eqrem Kryeziun në balotazhin e 1 dhjetorit. Koalicioni nënshkruhet sot në mes AKR-së dhe LDK-së. “ Ju ftojmë që të merreni pjesë në nënshkrimin e koalicionit të ri”, thuhet në njoftimin e LDK-së.

Përfaqësuesi për informim i LDK-së, Abdullah Thaçi tha se ky subjekt politik do të lidhë koalicion me AKR-në. “Koalicioni i ri sot do të lidhet me AKR-në”, tha Thaçi.

Kryetari i Degës së AKR-së në Prizren, Naser Bresa tha ndërkaq se nuk është në dijeni për këtë koalicion. “Nuk e di. Kryesia nuk ka marrë vendim. Vetëm nëse qendra ka marrë vendim për atë koalicion”, tha Bresa për “PrizrenPress”.

AKR-ja në Prizren, pat lidhë koalicion me PDK-në për të mbështetur kandidatin Ramadan Mujën në balotazhin e 1 dhjetorit. Dy ditë pas nënshkrimit, Presidenti i AKR-së, ka kërkuar që të prishet ky koalicion. / PrizrenPress.com/

Dy forcat më të mëdha politike në Prizren, PDK dhe LDK, të cilat në balotazh do të garojnë për të mbajtur apo rimarrë postin e kryetarit të qendrës së dytë për nga madhësia në vend, në llogaritë e tyre për sfidën elektorale të radhës, që edhe do të përcaktojë fatin e tyre për të qenë në pushtet apo opozitë janë mbështetur në partitë më të vogla dhe kryesisht në ato minoritare.

Gara për Prizrenin në balotazh do të zhvillohet në mes të Ramadan Mujës nga PDK që do të përpiqet ta mbaj pushtetin, si dhe Eqrem Kryeziut nga LDK që po synon ta rikthej pushtetin e humbur po në balotazh dhe nga Muja, me 2007.

Për dallim nga PDK që partner ka dy të dyja subjektet turke, KDTP dhe KTAP, që kanë një elektorat i cili përgjigjet pjesëmarrjes në votime, dhe poashtu kanë koalicion edhe me subjekte boshnjake dhe rome.

Pos subjekteve shqiptare edhe boshnjake, LDK në koalicion nuk ka asnjë subjekt turk.

Në rrethin e parë Muja i PDK-së par marrë më shumë apo 37 për qind të numrit të votave, ndërsa rivali i tij Kryeziu mori 25 për qind.

Nga tabela e publikuar, në ëeb faqen e Qendrës së Numërimit të Votave për Kuvendin Komunal , del se partia që më së shumti mori vota, PDK-ja në organin më të lartë lokal siguroi 11 këshilltarë, ndërsa pas vijnë LDK-ja me 10, Bashkimi Demokratik dhe koalicioni AAK-LDD nga 4, Lëvizja Vetëvendosje dhe KDTP ( Partia Demokratike Turke) nga 3 vende. Partitë boshnjake NDS dhe VAKAT kanë nga 2 këshilltarë, ndërsa me nga një këshilltar do të përfaqësohen Partia Konservatore e Kosovës, Aleanca Kosova e Re, Partia e Drejtësisë, Nisma Qytetare për Prizrenin, Partia turke KTAP (Kosova Turk Adalet Partisi) si dhe ajo e komunitetit boshnjak CDU (Centar Demokratske Unije).

Partia që doli si më e votuara në zgjedhjet e fundit PDK, e që prej gjashtë vitesh mban qeverisjen lokale, në balotazh do të ketë krah saj koalicionin AAK-LDD dhe Ballin Kombëtar nga radhët e subjekteve shqiptare si dhe disa sosh nga ato të minoriteteveturke e boshnjake. Në këtë tabor poltik janë edhe dy partitë turke KDTP ( Partia Demokratike Turke) e KTAP, ndërsa nga boshnjakët pjesë e tyre janë Vakat, NDS, CDU, si dhe subjektet rome PREBK.

Partia që në zgjedhjet e fundit u radhit e dyta për nga votat e marra, LDK që pas humbjes së pushteitt në vitit 2007 ka qëndruar në opozitë, tashmë ka lidhur kolaicion me BD (Bashkimin Demokratik) që ka qendrën në Prizren.

Këtij subjekti, për në balotazh po ashtu i janë bashkuar edhe disa parti më të vogla, të minoriteteve si SDA -boshnjake, Partia e Integruar e Ashkalinjeve edhe nje Grup i Qytetareve boshnjak të udhehequr nga Abaz Ademi, i cili gjatë fushatës parazgjedhore ishte në listen zgjedhore të NDS-it, të Emilia Rexhepit, që përkrah PDK-në.

Derisa Lëvizja Vevendosje dhe Partia Konservatore në Prizren janë deklaruar se do të mbajnë qëndrim neutral në balotazh, AKR- ka shkaktuar paqartësi në vetë deklarimet e zyrtarëve të saj në qendër, të cilët në njëherë kanë deklaruar se do të qëndrojnë të panashëm në garën e balotazhit, ndërsa më vonë janë dëgjuar zëra se ky subjekt, që veç pat nënshkruar koalicion me PDK-në, tash do t’i afrohej LDK-së.

Sido që të jetë gara për zgjedhjen e kreut të Prizrenit, për katë vitet e arshme do të jetë mjaft interesante, aq më tepër kur dihet se në “lojë” qoftë edhe prapra skenës duket të jetë inkuadruar edhe deputeti Fatmir Limaj, i cili si përkrahës i Iniciativës për Malishevën, së fundi ka shpeshtuar takimet me kryetarin e BD-së Zafir Berishën./Zëri/

KEDS Sh.A. njofton se të premten, më 22 nëntor, në nënstacionin NS 110/35/10 kV Vitia, nga i cili furnizohet me tension edhe NS 35/10 kV Kllokoti, do të ketë shkyçje totale prej orës 10:00 deri në orën 14:00. gjatë kësaj kohe do të mbesin pa furnizim me energji elektrike qyteti i Vitisë, fshatrat Pozheran, Sllatinë e Ulët, Sllatinë e Epërme, Sadovinë e Muhaxherëve, Tërstenik, Novosellë, Ramjan, Kllokot, Radivojc, Budrikë, Remnik, Xhylekarë, Zhiti, Tërpezë, Çifllak, Devajë, Kravaricë, Ballancë, Lubishtë, Podgorc, Gërnçar, Vërboc, Stublla, Goden, Kabash, Drobesh, Smirë, Sadovinë e Jerlive, Gërmovë, Vërban, Gushicë, Ramnishtë, Mogillë, Beguncë, Lubishtë, Shashare, Letnicë, Vërnakollë , Kabash, Binça, Shoshikë, Buzovik dhe Debëlldeh, Fabrika “VINEX”, Fabrika e ujit “ Uje Kllokoti”, Fabrika e ujit “Jeta”, Fabrika e ujit “Ujë i Mirë”, Banja “Nana Naile” dhe “Banja e Kllokotit”.

Të premten pa energji elektrike nga ora 11:30 e deri në 12:00 nuk do të kenë rrymë elektrike lagjet e Rahovecit Arbana, Hatmaxha, Landovica, Tupeci, Gjonaj, Zymi dhe Karashëngjergji, kurse nga gjysmë ore më vonë do të shkyçet nga rrjeti elektrik edhe Printeksi i Prizrenit. Rruga e Nashecit do të jetë pa furnizim nga 12:30 deri në 13:00, ndërsa një gjysmë ore më vonë pa energji elektrike do të mbeten mbesin Atmaxha, Bregdrini, Lukinaj, Dedaj, Lubizhda e Hasit, Kushnini i Hasit, Kabashi i Hasit, Romaja, Mazreku, Kojushi, Nasheci, Grazhdaniku, Kobaja, Vlashja dhe Poslishti, ABI (Pemëtaria) nuk do të ketë energji nga 13:30 deri në orën 14:00, kurse pa rrymë do t jenë edhe ndërmarrjet Abi, Elifi, Fruktusi.

Zëvendëskryeministrja Edita Tahiri, njëherësh kryenegociatore e dialogut teknik, ka bërë me dije të enjten se procesi i dialogut me Serbinë do të vazhdojë deri në zbatimin e plotë të të gjithë marrëveshjeve të arritura.
Ajo ka thënë se përfundimi i procesit të dialogut do të rezultojë me njohjen e Kosovës nga Serbia.

“Përfundimi i këtij dialogu, sipas mendimit tim, do të rezultojë me njohjen e pavarësisë së Kosovës nga ana e Serbisë”, ka theksuar Tahiri.

Ajo ka bërë me dije se më 25 nëntor do të fillojë një aspekt i rëndësishëm i bashkëpunimit në mes dy shteteve në fushën e IBM-it: këmbimit në mënyrë elektronike i informacioneve lidhur me mallrat dhe kompanitë tregtare. /Epoka e Re/

Ish-ndihmës sekretari i Shtetit të SHBA-së për marrëdhënie me publikun, James Rubin, vazhdon vizitën në Kosovë, ku do të jetë i ftuari i nderit dhe folësi në Gala mbrëmjen e Fondit Kosovaro Amerikan për Edukim “A Fireside Chat with Jamie Rubin”.
Ndërkohë, dje Presidentja Jahjaga në nderim për kontributin, veprimtarinë dhe angazhimin në afirmimin e çështjes së Kosovës, e dekoroi James Rubin me Medaljen Presidenciale të Meritave.

Rubin ka thënë se Kosova ka shënuar një përparim të madh ndër vite dhe ajo po tregohet si një rrëfim i suksesit të përbashkët.

Ai ka vlerësuar progresin që po arrihet në Kosovë, duke shprehur besimin e tij të fuqishëm për forcimin e mëtutjeshëm të shtetësisë dhe demokracisë në Republikën e Kosovës.