Zëvendëskryetari i Partisë Demokratike të Kosovës (PDK), Kadri Veseli dhe ministri i Punëve të Jashtme, Enver Hoxhaj, e kanë shoqëruar kandidatin për kryetar të komunës së Therandës, Ramë Vataj, në një tubim elektoral në Mushtisht.

Duke folur para qytetarëve të shumtë të Mushtishtit, Kadri Veseli tha se therandasit kanë arsye shumë të forta për ta votuar kandidatin e PDK-së, Ramë Vatajn, për shkak se, siç tha ai, familja Vataj është dëshmuar për atdhedashuri, për sakrifica dhe për shtetndërtimin dhe
shtetformim e Kosovës.

“Zoti Ramë Vataj e ka përkrahjen e fuqishme të forcës më të madhe politike në Republikën e Kosovës, është njeriu i cili është mik personal dhe ka përkrahjen e parezervë të njeriut më të fuqishëm të Kosovës, kryeministrit Hashim Thaçi”, tha Veseli.

Në këtë tubim me banorët e shumtë të Mushtishtit, ka folur edhe ministri i Punëve të Jashtme, Enver Hoxhaj, i cili tha se qëllim i PDK-së nuk është që vetëm ta merr pushtetin në Therandë, por që ta zhvillojë atë, duke u mbështetur në projektet integruese evropiane të agjendës qeveritare të Kosovës. “Për këtë arsye ne e kemi vendosur Ramë Vatajn si kandidatin më të mirë të PDK-së.

Prandaj, që ta kemi një Therandë evropiane, ju ftoj që ta votoni numrin 99 dhe Ramë Vatajn”, tha ministri Hoxhaj,transmeton indeksonline.

Gjatë këtij tubimi për kryetar të Therandës, Ramë Vataj, e ka shpalosur programin elektoral “Theranda Evropiane”, duke premtuar projekte investive në fushë të infrastrukturës dhe në zhvillim të bujqësisë në Mushtisht. Vataj tha se programi “Theranda Evropiane” përfshin realizmin e projekteve prioritare për nevojat e të gjithë therandasve, dhe nga ky program askush nuk do të dal i diskriminuar.

“Programi ynë është gjithëpërfshirës, i hartuar mbi bazë të nevojave që kanë qytetarët e komunës së Therandës, si në bujqësi, programe për rininë, kulturën, infrastrukturën rrugore dhe shkollore, për shëndetësinë etj. Shpreh bindje të plotë duke garantuar se këto prioritete do të realizohen shumë shpjet, me punën e përkushtuar të ekipit tim dhe nga mbështetja e fuqishme që do ta kem nga Qeveria”, tha Vataj.

Kandidati i koalicionit AAK-LDD për kryetar të Prizrenit, Lulëzim Kabashi është takuar me banorët e Zymit, Shëngjergjit dhe Bregdrinit.

“Ne jemi subjekti i vetëm deri më tash, që e dijmë rrugën kah do të shkojmë gjatë katër viteve të ardhshme dhe ku do të koncentrohemi më shumë “, tha Kabashi.Ai përmendi ligjin për Zymin, investimet të cilat do të bëhen në këtë fshat, dhe rëndësinë të cilën do ta ketë Zymi.

“Qeverisja nacionale dhe lokale do të jenë në dispozicion të zymjanëve, dhye insistimi nuk do të mungojë që vlerat e këtij fshati të proklamohen edhe më gjerë.Programi jonë për qeverisjen e ardhshme katarë vjeçare është i fokusuar në zhvillimin ekonomik dhe në punësimin e sa më shumë të të rinjëve, jemi fokusuar në katër sektorë të rëndësishëm të ekonomisë, funksionalizimin e zonave industrial, investimet në bujqësi, turizëm dhe ndërtimtari”

I pranishëm në këtë tubim zgjedhor ishte edhe deputeti i Parlamentit të Kosovës nga radhët e AAK-së Daut Haradinaj. “ Zymi është zemra e Kosovës, sepse ka shume vlera historike e kulturore, ka shumë rëndësi për Kosovën, por me theks të veçantë ka shumë rëndësi për Prizrenin “, tha Haradinaj.

Kryetari i Degës së AAK-së në Prizren Fatmir Kastrati tha se gjatë katër viteve të ardhshme, Prizreni do të udhëheqet nga koalicioni AAK-LDD, dhe Lulzim Kabashi do të jetë kryetar i Komunës së Prizrenit./PrizrenPress.com/

Kandidati i PDK-së,për kryetar të Prizrenit, Ramadan Muja, në kuadër të fushatës zgjedhore është takuar me banorët e fshatit Kushnin të Hasit, Kobajë dhe lagjen “2 Korriku”. Ai në të tri takimet ka kërkuar që të me 3 nëntor të votohet PDK-ja.

“Shembulli më i mirë se PDK-ja ka bashkëqeverisur me qytetarët është fakti i investimeve në Has, e në veçanti në Kushnin, ku edhe pse në këtë fshat qytetarët katër vite me parë kanë votuar për LDK-në, përkujdesja e pushtetit lokal nuk u ka munguar. Madje është investuar më shumë se në fshatrat tjerë ku ka fituar PDK-ja”, tha Muja.

Ai ka kërkuar që banorët e Kushninit, si edhe banorët e fshatrave tjerat Hasit këtë herë të mos hamenden, por të përcaktohen drejtë ,, pra të votojnë për PDK-në, sepse PDK-ja do të jetë fituese e pse këta banorë të mbesin pa kontribuar në këtë fitore”.

Ndërkaq Ministri i Punëve të Jashtme të Kosovës, Enver Hoxhaj, tha se hasjanët nuk duhet të mashtrohen nga premtimet e LDK-së. “ LDK-ja as sot nuk mund ta merr komunën e as nesër Kosovës, sepse PDK-ja tashmë ka dëshmuar se ka vizion për Kosovën dhe ka vizion për mirëqenien e secilit qytetar të saj”.

Kandidati për Asamblenë Komunale.dr. Halil Cikaj ka kërkuar që me 3 nëntor të gjithë hasjanët të votojnë për PDK-në. Sipas tij, hasjanët kanë shumë arsyje që të votojnë PDK-në. “ PDK-ja ka realizuar shumë investime në Has”, tha Cikaj.

Kandidati i PDK-së për kryetar të Prizrenit, Ramadan Muja në kuadër të fushatës zgjedhore është takuar edhe me banorët e lagjes “2 Korriku”. “ Jam nderuar që flas para kësaj lagjeje mjaft të organizuar. Kemi bërë punë të mira, por mbetet ende për të bërë në mandatin e tretë.Ju premtoj se në mandatin e ri do të bëj invenstime kapitale dhe ju kërkoj që më datën 3 nëntor të votoni PDK-në.”

Kandidatja për Asamblenë Komunale Luljeta Veselaj, tha se treni i fitores do të niset nga “2 Korriku”. “Nga prezenca e juaj kaq e madhe shihet simpatia për PDK-në. Në këtë takim e shoh fitoren e madhe të PDK-së. Treni i fitores niset nga “2 Korriku”. /PrizrenPress.com/

Kandidati i PDK-së për kryetar të Komunës së Prizrenit, Ramadan Muja ka mbajtur një takim me përfaqësuesit e shoqatave të dala nga lufta dhe të burgosurve politikë.

Muja tha se po të mos ishte lufta e lavdishme e UÇK-së Kosova nuk do të ishte këtu ku është sot. “Vlerat e luftës kanë qenë dhe do të mbesin burimi i energjive të reja për ta zhvilluar dhe ndërtuar vendin. Ne jemi munduar që të jemi afër çdo familje që ka kontribuar për çlirimin e Kosovës, por nuk kemi bërë sa duhet, andaj mbetet detyrë e jona që të angazhohemi edhe në të ardhmen”.

Ai tregoi se këtë vit Komuna e Prizrenit, ka ndarë 82 banesa për familjarët e dëshmorëve. “Vitin e ardhshëm do të ndajmë edhe 75 banesa për familjarë të dëshmorëve dhe do të vazhdojmë edhe për kategoritë tjera të luftës”

Nënkryetari i PDK-së, Kadri Veseli, ndërkaq tha se ndijehet krenar që me bashkëluftetarët po e ndërton shtetin e Kosovës. “Unë ndihem krenar që dje ishim së bashku në luftë dhe sot jemi së bashku në ndërtimin e shtetit.

Pjesëmarrja e juaj kaq masive në këtë fushatë elektorale, në mbështetje të PDK-së dhe vizionit të saj, është dëshmi se ne e kemi të ardhmen e sigurt”, tha Veseli.

Ai tha se PDK-ja ka respekt për kategoritë e luftës. “PDK-ja si forca më e madhe politike, më shumë se kurrë ka nevojë për përkrahjen tuaj, jo për ta marrë pushtetin, por për t’i realizuar idealet e luftës së shenjtë”. Sipas tij, PDK-ja është adresa dhe zëri që vazhdon rrugën drejt synimeve./PrizrenPress.com/

Lidhja Demokratike e Kosovës dega në Rahovec ka mbajtur një tubim elektoral me banorët e fshatit Krushë e Madhe. Kryetari i degës së LDK-së në Rahovec, Nahit Elshani, tha se po kthehet koha Ibrahim Rugovës.

“Nga ky tubim madhështor po tregohet se po kthehet koha e Presidentit historik Dr. Ibrahim Rugova, dhe se vetëm me votën e juaj për LDK–në do bëhet ndryshimi në Komunën e Rahovecit”, tha ai.

Kurse, kandidati për kryetar të Komunës së Rahovecit, Fahredin Shehu, tha se me 3 nëntor do t’i themi të keqës, mjaft, dhe do të sjellim një qeverisje demokratike. “Me 3 nëntor do t’i themi të keqës mjaft. Ne nuk jemi sundimtarë, por do e sjellim një qeverisje demokratike, ashtu siç e ka pasur dhe e ka LDK–ja”, tha ai.

Gjithashtu, Shehu ka demantuar kundërshtarët e tij, duke thënë se nuk ka dhënë dorëheqje nga LDK-ja.

“Nuk kam dhënë dorëheqje, siç është përfolur sot nga kundërshtarët tanë, por do të jem i LDK–së dhe i banorëve të Rahovecit, jo veç për 4 vite, por për 8, dhe se këtë nuk e bëj për inat të dikujt, por për hatër të popullit”, tha Shehu.

Të pranishëm në këtë tubim ishin edhe figura të larta të LDK-së, si Avdullah Hoti, Azem Hajdari, Arben Gashi, Haki Latifi etj.

Anëtari i kryesisë së LDK-së, Avdullah Hoti tha se që nga e diela, Shehu do të jetë kryetar i Rahovecit. “Që nga e diela, Shehu do jetë kryetar i Komunës së Rahovecit. Ne do qeverisim me komunat, ne do qeverisim me Kosovën”, tha Hoti.

Kurse, anëtari tjetër i kryesisë së LDK–së, Azem Hajdari, tha se Krusha e Madhe ka merita të mëdha për të tashmën e Kosovës dhe për të ardhmën e saj. Sipas tij, ndryshimi për Rahovecin gjendet në kandidatin e LDK-së për kryetar Komune, Fahredin Shehu.

“Me këtë kandidat krenohet jo vetem Rahoveci, por e tërë Kosova, sepse është një person që sa e më shumë po stoliset me medalje – mirënjohje nga shtete të ndryshme të botës, e që së shpejti do nderohet me një mirënjohje për shkrimet e tij edhe nga Filipinet”, tha Hajdari.

Ndërkaq, deputet i LDK–së në Parlamentin e Kosovës, Arben Gashi, tha se Krusha e Madhe ka sakrifikuar shumë për Kosovën, dhe se prap është forca që do ta bëj ndryshimin në qeverisjen e Komunës së Rahovecit.

Ai tha se Rahovecit dhe Kosovës i duhet një qeverisje që do ta kthej dinjitetin në tërë vendin, që do ta largoj korrupsionin, shantazhet, kriminalitetin etj.

“Shehu e ka përkrahjen e LDK–së, dhe së bashku do arrijmë të qeverisim ndryshe. Ne nuk do japim nga 500 euro subvencione vetëm një herë në katër vite, siç po bëjnë të tjerët, ndërsa për vitet e tjera rrushi dhe perimet kalben në fushë, por ne do ofrojmë mënyra ideale që bujqit të kenë hapësira për shitje të prodhimeve të tyre”, tha Gashi./PrizrenPress.com/

Kandidati i Lëvizjes Vetëvendosje! për kryetar të Prizrenit, Arbër Rexhaj, ka mbajtur një tubim me banorë të lagjes “Tusus”.

Rexhaj u bëri thirrje qytetarëve të analizojnë me objektivitet dhe kujdes alternativat që u janë paraqitur pasi shumë prej tyre fyejnë intelegjencën e qytetarëve me kursin e politikave të deritanishme që kanë qenë më tepër zhvatje dhe korrupsion.

“Lëvizja Vetëvendosje! prezanton një alternativë të detajuar dhe të formuluar me kujdes, me qëllim që të sjellë ndryshimin në Prizren, nëpërmjet një menaxhimi të mirëfilltë të ekonomisë, arsimit e shëndetësisë”, tha Rexhaj. Ai theksoi nevojën e ndërtimit të shkollave të fillore e të mesme, për t’u hequr fshatrave dhe periferive kostot e udhëtimit drejt qytetit. Sipas tij, depolitizimi i shkollave i hap rrugën profesionalizimit të mësimdhënies.

Përsa i përket problemit të ujit në Prizren, Rexhaj siguron se mjafton menaxhimi i mire i burimeve të qytetit, duke u shtuar këtyre edhe dy burime të tjera nëpërmjet shpimeve në Potslisht dhe Vërnicë.

I pranishëm në këtë tubim ka qenë edhe deputeti i Kuvendit të Kosovës, Rexhep Selimi, i cili tha se Lëvizja Vetëvendosje! është ajo alternativë që zgjedhjet i kthen në zgjidhje.

“E vetmja gjë që ju premtojmë është se ne do ta mbrojmë votën tuaj, mirëpo kjo nuk mjafton. Nëse ju nuk dilni në zgjedhje, ne nuk kemi çfarë të mbrojmë. Vota mbrohet me prezence, vota mbrohet duke mos e pranuar korrupsionin, pra duke mos e shitur votën. Prekja e votës është krim, sepse është prekje e vullnetit të qytetarit”, tha Selimi.

Selimi u shpreh kundër ‘privatizimit të kahut të luftës’, siç e quajti ai, pasi krahu i luftës nuk i takon asnjë partie politike, por i takon popullit.

Ai tha se përballë korrupsionit dhe gjendjes aktuale politike, Arbri nuk është vetëm, por është një administratë e tërë që nëpërmjet alternativës qeverisëse synon ndryshimin.

“Ne kemi ardhur të marrim detyra, dhe këto detyra mund të na i jepni vetëm ju, në datën 3 nëntor”, tha Selimi.