Fatmir Limaj ka vazhduar aktivitetin zgjedhor në fshatrat e Malishevë. Ai mbrëm është takuar me banorët e fshatit Llapqevë, Panorc dhe Rud.

Hapësirat ku janë mbajtur takimet nuk kanë mjaftuar për t’i zënë të gjithë përkrahësit e Limajt. “Unë kërkoj votën e besim, e jo të shantazhit”, ka thënë Limaj.

Ai ka ftuar të gjithë banorët e këtyre fshatrave që me 3 nëntor të votojnë për IQPM-në dhe kandidatin për kryetar të Malishevës, Ragim Begaj. Ai ka premtuar se  ndryshimi i vendit, do të fillojë nga Malisheva. /PrizrenPress.com/

Kandidati i PDK-së për kryetar të Prizrenit, Ramadan Muja, në kuadër të fushatës zgjedhore është takur me përfaqësuesit e biznesit dhe afaritëve të Komunës së këtij qyteti.

Ai tha se qeveria lokale në Prizren, gjatë këtij mandati ka ulur taksat për të rritur punësimin.”Ndërsa në mandatin e ardhshëm të gjitha veprimtarit prodhuese do lirohen nga taksat komunale”, premtoi Muja.

“Sigurisht që me pagesat e taksave mbahet shteti, shtrohen rrugët, hapen shkollat, paguhen mësuesit, mjekët, policët etj. Ulja e taksave dhe heqja e tyre, ka qenë një tjetër hap i madh i qeverisë lokale që ndihmoi në rritjen e punësimit”.

Muja tha se punësimi është prioriteti i Qeverisë dhe Partisë Demokratike të Kosovës. “Gjatë mandatit që lam pas kemi krijuar parakushte të favorshme për invesitorët e huj dhe janë punësuar shumë qytetarë të Komunës sonë”.
Për mandatin e tretë, Muja ka projekte të cilat do të ndikojnë në zhvillimin ekonomik .

“Teleferiku për në Kalanë e qytetit të Prizrenit është njëri ndër projektet atraktive, i cili do ndrëtohet me partëneritet publiko –privat. Ky projekt do t’i sjell përfitime të shumta ekonomisë së qytetit tonë dhe do të zhvillojë turizmin kulturor në komunën tonë”

Muja tha se sektori i bujqësisë, do jetë pikë e veçant e programit. “Zona industriale, infrastruktura e së cilës është duke u rregulluar nga buxheti komunal, do të jenë një tjetër mundësi e zhvillimit të biznesit në komunën tonë, pasi që sipërfaqja prej 84 hektarësh shumë shpejt do të fillojnë t’iu ndahen sipërmarrësve të Komunës sonë dhe invesitorëve të huaj”.

Nënkryetari i PDK-së, njëherësh Ministër i Punëve të Jashtëme të Republikës së Kosovës Enver Hoxhaj ka thënë se Muja e ka vizionin për ta qeverisur komunën e Prizrenit .

“Andaj e ka dhe do ta ketë mbështëtjen e plotë dhe të fuqishme të Qeverisë së Republikës së Kosovës dhe të Kryeminitrit Thaçi”./PrizrenPress.com/

Partitë politike që marrin pjesë në garën zgjedhore për zgjedhjet lokale të 3 nëntorit deri më tash kanë parashtruar plot 158 ankesa pranë Panelit Zgjedhor për Ankesa dhe Parashtresa (PZAP) për shkelje të shënuara gjatë fushatës elektorale.

Ajo që më së shumti ka depozituar ankesa për shkelje të rregullave të “lojës” nga partitë politike është Lëvizja “Vetëvendosje” me gjithsejtë 58 ankesa, pasuar nga Lidhja Demokratike e Kosovës me 44 ankesa, Partia Demokratike e Kosovës me 28 ankesa, pastaj Partia e Ashkalive për Integrim ka parashtruar 10 ankesa, Aleanca Kosova e Re me vetëm 5 ankesa ndërkaq Partia Liberale Serbe (SLS), ka dorëzuar 6 ankesa etj, shkruan “Zëri”.

158 ankesa të partive politike

Ankesat e partive politike që garojnë në zgjedhjet komunale që do të mbahen këtë të diel, kryesisht kanë të bëjnë me grisje të afisheve të kandidatëve për kryetar të komunave.

Derisa na ndajnë vetëm edhe pesë ditë nga dita kur do të mbahen zgjedhjet komunale, Mulë Desku, kryesues i Sekretariatit të Panelit Zgjedhor për Ankesa dhe Parashtresa (PZAP-it) i ka konfirmuar gazetës “Zëri” se nga fillimi i fushatës elektorale e deri më tash paneli ka pranuar 35 apele dhe 158 ankesa me gjithsej 193 parashtresa qe lidhen me procesin zgjedhor të 3 nëntorit.

Sipas tij, nga 158 ankesa sa janë paraqitur, 53 sosh janë miratuar, ndërkaq janë refuzuar 42 të tjera , kurse 52 të tjera janë tërhequr, derisa 2 ankesa i janë dërguar Këshillit të Pavarur të Mediave.

Ai ka njoftuar se nga 35 apelet sa janë dorëzuar, vetëm 2 janë miratuar, 4 tjera janë refuzuar, ndërkaq janë hedhur poshtë si të palejuara 28 apele.

Ish të burgosurit politikë janë në pritje të një vendimi përfundimtar të Qeverisë për kompensim me mjete materiale. Kryetar i Komisionit ndërqeveritar për njohjen e statusit të ish të dënuarve dhe ish të përndjekurve politik, Hydajet Hyseni gjatë një interviste për Tribunën ka thënë se organi që ai e drejton ka kryer punën e vetë, dhe se tash, sipas tij, gjithçka është në dorën e ekzekutivit. “Vendimin përfundimtar për këtë çështje e merr Qeveria.

Komisioni mund vetëm të bëjë një propozim dhe në këtë drejtim komisioni e ka kryer punën e tij në bazë të dispozitave në fuqi”, ka thënë Hyseni. Ai ka shpjeguar se si komisioni ka qenë në bashkëpunim të vazhdueshëm me institucionet kompetente për çështjen e përcaktimit të shumës së kompensimin.

”Ne kemi qenë në konsultim të vazhdueshëm edhe me Qeverinë edhe me Fondin Monetar Ndërkombëtar dhe ky është përfundim i përbashkët se buxheti mund të përballoj këtë kërkesë”, ka thënë Hyseni. Si drejtues edhe i Shoqatës së ish të burgosurve politik ka pasur edhe vërejtje për formë se ligji i trajton këto palë kur bëhet fjalë te kompensimi. Ai ka thënë se nuk është e njëjtë vlerësimi për dënime politike me vepra tjera të dënuara padrejtësisht siç precizohet në ligjin aktual.

“Është minimalja, do të thotë aq sa dënohet dikush për çfarëdo vepre dhe që vlerësohet se është dënuar pa të drejtë do të kompensohet, ndërsa e njëjta parashihet edhe për ish të dënuarit politikë. Unë besoj se objektivisht kjo është padrejtësi ndaj ish të burgosurve politikë sepse nuk mund të krahasohet burgu politik me tortura, anë e kënd Jugosllavisë së atëhershme me vendime tjera, por megjithatë kështu e thotë ligji”, ka thënë ai.

Deputeti i PDK-së, Hyseni, gjatë kësaj interviste ka folur edhe për formën se si ka shkuar procesi i aplikimit dhe regjistrimit të ish të burgosurve. “Është organizuar një fushatë e evidentimit të të burgosurve me një projekt në bashkëpunim me “Caritasin” italian. Në bazë të kësaj, janë bërë edhe disa përllogaritje preliminare, ndërsa më vonë pastaj është vendosur që të nisë procesi i aplikimit dhe realizimit.

Në këtë rast janë ftuar ish të burgosurit politikë që të aplikojnë. Ky numër është rritur dhe kjo natyrisht ka ndodhur sepse janë bindur se kjo po realizohet. Megjithatë, është në suazat e asaj që ishte vlerësuar në fillim se është e përballueshme për buxhetin e Kosovës”, ka vlerësuar Hyseni.

Kandidati i Lëvizjes Vetëvendosje! për kryetar të Komunës së Malishevës, Alban Krasniqi, ka shpalosur Alternativën qeverisëse lokale përpara banorëve të fshatrave Panorc dhe Rud.

“Përveç transparencës dhe përgjegjshmërisë në bashkëqeverisje, drejtësisë në administratë, subvencioneve në bujqësi, profesionalizmit në shëndetësi, dijes në arsim, përkrahjes sociale dhe zhvillimit të jetës kulturore, ne do të shfrytëzojmë çdo hapësirë dhe mundësi për ta funksionalizuar një mrekulli të natyrës në këtë zonë, siç është Ujëvara, dhe për t’i kthyer fshatrat Panorc, Rud dhe Llapçevë në fshatra turistikë”, u shpreh Krasniqi.

Ai tha se keqqeverisja e pushtetit në ikje ndihet kudo, sepse vetëm keq kanë mundur dhe ditur të bëjnë, prandaj është një domosdoshmëri shoqërore për t’u dhënë dënimin e merituar me votë.

Duke u bërë apel banorëve të fshatrave Panorc e Rud për mbështetje në zgjedhje dhe ndihmë për bashkëqeverisje, Krasniqi u zotua se “pas fitores së Lëvizjes Vetëvendosje! dhe qytetarëve në Malishevë, unë nuk do të jem thjeshtë kryetar i Komunës, por mbi të gjitha bashkëpunëtori juaj më i madh”.

Nërkaq, bartësi i listës për Asamble, Muhamet Bytyçi, tregoi të gjitha padrejtësitë shoqërore të shkaktuara nga pushteti aktual në Malishevë, si dhe qëndrimin koherent të Lëvizjes Vetëvendosje! kundër tyre, duke i denoncuar publikisht dhe juridikisht.

“Deri më sot kemi mundur të përballemi me të keqen dhe ta demaskojmë atë. Tani e tutje, me mbështetjen tuaj në zgjedhje dhe ndihmën në bashkëqeverisje, do t’i ndalojmë njëherë e mirë këta hajna që po na çojnë në humnerë, dhe ta kthejmë Malishevën e Kosovën drejt zhvillimit”, u shpreh Bytyçi. /PrizrenPress.com/

Kryetari i Komunës së Prizrenit, njëherësh kandidat për mandatin e tretë nga radhët e PDK-së, Ramadan Muja, ka vizituar realizimin e punimeve të projektit të rrugës së transitit të vjetër. Ky projekt kapital kalon vlerën prej tre milionë euro.

Gjatë vizitës së punimeve kryetari Muja, është shoqëruar nga drejtori i Shërbimeve Publike, Hasan Hasani.

“Rruga e cila është duke u ndërtuar, është njëra ndër projektet kapital të rëndësisë së veqant, është një rrugë me standarde të larta evropiane, e cili pas përfundimit të saj me planin dinamik është parapar të përfundohet në vitin e ardhshëm do të ndikoj dukshëm në shkarkimin e qarkullimit të komunikacionit në qytetin e Prizrenit”, tha Muja.

Gjatë kësaj faze janë realizuar mbi 80 % e punimeve të vrazhda, ku ështëinstaluar infrastruktura nëntokësore duke përfshirë; kanalizimin e ujërave të zeza, kanalizimin e ujrave atmosferik, rregulimin e rrjetit të ri të ujësjellësit, rregullimit të sistemit energjetik, rregullimit të sistemit telefonik dhe në infrastrukturën mbitokësore dhe është vendosur kablloja e ndriçimit publik.

Kjo rrugë do t’i lidhë disa nga lagjet më të rëndësishme të qytetit të Prizrenit duke filluar nga lagjja “Arbana” deri tek lagja” Dardania”. Rruga në fjalë është e gjatësisë prej 3.5 kilometrash dhe një gjerësie prej 26 metrave./PrizrenPress.com/