Në një tubim me forumin e grave, kryetarti i Partisë Konservatore të Kosovës, Munir Basha, deklaratën e Presidentes Atifete Jahjaga për moslejimin e mbajtjes së shamisë për femra, e ka quajtur si të pamatur dhe të ngutshme,

“Kjo urdhërese administrative që nuk lejon mbajtjen e shamisë është diskriminuese dhe kundër kushtetuese, sepse pamundëson plotësimin e të drejtave themelore të njeriut ato për shkollim dhe punësim. Ndërsa kushtetuta e Republikës së Kosovës e cila bazohet edhe në konventat ndërkombëtare thekson se liria e besimit, e ndërgjegjes dhe e fesë është e garantuar. Askush nuk mund të detyrohet ose të ndalohet, në kundërshtim me ndërgjegjen e vet, që të marrë pjesë në praktikumin e fesë si dhe të bëjë publike bindjet ose besimin e tij/saj”, tha Basha.

Prandaj Partia Konservatore e Kosovës kërkon nga Presidentja e vendit që të shfrytëzojë autoritetin e saj dhe të kërkojë shfuqizimin e urdhëresës administrative të lartpërmendur për ndalimin e mbajtjes së shamisë e cila është diskriminuese dhe jodemokratike.

Partia Konservatore e Kosovës ka mbajtur edhe një tubim me forumin rinor, e cila  prezantoi programin e saj para të rinjve të qytetit të komunës, në mesin e të cilëve kishte edhe përfaqësues të shoqërisë civile që veprojnë në regjionin e Prizrenit.

Ndërsa, kandidati për kryetar të Prizrenit, Beni Kizolli, ka shpalosur në detaje programin e partisë konservatore dhe në veçanti është fokusuar në projektet që kanë të bëjnë me rininë e qytetit dhe me përparësitë që rinia do të ketë me ardhjen e konservatorëve në pushtet.

Për problemet e të rinjve, Kizolli theksoi se Partia Konservatore do t’i ketë prioritet pasi që rinia ka një vend shumë të rëndësishëm në programin e tyre.

“Pa rini nuk mund të shkohet përpara sepse rinia është e ardhmja e këtij vendi”, tha Kizolli.

Ndërkaq, kandidatja për Kuvend nga lista e PK-së, Adelina Tahiri, tha se rinia në Partinë Konservatore ka një vend të rëndësishëm dhe hapësirë të mjaftueshme për veprim, ashtu që të rinjtë nuk mund t`i gjejnë këto kushte në asnjë parti tjetër, prandaj dha porosinë që me 3 nëntor të dalin në zgjedhje dhe të votojnë numrin 63 pasi që është e vetmja alternativë e sukseseve./PrizrenPress.com/

Kandidati i BD-së për kryetar të Prizrenit Zafir Berisha, është takuar me banorët e fshatit Krushë e Vogël dhe Landovic. Berisha para krushjanëve tha se është e tepërt që në këtë fshat të flasësh për Kosovën dhe perspektivën e saj, “ku dihet se ky fshat i ka dhënë shumë lirisë së Kosovës, liri e cila për fat të keq po vihet në pikëpyetje nga politikat korruptive aktuale”.

Kandidati nga ky fshat për Kuvend të Prizrenit Leart Batusha tha se ndjehet i lumtur që është pjesë e ekipit të BD-së. “ Jam i nderuar dhe respektuar që në emër të krushjanëve jam në ekipin fitues të Bashkimit Demokratik dhe nëse marr besimin e juaj do të vazhdoj t’i mbrojë vlerat e këtij fshati, si dhe do të avancojë kërkesat e shumta të këtij fshati të cilat nga qeveritë e pasluftës nuk janë marrë parasysh”

Zafir Berishën  fushatën elektorale e vazhdoi në  fshatin Landovic.Ai edhe në këtë fshat  premtoi që deponinë e qytetit që është duke dëmtuar perspektivën e këtij fshati do ta vëmë nën kontroll.“Keqmenaxhimi i kësaj deponie do të ndëshkohet edhe për faktin se këtij fshati i ka sjellë shumë dëme”/PrizrenPress.com/

Organizuar nga veteranët e luftës dhe familjet e dëshmorëve të fshatit Korishë, në lokalet e Restaurant “ Albes “ në Korishë është shtruar darkë solemne për ish- komandantin e Batalionit të Kabashit, dhe  kandidatit për kryetar të Prizrenit Lulzim Kabashi.

Kabashi falënderoi ata për iniciativën që kanë ndërmarrë për mbajtjen e këtij takimi. Ai premtoi  se si kryetar i ardhshëm i Prizrenit, do të kontribuojë që familjet e dëshmorëve, invalidët dhe veteranët e luftës të kenë trajtim të veçantë.
“Ne jemi fokusuar që zhvillimi ekonomik të jetë synimi jonë kryesor, me qëllimin e fundit që çdo famailje në komunën e Prizrenit të ketë së paku një të punësuar “.

Ai tha se ka [prnuar të  kandidojë  për kryetar të Prizrenit,  me qëllim të krijimit të një ambienti dhe ardhmërie të sigurt për fëmijët.“ Këto mund të arrihen nëse ne kemi një qeverisje të mirë dhe jokorruptive, që fatkeqësisht kjo dukuri është bërë standard tek ne, por unë jam i përkushtuar që të luftojë korrupsionin “ theksoi dnër tjerash Kabashi.

Ai tha se qeverisja e ardhshme komunale e udhëhequr nga koalicioni AAK-LDD do të jep shembull edhe në nivel komunal, por edhe në atë qendror./PrizrenPress.com/

Suksesi i zgjedhjeve paraprake, sidomos në veri të Kosovës, do të ketë domethënie për konsolidimin e ardhshëm të paqes e të stabiliteti, ka vlerësuar Sekretari i Përgjithshëm i OKB –së, Ban Ki-moon. Raporti i Sekretarit të Përgjithshëm të KB-së për Kosovën pritet që ti prezantohet KS të OKB-së ne gjysmën e dytë të nëntorit.

Situata e sigurisë në Kosovë është thellësisht e qetë, me incidente të kohëpaskohshme etnike dhe të dy palët po dëshmojnë përkushtim të përforcuar për pengim të tensioneve në terren që të mundësojnë që dialogu i Prishtinës dhe i Beogradit për implementimin e asaj që është arritur të shkojë më tej. Kështu thuhet ë raportin tremujor të cilin e transmetojnë medie serbe.

Ban Ki mUn thekson se ndërkohë po vazhdon implementimi i Marrëveshjes së Brukselit, po ai por ka tërhequr vëmendjen se edhe pse udhëheqja e Serbisë është për zgjedhjet dhe po i shtyn serbët të marrin pjesë në to, në veri ende ka fushatë të fuqishme kundër daljes në zgjedhje.

Sekretari i Përgjithshëm i OKB-së Ban Ki Mun ndërkaq, ka falënderuar Prishtinën e Beogradin për përpjekjen e vazhdueshme për dialog. “Përparimi në terren drejt paqes e stabilitetit do të jetë me rëndësi vendimtare për synimet e Serbisë e të Kosovës drejt integrimeve evropiane. Të dy palët kanë ndërmarrë hapa impresivë për t’i afruar këtij qëllimi dhe përparimi i mëtejmë në normalizimin marrëdhënieve sipas kritereve të BE, do të jetë me rëndësi të veçantë”, ka thënë Moon, transmeton RTK.

Raporti i Sekretarit të Përgjithshëm të KB-së që pritet të lexohet në gjysmën dytë në nëntorit, në pjesën që ka të bëjë me çështje policie e të jurisprudencës thekson se “Transferi i personelit të jurisprudencës dhe struktura gjyqësore ende është në bisedime dhe ai po zhvillohet ngadalë, por Ministria serbe e Drejtësisë më 1 shtator ka zgjatur vendimin e mëhershëm për të suspenduar aktivitetet e veta në veri duke pritur përgjigjet për çështjet e pazgjidhura”, thuhet ndër të tjera në raport.

Kandidati i koalicionit AAK-LDD për kryetar të Prizrenit, Lulëzim Kabashi ka kërkuar nga banorët e lagjes “Tabakhane” që me 3 nëntor të ndëshkojnë keqqeverisjen në Prizren.

“3 nëntori është dita kur duhet të dënohet keqqeverisja që është bërë deri më tani.Është momenti që në komunën e Prizrenit të bëhen ndryshime të cilat do të bëhen vetëm me koalicionin AAK-LDD”, tha Kabashi.

Ai tha se synim kryesor i tij, është punësimi i të gjithë të rinjëve të aftë për punë.

“ Parashikoj që brenda mandatit katër vjeçar secila familje të ketë një anëtar të punësuar.

“Këtë do ta bëjmë të mundur përmes zhvillimit ekonomik, duke funksionalizuar zonat industriale, duke investuar në bujqësi, turizëm dhe ndërtimtarti”. Ai tregoi se platforma e tij qeverisëse është gjithëpërfshirëse./PrizrenPress.com/

Dega e LDK-së në Malishevë mbajti tubim elektoral në Llazicë. Të pranishëm në këtë tubim ishin kryetari i Degës Januz Kastrati, kandidati për kryetar të Komunws Salih Morina, si dhe kandidatët për Asamble Komunale.

Të pranishmit i përshëndeti kryetari i Degës Januz Kastrati. Ai tha se kësaj radhe LDK-ja është më e përgaditur se herave të tjera për t’i fituar zgjedhjet me 3 nëntor. “Salih Morina është kandidati më i mirë, sepse në përkrahje të tij janë qytetarët e Malishevës, Kryesia Qëndrore si dhe Kryetari i LDK-së Akademik Isa Mustafa”, tha Kastrati.

“Për ne kategoritë e dala nga lufta janë kategori të shenjëta, ne gjithëmonë i kemi respektuar këto kategori pa I përdorur ato për përfitime politike, siç kanë bërë partitë tjera në Malishevë tha ai. LDK-ja nuk ka kurfarë marrëveshje me askëndë, sepse jemi të bindur se me 3 nëntor pa balotazh do të zgjedhet kryetar Salih Morina”.

Kandidati për kryetar të Komunës, Salih Morina tha se LDK-ja ka ardhur sot në Llazicë të shpalosë programin e saj. “Ne ju garantojmë kategorive të dala nga lufta se me qeverisjen tonë këto kategori do të kenë trjatim meritor. LDK-ja në bazë të të gjitha takimeve që i kemi mbajtur deri më tani është treguar një përkraheje masive e qytetarëve të Malishevës për ndryshim me LDK-në. Ne ju garantojmë se në vitin e parë të qeverisjes sime Llazicës do t’i ndërtohet një shkollë e re. Ai tha se 3 nëntori është datë historike për të ardhmen e fëmijeve tuaj tha Morina. Kërkoj nga ju që ta votoni LDK-në dhe ta bëni ndryshimin në interes të Malishevës sepse unë do të jem kryetar i të gjithë qytetarëve të Malishevës pa dallime partiake”./PrizrenPress.com/