Mbi 1.5 milion euro po del të jenë planifikuar të shpenzohen për zgjedhjet e 3 nëntorit nga pesë partitë më të mëdha në vend. Hisen më të madhe të deklaruar për Radion Evropa e Lirë, del ta ketë Lidhja Demokratike e Kosovës, kurse më të voglën Aleanca për Kosovën e Re.

Partia më e madhe në nivel të vendit, Partia Demokratike e Kosovës nuk e deklaron në saktësi shumën e paraparë për fushatën në nivel vendi.

Blerand Stavileci nga PDK-ja, thotë për Radion Evropa e Lirë se ky subjekt do të respektojë normën që ka përcaktuar Komisioni Qendror Zgjedhor, për afro 1,7 milion votues.

“Numri i votuesve dhe 50 centëshi, besoj se ky është limit i cili duhet të respektohet nga të gjithë”, thotë ai.

“Nuk e di saktë [se sa do të jetë buxheti] por e di që këtë duhet ta respektojnë, dhe nëse e shohim nga zgjedhjet e kaluara, duke e ditur që gjithmonë i kemi respektuar, nuk e besoj që ka diçka që mund të tejkalojë. Bile, bile do të thosha që edhe më pak [se 800 mijë euro], duke e ditur që në një pjesë të madhe të komunave, u patën përsëritur zgjedhjet, kështu që ne kemi vendosur që shumë më shumë kohë t’ia kushtojmë terrenit”, shton Stavileci.

Mungesën e të dhënave, ai e arsyeton me vështirësinë në planifikim si një ndërmarrje, “që për secilën ditë të dihet, dhe të planifikohen në mënyrë të saktë shpenzimet”.

Respektimin e normës e propagandon edhe Lidhja Demokratike e Kosovës, e cila shpjegon për Radion Evropa e Lirë se planifikimet e saja nuk do të tejkalojnë 500 mijë euro, sa thotë t’i ketë kursyer për zgjedhjet e 3 nëntorit.

Lutfi Zharku, si zyrtar financiar i LDK-së thotë se partia do të shpenzojë më pak se plafoni prej 800 mijë eurosh që caktoi KQZ-ja.

“E gjithë shuma me ligjin e ri, pavarësisht dega, apo e financon qendra, duhet të jetë në kuadër të kufizimeve, atë se janë 50 cent për votues, po si LDK themi të mos e tejkalojmë 500 mijë euro”, thotë Zharku për REL.

Ai vlerëson se kjo kosto nuk pasqyron gjendjen reale në terren, dhe se “një shpenzim që sot bën gjysmë milioni [500,000 euro], në kushte normale ndoshta mund të kushtojë 200 mijë euro.”

“Por për shkak të fushatës, ato çmime janë të fryra jashtëzakonisht shumë. Kështu që partitë, edhe LDK-ja është, ose thënë më mirë i imponohet që të harxhojë shuma të tilla”, thotë ai.

Në krahasim me dy partitë e mëdha, pothuajse përgjysmë më pak synojnë t’i shpenzojnë Lëvizja Vetëvendosje dhe Aleanca për Ardhmërinë e Kosovës për zgjedhjet e 3 nëntorit.

Valon Tolaj, që shërben si zyrtar financiar i AAK-së thotë për Radion Evropa e Lirë se është spekulative të përmenden shifra për shpenzime rreth fushatës zgjedhore.

Ai thotë se ka ende marrëveshje të pa përmbyllura, por megjithatë këmbëngul se këto shpenzime nuk do të jetë as sa gjysma e 800 mijë eurove të lejuara nga KQZ-ja

“Nuk besoj që Aleanca do t’i tejkalojë shpenzimet e 250 – 300 mijë euro në total në të gjitha komunat, përfshirë kontraktimet mediale, me spotet publicitare, aktivitetet, tubimet zgjedhore, përfshirë edhe shpenzimet e aktivistëve tanë në ditën e zgjedhjeve, siç janë një pjesë e madhe e vëzhguesve dhe ushqimi i tyre, material propagandistik”, thotë Tolaj.

Shumë të përafërt për shpenzimet zgjedhore jap edhe Lëvizja Vetëvendosje.

Ilir Cacaj, drejtues i Sekretariatit për Financa nga Vetëvendosja sqaron se planifikimi buxhetor i tyre ka nxjerr këtë shifër.

“Ne kemi bërë një planifikim buxhetor të cilin e kemi aprovuar në mbledhjen e fundit të këshillit të përgjithshëm, me të cilën parashikohet se do të na duhet të harxhojmë rreth 255 mijë euro. Sigurisht që nuk është që i kemi këto mjete. Plani është bërë vetëm për shpenzimet, të cilat ne llogarisim se do të na duhet t’i bëjmë”, thotë Cacaj.

Sipas tij, rreth 60% të këtij projektimi është rezervuar për ditën e zgjedhjeve, për vëzhguesit dhe komisionerët.

“Po përafërsisht sa i përket ditës së zgjedhjeve, për vëzhguesit, ushqimin e të tjera si këto, ne kemi paraparë rreth 150 mijë euro, sepse kemi të angazhuar një numër shumë të madh të vëzhguesve”, shpjegon Cacaj për REL.

Atë që Lëvizja Vetëvendosje ka planifikuar të shpenzojë vetëm për ditën e zgjedhjeve, del të jetë totali i buxhetit të planifikuar nga Aleanca Kosovare e Re, një ditë para hapjes së fushatës zgjedhore.

Jetlir Zyberaj që është këshilltar për medie i liderit të AKR-së, deklaron se për dallim prej fushatës së kaluar, shuma që do të shpenzohet në fushatën për zgjedhjet lokale, do të jetë dukshëm më e vogël.

“Ne planifikojmë diku rreth 120 mijë euro të shpenzojmë gjatë kësaj fushate. Sidoqoftë ne jemi në pritje edhe të shifrave, meqë secila komunë i ka specifikat e veta në planifikimin e shpenzimeve, që ta përmbyllim raportin e planifikimit të shpenzimeve. Por shifra sillet rreth 120 mijë euro”, thotë Zyberaj për REL.

(E plotësuar) Lideri i PDK-së, Hashim Thaçi është shprehur i sigurt edhe një herë se kandidati për kryetar të Prizrenit, Ramadan Muja, me 3 nëntor do të fitojë pa balotazh.Thaçi tha se fitorja e Mujës do të jetë spektakluare. ”Muja do të fitojë pa balotazh”, tha Thaçi.

Hashim Thaçi të mërkurën ka marrë pjesë në nënshkrimin e lidhjes së koalicionit me partitë minoritare. Ai tha se në këto zgjedhje është lidhë ky koalicion me qëllim të vetëm që t’ia lehtësoi punën kundërshtarëve. ”Këtë koalicion e kemi bërë për t’ia lehtësuar punën edhe kundërshtarëve, sepse fitorja do të jetë në rundin e parë”, tha Thaçi./PrizrenPress.com/

PDK-ja, koalicion me minoritetet në Prizren

Partia Demokratike e Kosovës (PDK), Dega në Prizren sot do ta zyrtarizojë koalicionin e madh me komunitetet për këtë komunë.

Hashim Thaçi do të qëndrojë sot në Prizren. Ai në orën 15:00 do ta mbajë një konferencë për media, në të cilën do ta zyrtarizojë koalicionin me komunitetet për këtë komunë.

Nijazi Kryeziu, sekretar i Degës së PDK-së në Prizren ka bërë me dije për “Epokën e re” se kjo parti do të nënshkruaj marrëveshje koalicioni me VAKAT (Rasim Demiri), NDS (Emilja Rexhepi), CDU (Hamza Balje), me KDTP (Mahir Jagcilar), KTAP (Cemil Luma) dhe partinë rome PREB (Haxhi Zylfi Merxha).

Lidhja Demokratike e Kosovës(LDK) në Malishevë iu ka bërë thirrje arsimtarëve të kësaj komune që të mos shkojnë sonte në darkën e thirruar nga kryeministri i Kosovës, Hashim Thaçi.

“Dega e LDK-së në Malishevë shprehet e indinjuar me format e paturpshme që po përdorë Hashim Thaçi për përfitime të veta politike në dëmë të buxhetit të shtetit”, thuhet në komunikatën e LDK-së.

Sipas këtij subjekti politik, Thaçi ka filluar të shtrojë darka për arsimtarë dhe të lëshojë ‘shqelmat’ e fundit të humbjes së tij të sigurt me 3 nëntor.

” Një darkë të tillë për arsimtarë, sot planifikon ta shtroj edhe në Malishevë. Ne u bëmjë thirrje arsimtarëve të Komunës së Malishevës, që ta ruajnë dinjitetin e tyre të krijuar ndër vite dhe të bojkotojnë darkën elektorale të cilën po e shtron Thaqi sot në Malishevë. Thaçi e dinë mirë se është i padeshiruar në Malishevë, ai thjeshtë po përpiqetë të mashtroj dhe manipuloj arsimtarët duke i kërcënuar ata me largim nga puna nëse nuk do të merrnin pjesë në këtë darkë”. PrizrenPress.com/

Dega e LDK-së në Malishevë pati një takim në dy lagjet fshatit Astrazup. Këto takime ishin në vazhdën e takimeve që po i bënë kryetari i Degës Januz Kastrati dhe kandidati për kryetar Salih Morina.Në këto takime ishin të pranishëm rreth 100 pjesëmarrës të cilët shprehën entuziazmin tyre në fitorën e LDK-së në Malishevë.

Hapjen e takimëve e bëri kryetari i Nëndegës Rrahim Morina i cili u bëri thirrje banorëve të fshatit që të mobilozohen sa më shumë që në këto zgjedhje LDK-ja të fitoj edhe më bindshëm ë Astrazup.

Të pranishmit i përshëndeti edhe Kryetari i Degës Januz Kastrati I cili shprehu knaqësinë e tij që gjindej në Astrazup në bastionin e LDK-së. Kastrati kërkoj nga të pranishmit që ta ndëshkojnë pushtetin e tanishë duke votuar kandidatin e LDK-së Salih Morina.

Ndërsa në fjalën e tij kandidati për Kryetar Komune Salih Morina u premtoj banorëve se në qeverisjen e tij Astrazupi do jetë prioritet i prioriteteve për arsye se ky fshatë gjithmonë i ka qëndruar besnik LDK-së dhe frymës së Presidentit Historik Ibrahim Rugova. Ai u zotua para tyre se projektet e fshatit si: Ujësjellësi, Shtëpia e Kulturës, Shkolla, Parku, Shtrati i Lumit, do të realizohen në mandatin e tij qeverisës.

Partia Demokratike e Kososvës në Gjonaj, ka mbjatur një takim me kryetarët e nëndegëve nga fshatrat e Hasit të Prizrenit. Në këtë takim është diskutuar përgatitja për fushatën zgjedhore të nëntorit.

Kryetari i Nëndegës së PDK-së në Gjonaj, dr.Halil Cikaj ka kërëkuar nga të gjithë kryetarët e nëndegëve të tjera që të mobilizohen sa më shumë në mënyrë që PDK-ja në Has të dalë fituese në zgjedhjet e nëntorit. “PDK-ja në Has është fuqizuar dhe rritur më shumë se kurrë në këto vitet e fundit”, tha Cikaj.

Ai ka kërkuar nga secili kryetar i nëndegës që të evidencojnë të gjithë ata që dëshirojnë t’i bashkohen PDK-së.” Të gjithë ata që anëtarësohen në PDK, duhet të infromohen se të njëjtit të informohen se me datë 12.10. 2013 do të pajisen me librezat e anëtarësisë”, tha Cikaj.

Ai ka kërkuar nga anëtarësia e PDK –së që të marrin pjesë në përurimin e projekteve të shumta nëpër fshatrat e Hasit, i cili po bëhet këto ditë.

Ai tregoi se PDK-ja në Hasë do të përpilojë një axhendë për fushatën elektorale dhe të njëjtën t’ia dorëzojnë kryetarit të Shtabit Zgjedhor për Has, Sejdullah Shehu. /PrizrenPress.com/