14.8 C
Prizren
E hënë, 26 Shtator, 2022

Rexhaj në Romajë, kërkon ndihmën e hasjanëve për ndryshimin politik

Rexhaj-romaj-hasLëvizja Vetëvendosje! në Prizren ka zhvilluar një takim me banorët e fshatit Romajë.

Kandidati për kryetar të Prizrenit, Arbër Rexhaj, deputeti Afrim Hoti dhe kandidatët për ansamble, thanë se takimet e drejtpërdrejta dhe të vazhdueshme me qytetarë janë pjesë e pandashme e aktivitetit politik të Lëvizjes Vetëvendosje!.

“Të gjitha diskutimet dhe bisedat me qytetarë, ne jemi munduar t’i përmbledhim në Alternativën tonë Qeverisëse, si në nivel qendror ashtu edhe në nivelin lokal. Synimi ynë është ndryshimi i gjendjes aktuale në të cilën gjendemi, e cila është si pasoj e keqqeverisjes së grupacioneve të ndryshme politike që nga paslufta”, tha Rexhaj.

Ai shprehi nevojën e ndihmës së qytetarëve dhe mobilizimit të tyre për ndryshimin e kësaj situate të rëndë politike dhe ekonomike.

Duke falënderuar hasjanët për kontributin e tyre të vazhdueshëm në Komunën e Prizrenit, Rexhaj gjithashtu theksoi nevojën e hapjes së një shkollë profesionale për Teknologji Ushqimore e cila do t’u shërbente të rinjve hasjanë që të marrin njohuri teorike dhe praktike për zanatin karakteristik dhe tradicional që e karakterizon rajonin e Hasit.

Ndërkaq, banorët e fshatit Romajë shprehën admirim për gatishmërinë e VV-së për diskutime të vazhdueshme me qytetarët dhe çmuan qëndrimet konsistonte të saj./PrizrenPress.com/

Më Shumë

Jasharaj: Shpresoj që qeveria të lëvizë nga qëndrimet “merre ose lëre”

Kryetari i Këshillit Grevist të BSPK-së Rrahman Jasharaj, tha se deklarimi i Avokatit të Popullit Naim Çelaj, është tejet optimist. Jasharaj tha se mirëpret ndihmën...

Komuna e Prizrenit dhe USAID-i vazhdojnë bashkëpunimin për projektin “Kontrata sociale”

Kryetari i Komunës së Prizrenit, Shaqir Totaj, ka pritur të mërkurën në takim zyrtarët e USAID-it, me të cilët ka biseduar për vazhdimin e...

Lajmet e Fundit