Vëmendja i është ndalur tek një shkrim për kryeministrin e Kosovës. S’ka pasur si të jetë ndryshe, ngase ai shërbeu vetë si ambasadorë i SHBA-vë në Kosovë.
Ish-ambasadori amerikan në Kosovë, Christopher Dell, duke ju referuar shkrimit të sotëm që ka botuar e përditshmja amerikane “The Neë York Times” për rolin që ka luajtur, Hashim Thaçi në skenën politike të Kosovës, nuk ka hezituar që bëjë edhe ai një vlerësim për kryeministrin kosovarë.
Dell, thotë se Thaçi e ka mundur Serbinë dhe ua ka zmbrapsur përpjekjet për Kosovën, kurse në Serbi, sipas tij, nuk po shihet progres.

“Nga të gjitha gjërat që mund të thuash për Hashimin, fakti që ai është “fyer” në Serbi është më së paku befasuese dhe karremi më i çuditshëm që të tërheq vëmendjen e lexuesit për një storje si kjo. Natyrisht se ai është ofenduar keq në Serbi: ai i ka mundur ata dhe që nga atëherë i ka zmbrapsur përpjekjet e tyre që të përmbysin suksesin e Kosovës. Ata s’mund ta durojnë këtë”, është shprehur ish ambasadori Dell në facebook, nga ku e ka postuar edhe shkrim e NYT.
Dell përmend edhe shembuj se si Thaçi ka promovuar pajtimin me serbët, disa duke i pranuar brenda Qeverisë, e më disa duke mos hezituar të cikërrojë gotat me raki.

“Ai gjithashtu ka promovuar ripajtimin me Serbët brenda Kosovës, nga pika ku e ka emëruar një zëvendëskryeministër serb e deri te të ulurit bashkë me fermerët serb në shtëpitë e tyre dhe duke pirë raki. Nuk shoh asgjë kaq progresive që po ndodhë askund në Serbi”, përfundon Dell.

Ndryshe, The Neë York Times, e cilësojnë Kryeministrin e Kosovës, Hashim Thaçi, si një Gerry Adams ballkanik. Madje, gazetari, Dan Bilefksy – dhe jo vetëm ai – mendojnë se kryeministri kosovar është një kandidat serioz për Çmimin Nobel për Paqe. Veç kësaj, falë marrëveshjes së arritur në muajin maj me Serbinë, nga Europa dhe SHBA’ja Thaçi përshkruhet si personifikim i triumfit të paqes dhe pajtimit, ndaj luftërave të viteve të 90’a në Ballkan.

Fëmijë të shumtë e njerëz të moshuar shihen rrugëve të kryeqytetit të vendit duke kërkuar lëmoshë. Zyrtarë të Ministrisë së Punës dhe Mirëqenies Sociale thonë se duhet të krijohet një strategji bashkëpunuese përmes të gjitha institucioneve të Kosovës në mënyrë që të luftohet ky fenomen. Sipas statistikave të Policisë së Kosovës, vetëm gjatë vitit të kaluar janë identifikuar 455 persona që kërkojnë lëmoshë.

Këshilltari politik në MPMS, Bexhet Gaxhiqi tha për Radio Kosovën se kjo formë e punës dëmton aspektin fizik dhe psikik, sidomos të fëmijëve. Ai tha se duhet të krijohet strategji bashkëpunuese e nivelit qendror dhe lokal, për të evituar këtë dukuri.

Prejardhja e tyre është nga Shqipëria, por ka edhe nga Kosova, të cilët kryesisht i takojnë komuniteti RAE, thonë zyrtarë të Policisë së Kosovës. Zëdhënësi Brahim Sadriu tha se vetëm vitin e kaluar janë identifikuar 455 raste të personave që kërkojnë lëmoshë.

Sadriu tha se kanë inkuadruar tashmë edhe Njësinë për hetim dhe trafikim me qenie njerëzore, me qëllim të identifikimit të personave dhe të konstatimit nëse këta fëmijë punojnë me detyrim nga persona të caktuar.

Oficeri ndërlidhës i Serbisë në Kosovë Dejan Paviçeviq ka shprehur frikën se po qe se serbët në Kosovë nuk dalin në zgjedhjet e 3 nëntorit, do të rrezikohet edhe marrëveshja për integrimin e Serbisë në BE.

Ai ka shtuar se dalja një zgjedhje votuese do t’iu mundësonte një pozitë më të mirë dhe jetë më dinjitoze e bashkësia ndërkombëtare nuk do t’i trajtonte më serbët si struktura paralele por si përfaqësues legjitimë të popullit serb

Në një deklaratë për medie serbe  ai ka thënë se serbët nga i gjithë territori i Kosovës do të dëgjojnë këshillat e që marrin nga Beogradi.

Kryeministri Daçiq ka thënë se në fillim të gushtit skadon afati për paraqitje të listave zgjedhore për zgjedhjet lokale në Kosovë dhe po qe se nuk ka qasje konstruktive ndaj sa, do të dështojë jo vetëm marrëveshja e Brukselit, por edhe rruga evropiane e Serbisë.

Gazeta prestigjioze amerikan, The New York Times, dhe edicioni i saj ndërkombëtar, International Herald Tribune, e cilësojnë Kryeministrin e Kosovës, Hashim Thaçi, si një Jerry Adams ballkanik.

Madje, gazetari,Dan Bilefksy – dhe jo vetëm ai – mendojnë se kryeministri kosovar është një kandidat serioz për Çmimin Nobel për Paqe.

Veç kësaj, falë marrëveshjes së arritur në muajin maj me Serbinë, nga Europa dhe SHBA’ja Thaçi përshkruhet si personifikim i triumfit të paqes dhe pajtimit, ndaj luftërave të viteve të 90’a. Ai vetë ndërkaq, pohon se, dëshiron të mbahet mend si burrështetas.

Deputetët kanë miratuar ndryshimet në projektligjin për buxhetin e vitit 2013 ku parashihet edhe krijimi i fondit për veriun, por ende askush nuk di të tregojë se sa do të jetë lartësia e këtij fondi.

Në nenin 2 paragrafi 3 të ligjit, thuhet se të gjitha paratë publike të mbledhura prej mallrave të importuara nga bizneset e regjistruara në veri të Mitrovicës, të cilat janë të destinuara për konsum në këto komuna, në momentin e hyrjes në Kosovë përmes pikave doganore në Jarinje dhe Bërnjak, duhet të dërgohen në Fondin Zhvillimor të Mirëbesimit, shkruan Tribuna.

Ky fond do të krijohet nga përfaqësuesi special i Bashkimit Evropian në Kosovë, dhe do ta ketë llogarinë në një nga bankat komerciale.

Sekretari i përgjithshëm i AAK-së, Burim Ramadani, ka deklaruar se nuk ndihen të dëmtuar nga akuzat e Lëvizjes Vetëvendosje! dhe LISBA-s. Përkundrazi, të fuqizuar. Ai ka thënë se akuzat e këtyre dy partive në adresë të AAK-së janë të pabaza.
Sipas tij, Vetëvendosje! dhe LISBA janë duke i terrorizuar qytetarët e Kosovës. “Gjithçka që dikush ka për ne le t’i dërgojë në prokurori. Mos t’i terrorizojnë njerëzit me llafe dhe shpifje të kota”, ka thënë në intervistën për “Epokën e re” Ramadani.

Ramadani ka kërkuar nga Vetëvendosje! të tërhiqet vullnetarisht nga pozita e nënkryetarit të Kuvendit. “Askush nuk duhet të na marrë të drejtën, madje Vetëvendosje! do të duhej vullnetarisht të tërhiqet, sepse nëse besojmë në parime të kushtetutshmërisë, atëherë do të duhej ta respektojmë Kushtetutën. Pra, ajo duhet të dalë dhe të thotë, ‘ok-ej, neve nuk na takon më pozita e nënkryetarit të Kuvendit’”, ka deklaruar Ramadani.

Ramadani ka thënë se Lëvizja Vetëvendosje nuk është duke i kuptuar proceset politike dhe se është duke iu frikësuar AAK-së. “Bindja ime është se Lëvizja Vetëvendosje! nuk i kupton proceset politike. Definitivisht nuk i kupton. Dhe në bazë të moskuptimit të proceseve bën interpretime ekstreme sikur pretendon se e di të vërtetën absolute”, ka thënë Ramadani. Ai ka kërkuar nga Lëvizja Vetëvendosje! të heqë dorë nga pozita e nënkryetarit të Kuvendit të Kosovës pasi, sipas tij, kjo lëvizje nuk është më partia e tretë parlamentare.

Ai është shprehur i bindur se AAK-ja në zgjedhjet e ardhshme lokale do të fitojë më shumë se 20 për qind të votave

Sekretari i përgjithshëm i Aleancës për Ardhmërinë e Kosovës, Burim Ramadani, ka folur dhe për Projektligjin për Amnistinë. Ai ka vlerësuar se Projektligji për Amnistinë do të ketë ndikim të drejtpërdrejtë në integrimin e serbëve të veriut në jetën politike dhe institucionale të Kosovës.

Ramadani ka thënë se me këtë projektligj nuk do të amnistohen ata njerëz që kanë bërë vrasje, fshehur tatimin apo që u kanë shkaktuar të tjerëve lëndime të rënda.