Pesë persona kanë vdekur nga COVID-19 në 24 orët e fundit në Kosovë, duke çuar shifrën totale në 135.
Ndërkohë janë regjistruar edhe 118 raste të reja me COVID-19.
Rastet pozitive janë nga: komuna e Prishtinës 48 raste, komuna e Ferizajt 11 raste, komuna e Fushë Kosovës 9 raste, komuna e Drenasit 7 raste, komuna e Pejës 7 raste, komuna e Mitrovicës 6 raste, komuna e Prizrenit 4 raste, komuna e Gjilanit 4 raste, komuna e Gjakovës 3 raste, komuna e Podujevës 3 raste, komuna e Vitisë 3 raste, nga 2 raste komunat: Kaçanik, Skenderaj dhe Vushtrri dhe me nga 1 rast komunat: Han i Elezit, Kamenicë, Klinë, Kllokot, Lipjan, Obiliq dhe Suharekë.
Ministria e Shëndetësisë ka njoftuar se nga 489 mostra të testuara 118 kanë rezultuar pozitive. Në të njëjtën kohë, kjo ministri ka bërë të ditur se janë shëruar 157 persona. Është dita e dytë me radhë që numri i të shëruarve është më i madh se i të infektuarve të rinj.
Në total në Kosovë 5735 persona kanë rezultuar pozitivë me COVID-19, ndërsa raste aktive janë 2632.
Në raportin e Ministrisë së Shëndetësisë për rastet e hospitalizuara është njoftuar se në gjitha klinikat dhe spitalet e SHSKUK-së janë të shtrirë 509 persona që po marrin trajtim për COVID-19, prej tyre 300 janë të konfirmuar si pozitivë. 14 prej tyre janë në respiratorë, ndërsa 273 me oksigjenoterapi.