8.8 C
Prizren
E shtunë, 26 Nëntor, 2022

13 të vdekur nga përplasja e një avioni ushtarak mbi apartamente në Rusinë perëndimore

Të paktën 13 persona kanë vdekur pasi një avion luftarak rus SU-34 u përplas në një ndërtesë banimi në qytetin perëndimor Yeysk gjatë një fluturimi stërvitor të hënën, sipas mediave shtetërore dhe autoriteteve ruse.

Incidenti ishte për shkak të djegies së njërit prej motorëve, njoftoi agjencia shtetërore e lajmeve RIA Novosti, e cila citoi Ministrinë e Mbrojtjes së Rusisë.

“Sipas raportit të pilotëve, shkak i rrëzimit të avionit ka qenë ndezja e njërit prej motorëve gjatë ngritjes. Në vendin e rrëzimit të SU-34 në oborrin e një prej lagjeve të banimit, karburanti i avionit u ndez”, tha ministria në një deklaratë për RIA.

RIA raportoi se 13 trupa, përfshirë ato të tre fëmijëve, u gjetën që nga mëngjesi i së martës, sipas Ministrisë së Situatave Emergjente. Raportet e mëparshme të mediave shtetërore thanë se të paktën 25 persona u plagosën.

Yeysk është një qytet port në bregun e detit Azov dhe është i ndarë nga territori i pushtuar rus në Ukrainën jugore nga një shtrirje e ngushtë deti, transmeton Klankosova.tv.

Më Shumë

Shiu dhe erërat e fuqishme në Malishevë vështirësojnë qarkullimin

Erërat e fuqishme që kanë mbretëruar natën e mbrëmshme në Kosovë, bashkë me shiun e pandërprerë kanë bërë që në rrugën “Hamdi Berisha” në...

Krasniqi thotë se propozimet e PDK-së për dialogun po merren si model

Kryetari i Partisë Demokratike të Kosovës, Memli Krasniqi, vlerëson se kërkesat e dhe propozimet që i ka dhënë ai dhe partia e tij për...

Lajmet e Fundit