Politologu Belul Beqaj ka vlerësuar të hënën se Kosova aktualisht gjendet në një udhëkryq, ku nuk ka zgjidhje politike.
Ai ka thënë për ‘Epokën e re’ se zgjidhja më e mirë do të ishte formimi i një qeverie teknike.
Sipas Beqajt, vazhdimi i këtij skenari politik mund të ketë epilog tragjik për shtetin e Kosovës. Ai ka deklaruar se Kuvendi është shndërruar në gjenerator të përçarjeve dhe armiqësive dhe nuk është në shërbim të qytetarëve.
Në këtë kontekst, ai ka thënë se legjitimiteti i Kuvendit dhe i vendimeve të tij tashmë është vënë në pikëpyetje.
Beqaj ka vlerësuar se zgjedhjet nuk janë zgjidhje ngaqë klima është konfliktuoze dhe sipas tij, humbësi nuk mund të pranojë në një klimë të mosbesimit total humbjen zgjedhore.