David Bowie tregoi se ishte nisur drejt vdekjes, me këngën “Lazarus”, videon e së cilës e publikoi katër ditë më parë. Referenca është e qartë.
David Bowie nuk nxori albumin e tij të fundit “Blackstar”, më 8 janar të këtij viti, vetëm si një shenjë për ditëlindjen e tij të 69, por këngëtari legjendar e përdori atë edhe për t’i thënë lamtumirë botës.
Për 18 muaj ai po luftonte me kancerin, e këtë nuk e dinte pothuajse askush. Por, ai tregoi se ishte nisur drejt botës tjetër me këngën “Lazarus”, videon e së cilës e publikoi katër ditë më parë – që doli të jetë e fundit prej tij.
I shtrirë në një shtrat spitali, me sytë e mbyllur, Bowie dha lamtumirën e tij në këtë video-spot, që bashkë me tekstin është një referencë e qartë për vdekjen.
“Shikoni këtu lart / Jam në Qiell / Kam vragë që nuk mund të shihen”, këndon ai.
Me këtë këngë, është e qartë se ai pranon gjendjen e tij të rënduar shëndetësore dhe se s’bëhet fjalë për një frymëzim imagjinar për vdekjen. /Politiko.net