Në Landovicë të Prizrenit një grup i madh njerëzish të cilët raportohet se ishin të armatosur e dogjën lokalin shumë të frekuentuar të natës ‘Kobra City’. Ata i rrahën edhe dy rojet që ishin në objekt sot herët në mëngjes.
Nga ky incident lëndime morën dy rojet, njëri prej tyre më rëndë.
Donjeta Kosumi e cila nuk ishte në vendin e ngjarjes në kohën e incidentit shpjegon atë që i rrëfyen rojet.
Por dy sulmuesit që hynë brenda në lokal nuk ishin të vetëm.
Teksa thotë se i janë shkaktuar dëme rreth 200 mijë euro, ajo mohon të ketë pasur problem me dikë.
Ndërkohë në polici thonë se ende nuk dihen motivet e sulmit./Klan Kosova