Policia Rajonale e Prizrenit ka bërë të ditur se ka arritur që të identifikojnë kryerësit e vrasjes së Egzon Mazrekut nga Sopija e Suharekës, që kishte ndodhur më 27 janar, derisa njëri është arrestuar e dy të tjerë janë në kërkim.
Kryerësit e kësaj vepre sipas Policisë janë: Xhevat (Shyqeri) Hysenaj i lindur në vitin 1990 me vendbanim në Lipjan si dhe Naser (Faik) Makolli i lindur në vitin 1971 me vendbanim në Fushë Kosovë.
Në komunikatën e Policisë thuhet se pasi të dyshuarit janë me precedent të shumëfishtë kriminal, të armatosur dhe të rrezikshëm në konsultim me prokurorin e shtetit është vendosur që të bëhen publike fotografitë e dy personave të dyshuar me qellim të identifikimit me të lehtë të tyre.
Policia kërkon nga qytetarët të cilët posedojnë ndonjë informacion sado të vogël për këta dy persona të njoftojnë stacionin më të afërt policor. /PrizrenPress.com
Në vazhdim gjeni të dhënat për personat e dyshuar:
