“Një Luftë e re e Ftohtë”- kështu deklaroi në Konferencën e Sigurisë në Mynih, kryeministri rus Dimitrij Medvedev.
Thuajse askush nuk e kundërshtoi.
Ndërkohë, shefi i Kremlinit, Vladimir Putin dhe presidenti amerikan, Barak Obama patën një ditë më parë një telefonatë të akullt.
Kurrë më parë nuk kanë qenë kaq agresive marrëdhëniet mes Rusisë dhe Perëndimit.
Lufta e Ftohtë përfundoi përpara 25 vitesh.
Muri ra, blloku lindor u shpërbë, Bashkimi Sovjetik po ashtu.
Perëndimi fitoi, Moska humbi.
Por këtë herë?
Bild rendit 4 arsye se përse Rusia do e humbasë sërish këtë Luftë të Ftohtë:
– Ekonomia e prapambetur: Rritja ekonomike e viteve të fundit ka qenë në varësi të çmimit të naftës. Tani ekonomia do tkurret me minus 3.8 përqind, produktet e markave të njohura botërore mungojnë, investitorët e huaj po tërheqin paratë e tyre (deri më tani 85 miliardë dollarë), në vend mbizotëron pasiguria ligjore dhe burokracia. Inflacioni është 9 përqind, normat e referencës në 17 përqind. Kjo do të thotë se ekonomia e Rusisë është një gjigand prej kartoni.
– Vulnerabiliteti: Sansionet e forta të Perëndimit mund të godasin në mënyrë fatale bankat dhe ekonominë, në rast se ato izolohen nga qarkullimi ndërkombëtar i parave (marrëveshjet-SWIFT).
– Mungesa e parave: Rusia nuk mund të përballojë një garë armatimesh si gjatë Luftës së parë të Ftohtë. Për buxhetin e vitit 2016, Rusia e ka planifikuar çmimin e naftës tek 50 dollarë për fuçi, aktualisht është poshtë 30 dollarë. Në vitin 2015 u tkurr buxheti për mbrojtjen.
– Institucionet: Rusia është vetëm formalisht një demokraci. Mediat, gjykatat, administrata janë ose thellësisht pro-Kremlinit, ose shumë të korruptuara. Në indeksin ndërkombëtar të korrupsionit, Rusia është e 119-ta nga 167 vende. “Korrupsioni nuk është përjashtim, por rregull,” thotë eksperti i Rusisë, Boris Reitschuster. Kjo do të thotë: Sistemi rus i Putinit nuk ka mësuar nga gabimet e të shkuarës.
P.S: Burrat rusë jetojnë mesatarisht vetëm 64 vite, një e katërta e tyre nuk i kalojnë 55 vjeç. Arsyeja: Alkoolizmi. Më keq janë vetëm vendet afrikane. /Mapo/