Ish-presidenti francez Nicolas Sarkozy është vënë nën hetim në lidhje me financimin e fushatës së tij gjatë vitit 2012. Sipas prokurorëve francez, shpenzimet e fushatës ishin dy herë më të larta se limiti i lejuar me ligj.
61-vjeçari Sarkozy është marrë në pyetje gjatë ditës së martë, para se të informohej se ishte nën hetim. Ai ka mohuar në mënyrë të përsëritur se shpenzimet kanë kaluar limitet ligjore. Mirëpo, ky veprim nuk do të thotë se ai do të ndiqet penalisht, por mund të mund të jenë fillimet e nisjes së një gjyqi të mundshëm.
Marrja në pyetje është parë si një goditje ndaj përpjekjeve të tij për të rifituar presidencën e vendit në zgjedhjet e vitit 2017. Sarkozy është aktualisht kreu i republikanëve të Qendrës së Djathtë, ndërsa në periudhën 2007-2012 ka qenë president i Francës