Është arrestuar një person në Suharekë, pasi dyshohet të ketë shkelur një person, i cili po kalonte në vendkalim për këmbësorë duke i shkaktuar lëndime trupore, transmeton Koha.net.
“Është arrestuar i dyshuari mashkull (shqiptar), pasi që i njëjti derisa ishte duke drejtuar veturën e tij, nga pakujdesia ka goditur viktimën mashkull (shqiptar), i cili ishte duke kaluar në vendkalimin për këmbësorë”, thuhet në komunikatën e PK-së.
PK-ja ka bërë të ditur se viktima ka pësuar lëndime të rënda trupore dhe është dërguar për trajtim mjekësor në QKUK dhe se me vendim të prokurorit i dyshuari është dërguar në mbajtje.