Këto foto janë bërë pranë spitalit Pediatrik në Qendrën Spitalore Universitare Nënë Tereza. Siç shihet dhe nga fotot qentë kanë pushtuar pediatrinë dhe janë kthyer në një rrezik serioz jo vetëm për pacientët por edhe për personelin mjekësor.
“Njëri prej këtyre qenve kafshoi nga të pasmet një infermiere të pediatrisë ndërsa po transportonte kampionet e analizave”, tha një dëshmitar.
Të ndjekur nga rrugët e qytetit qentë kanë gjetur strehim tek spitali. Një tufë prej rreth 15 qensh janë sistemuar përpara pediatrisë dhe në lulishten rreth saj duke u kthyer në një rrezik serioz për punonjësit, pacientët si dhe kalimtarët. /Syri.net/
