13.8 C
Prizren
E mërkurë, 5 Tetor, 2022

20 vjet nga ekstradimi i Millosheviqit në Hagë

Ish-presidenti i Serbisë, Sllobodan Millosheviq, i njohur si “Kasapi i Ballkanit”, më 28 qershor 2001 është ekstraduar për në Hagë, pasi më 27 maj 1999 u bë publike aktakuza për krime lufte në Kosovë.

Më vonë Millosheviq, akuzohet për krime edhe në Kroaci dhe gjenocid në Bosnje e Hercegovinë.

Ai ishte ekstraduar me urdhrin e qeverisë serbe.

“Kasapi i Ballkanit” ishte arrestuar në Beograd më 1 prill 2001, pasi ishte përgjegjës për vdekjen e dhjetëra e mijëra njerëzve.

Gjykimi i Millosheviqit në Hagë nisi më 12 shkurt 2002 dhe u ndërpre dhjetëra herë për shkak të problemeve kardiovaskulare që ai kishte dhe tensionit të lartë të gjakut.

Nxjerrja e dëshmive për krime në Kosovë e Kroaci dhe për gjenocid në Bosnje e Hercegovinë, ka zgjatur deri më 25 shkurt 2004.

Mbrojtja e tij ka filluar në fund të gushtit 2004.

Më 22 shkurt, Millosheviq deklaroi se nuk ishte më në gjendje të vazhdojë marrjen e dëshmitarëve në pyetje, ndërsa më 24 shkurt refuzohet kërkesa e tij për shërim në Rusi.

Më 11 mars 2006, në orën 9:30, ai u gjet i vdekur në qelinë e tij /KP.

Më Shumë

MAShTI merr vendim për zëvendësimin e orëve të humbura

Ministrja e Arsimit, Shkencës, Teknologjisë dhe Inovacionit (MAShTI), Arbërie Nagavci, ka njoftuar për nxjerrjen e një vendimi në bazë të të cilit do të...

Kurti: Rektori Statovci, figurë e jashtëzakonshme në kohën e duhur

Sot bëhen 25 vite nga protesta më e madhe studentore e vitit 1997, e organizuar nga Unioni i Pavarur i Studentëve të Universitetit të...

Lajmet e Fundit