Sulmuesi i Manchester City dhe Brazilit, Gabriel Jesus, ka shpjeguar edhe përmes disa fotografive të postuara në rrjetin e tij social, se si kur ishte vetëm 17 vjeçar, ishte angazhuar të lyente rrugët e lagjes së tij për Kampionatin Botëror që do të mbahej atë kohë në Brazil në vitin 2014.
Ndërsa sot, 20 vjeçari është njëri nga super talentet e futbollit dhe po ka paraqitje fantastike me Manchester Cityn, derisa është pjesë edhe e skuadrës së “Seleçaos”.
Ai u shpreh se, kur ka ditë të lira, udhëton menjëherë për të vizituar lagjen e tij të vjetër, pasi thotë se aty ndjehet si në shtëpi dhe po të mundte do ta krijonte lagjen e tij “Peri Garden” edhe në Manchester që ta kishte më afër.
“Jam shumë i lidhur me lagjen time dhe shumë shpesh, kur kam ditë të lira, vizitoj shtëpinë time atje sepse ndjehem shumë komod aty”, tha Jesus. /Insporti.com
