Ish- deputetit të PDK-së, Azem Syla, i është caktuar 30 ditë paraburgim nga Gjykata Themelore në Prishtinë.
“Këtë pasdite një gjyqtar i EULEX-it mori vendimin për të caktuar masën e paraburgimit prej një muaj, për të pandehurin A .S. Gjyqtari i procedurës paraprake të EULEX-it kishte lëshuar një flet-arrest për të pandehurin më 26 prill 2016 dhe sjellur para një gjyqtari të EULEX-it për caktimin e paraburgimit. Rastin është duke e ndjekur penalisht Prokuroria Speciale e Kosovës (PSRK). Të gjitha palët kanë të drejtë ankese”, thuhet në njoftimin e gjykatës.
Azem Syla, ish-Komandant i Shtabit të Përgjithshëm të Ushtrisë Çlirimtare të Kosovës, dyshohet për krim të organizuar lidhur me shitjen e pronave shtetërore.
Ai është arrestuar të premten gjatë një aksioni të madh policor në Vermicë.