Ministri i Financave, Punës dhe Transfereve, Hekuran Murati, ka thënë se deri tani në platformën `Superpuna` janë regjistruar 1 mijë punëkërkues.
Murati, në një postim në Facebook, ka ripërsëritur se të gjithë të rinjtë e moshës 18-25 vjeç që janë në kërkim të një vendi pune, kanë mundësinë të regjistrohen dhe të gjejnë një vend pune me pagë të garantuar nga shteti.
Ai ka bërë thirrje tek bizneset që të përfitojnë nga kjo mundësi dhe të shpallin pozitat e lira përmes platformës “Super Puna”.
“Që në javën e parë pas lansimit, kemi mbi 1 mijë punëkërkues të regjistruar dhe verifikuar në platformën Superpuna! Të gjithë të rinjtë e moshës 18-25 vjeç që janë në kërkim të një vendi pune, kanë mundësinë të regjistrohen dhe të gjejnë një vend pune me pagë të garantuar nga shteti”, ka shkruar Murati.
