21.8 C
Prizren
E martë, 23 Korrik, 2024

Dioqeza e Rashkës dhe Prizrenit merziten që ministri Çeku i tha Gjokoviqit “No vax, no entry”

Tenisti serb me famë botërore, Novak Djokovic, i cili njihet për qëndrimet e tij skajshmërisht nacionaliste, ditë më parë në një intervistë për “Corriere della Serra” ka shprehur dëshirën e tij për t’u kthyer dhe për ta vizituar Kosovën. Ndaj një deklaratë të tillë të tij ka reaguar ministri i Kulturës Rinisë dhe Sportit, Hajrullah Çeku duke paralajmëruar se Djokovic s’mund të futet në Kosovë meqë s’është vaksinuar.

Ndaj një deklaratë të tillë të ministrit Çeku ka reaguar Dioqeza e Rashkës dhe Prizrenit duke thënë se janë të mërzitur nga një qëndrim i tillë e ministrit Çeku.

“Eparkia e Rashko-Prizrenit është thellësisht e pikëlluar nga postimi i ministrit të Kulturës dhe Sportit të Kosovës z.Çeku se nuk është e mundur ligjërisht që tenisti më i mirë në botë Novak Gjokoviç të vijë në Kosovë sepse nuk e ka marrë vaksinën kundër Covid-it, edhe pse ky detyrim ligjor nuk ka më shumë se një vit në fuqi. Novak Gjokoviq ka shprehur dëshirën për t’i pagëzuar fëmijët e tij në një nga vendet e shenjta në Kosovë, prej nga vjen edhe vetë”, thuhet në reagimin e Dioqëzës së Rashkës dhe Prizrenit.

“Lusim Zotin që kjo çështje të zgjidhet në përputhje me të drejtën e lëvizjes së lirë të të gjithë qytetarëve dhe lirinë fetare të të gjithëve, sepse nuk ka arsye ligjore për ndalimin e hyrjes së z. Gjokoviq, i cili vlerësohet si sportist nga shumë shqiptarë të Kosovës”, thekson reagimi i tyre.

 

Më Shumë

Moti sot: Me diell dhe vranësira – temperaturat deri në 34 gradë

Për të hënën parashikohet të mbajë mot me diell dhe vranësira, ku pritet kohë pas kohe të ketë rrebeshe lokale shiu, të shoqëruara me...

12 vjet nga vdekja e poetit Ali Podrimja

Poeti Ali Podrimja, më 21 korrik 2012, u gjet pa shenja jete në qytetit Lodve të Francës, ku kishte udhëtuar për të marrë pjesë...

Lajmet e Fundit