Kryetari i Komunës së Rahovecit, Smajl Latifi, priti sot në një takim Drejtoreshën Ekzekutive të Unionit të Bashkive Shqiptare në Rajon, Andriola Kambo, e shoqëruar nga administratorët e njësive të Bashkisë së Tiranës, shkruan PrizrenPress.
Gjatë takimit, kryetari Latifi falënderoi delegacionin për vizitën dhe uroi mirëseardhje në Rahovec për festën e vjeljes së rrushit, HardhFest 2024.
Andriola Kambo është emëruar Ambasadore e HardhFest 2024 dhe do të luajë një rol të rëndësishëm në promovimin e festivalit, i cili pritet të mbledhë vizitorë nga vende të ndryshme për të festuar traditat e verës dhe kulturën e Rahovecit./PrizrenPress.com/
