Sot, në Ditën e Personave me Nevoja të Veçanta, kryetari i Komunës së Rahovecit, Smajl Latifi, ka përkujtuar dhe nderuar personat me nevoja të veçanta, të cilët janë pjesë e pandashme e shoqërisë sonë.
“Sot, më shumë se kurrë, kujtojmë dhe nderojmë personat me nevoja të veçanta, të cilët janë pjesë e pandashme e shoqërisë sonë. Ata nuk kërkojnë mëshirë, por respekt dhe barazi. Detyra jonë është të sigurojmë që ata të kenë mundësi të barabarta dhe të ndihen të përfshirë në çdo aspekt të jetës”, ka thënë Latifi, përcjell PrizrenPress. Sipas tij, duhet të ndryshojmë mënyrën si i shohim, të vlerësojmë talentet dhe kontributet e tyre, duke i mbështetur në rrugën e tyre drejt një jete me dinjitet dhe të pavarur.
Latifi ka thënë se Komuna e Rahovecit vazhdon angazhimin e saj për të siguruar mundësi dhe mbështetje të vazhdueshme për personat me nevoja të veçanta, duke përmirësuar cilësinë e jetës dhe krijuar kushte më të mira për ta.
“Si institucione komunale, jemi të përkushtuar që të ofrojmë mbështetje të vazhdueshme, duke krijuar kushte më të mira dhe shërbime cilësore për këtë kategori të barabartë të shoqërisë sonë”, tha ai./PrizrenPress.com/
Përjetoni pushime të paharruar dhe dasma magjike në Hotel “Albes Residence”
