Kandidati i LDK-së për deputet, Xhavit Ukaj, po merr mbështetje të madhe nga qytetarët e Prizrenit. Në takimet e zhvilluara në Krushë, Lubizhdë dhe Arbanë, ai është pritur me entuziazëm dhe mbështetje të fortë.
“Mbajtëm një tubim në Krushë, ku banorët treguan mbështetjen e tyre të fortë dhe entuziazmin për vizionin tonë. Ky vend, i njohur për vlerat dhe historinë e tij, është dëshmi e forcës dhe unitetit që e karakterizon këtë komunitet. Gjatë tubimit u theksua rëndësia e projekteve që sjellin përmirësime të prekshme dhe ndikim pozitiv në jetën e përditshme të banorëve. Faleminderit Krushës për pritjen e ngrohtë dhe mbështetjen tuaj! Së bashku drejt një të ardhmeje më të mirë!”.
Ukaj gjithashtu ka prezantuar vizionin e tij për përmirësimin e jetës së qytetarëve në Lubizhdë.
“Në Lubizhdë shpalosëm vizionin tonë për zhvillimin e zonës dhe përmirësimin e jetës së përditshme të banorëve. Lubizhda është shembull i punës dhe përkushtimit, dhe ne jemi të vendosur ta mbështesim me projekte konkrete. Faleminderit për përkrahjen tuaj të madhe! Bashkë po ndërtojmë një të ardhme më të mirë!”
Në takimin e zhvilluar me banorët e Arbanës, Ukaj ka theksuar rëndësinë e projekteve konkrete që sjellin ndryshim dhe përmirësim për të gjithë.
“Sot zhvilluam një takim me banorët e Arbanës, ku u paraqit vizioni ynë për zhvillimin dhe përparimin e këtij komuniteti. Arbana meriton projekte konkrete që sjellin ndryshim dhe përmirësim për të gjithë. Faleminderit për mbështetjen tuaj të jashtëzakonshme! Bashkë drejt fitores!”
Me mbështetjen e fortë të qytetarëve të Prizrenit, Xhavit Ukaj dhe LDK-ja janë të vendosur të punojnë për një të ardhme më të mirë për të gjithë.