Koalicioni për Familje ka mbajtur një tubim në Prizren, ku theksoi angazhimin e tij për mbrojtjen e familjes tradicionale dhe kundërshtimin e martesave të gjinive të njëjta.
Gjatë tubimit, u prezantuan shtatë shtyllat kryesore të programit, me fokus në fuqizimin e familjes, arsimin dhe shëndetësinë. Një nga premtimet kryesore ishte sigurimi publik shëndetësor dhe rindërtimi i Qendrës Klinike Universitare të Kosovës (QKUK).
Koalicioni për Familje e cilësoi këtë si një betejë për ruajtjen e vlerave tradicionale dhe bëri thirrje për mbështetje në zgjedhjet e ardhshme.
