Nga 20 deri më 24 shkurt është mbajtur me sukses Kampi Potencial i FIBA Gjyqtarëve. Kampi u mbajt në Rahovec, aty ku u zhvillua Final 8 i Kupës së Ligës së Parë të Meshkujve, si dhe Final 4 i Kupës së Femrave.
Në këtë Kamp kanë marrë pjesë nëntë gjyqtarë, prej tyre gjashtë të huaj. Nga Kosova ishin Genc Vitaku, Ngadhnjim Shabani dhe Amar Xhekoviq. Gjyqtarët e huaj ishin nga Greqia, Italia, Mali i Zi, Kroacia, Hungaria dhe Austria.
Në këtë Kamp kanë ligjëruar Faton Kurshumlija, Sinisa Herceg dhe Giorgus Tanazis, të tre FIBA Instruktor.
Po ashtu kanë marrë pjesë edhe 20 gjyqtarë të FBK-së si përcjellës të kampit.
“Jam shumë i kënaqur me rrjedhën, rëndësinë dhe zhvillimit e këtij kampi. Temat kanë qenë: Referimi Fundamental, Mekanikat 3PO, Teknika e Gjykimit, Evaulimi i klipeve nga situatat e ndryshme dhe Punëtoria e Gjyqtarëve. Ka qenë një kamp i suksesshëm dhe shumë i nevojshëm. Gjyqtarët e kampit kanë gjykuar në Final 4 te Femrat, si dhe çerekfinalet dhe gjysmëfinalet te Final 8 i Kupës së Ligës së Parë të meshkujve”, është shprehur Faton Kurshumlija për faqen zyrtare të FBK-së./PrizrenPress.com/
