Superliga e Kosovës në basketboll vazhdon me një përballje të rëndësishme sonte, ku Golden Eagle Ylli dhe Trepça takohen në Therandë në kuadër të javës së 23-të, përcjell PrizrenPress.
Ylli renditet në vendin e gjashtë me 9 fitore dhe 13 humbje, ndërsa Trepça ndan pozitën e dytë me Bashkimin, duke regjistruar 15 fitore dhe 7 humbje. Ky duel pritet të jetë vendimtar për pozicionimin në tabelë dhe luftën për Play-Off.
Ndeshja zhvillohet në Palestrën “13 Qershori” në Therandë, nga ora 20:00, me një atmosferë të zjarrtë të pritur nga tifozët./PrizrenPress.com/
