Kryetari i Lidhjes Demokratike të Kosovës në Prizren, Driton Selmanaj, ka dërguar një telegram ngushëllimi pas ndarjes nga jeta të veprimtarit të shquar të çështjes kombëtare, prof. Qazim Kabashi.
“Me pikëllim të thellë pranuam lajmin për ndarjen nga jeta të veprimtarit të madh të çështjes kombëtare, anëtarit të Lidhjes Demokratike të Kosovës, përgjegjësit të logjistikës në Batalionin e UÇK-së në Kabash, deputetit të LDK-së (2001 – 2024) dhe nënkryetarit të LDK-së në Prizren, prof. Qazim Kabashi. Z. Kabashi do të kujtohet gjithmonë për virtytet e tij dhe punën profesionale që ka bërë ndër vite në shërbim të qytetarëve dhe shtetit të Kosovës. Prof. Qazim Kabashi do t’i mungojë familjes, miqve dhe gjithë strukturave të Lidhjes Demokratike të Kosovës! Qoftë i përhershëm kujtimi për të! I lehtë i qoftë dheu i Kosovës! Zoti e bekoftë shpirtin e tij fisnik!”/PrizrenPress.com
