Sot në Kosovë pritet të kemi rikthimin e fuqishëm të kushteve dimërore.
Priten vranësira të dendura, të cilat në fillim do të kushtëzojnë reshje shiu. Reshjet e shiut shumë shpejt do të shndërrohen në borë, fillimisht në viset kodrinore-malore, e më pas edhe në viset e ulëta. Reshje bore priten në gati të gjithë territorin e Republikës së Kosovës.
Pasdite vonë ose në mbrëmje, reshjet pritet të pushojnë dhe do të pasojnë kthjellime të pjesshme.
Temperaturat do të shënojnë ulje të ndjeshme që nga mëngjesi, ndërsa në orët e mbrëmjes pritet të bien nën zero, duke sjellë ngrica në shumë zona të vendit.
